Bekmuradova. G.M · Research Focus International Scientific Journal · 2023
Mazkur maqola jismoniy tabriya va sport sohasida kadrlarni qayta tayyorlash va malaka oshirish tizimida innovasion texnologiyalar fanni o‘rganish undagi mavjud muammolarni hal qilishning oson, qulay yo‘llarini izlab topishga xizmat qiladi. Bugungi kunda o‘quv jarayoniga innovasion texnologiyalarini tatbiq etish orqali o‘qitish jarayonida talabalarning faol ishtirokini, ularning mustaqil bilim olishlari evaziga ta‘lim samaradorligiga va kutilayotgan natijalarga erishish uchun tavsiyalar berilgan.
Azizov Nosirjon Nematilayevich · Research Focus International Scientific Journal · 2023
ushbu maqolada yuqori malakali kurashchilarni musobaqaoldi tayyorgarligini boshqarishning ilmiy-metodik asoslari yuzasidan adabiyotlar taxlili xamda ushbu mavzuga oid yangi ilmiy ma‘lumotlar keltirilgan.
Ahmedov Bobir Baxtiyor o‘g‘li · Research Focus International Scientific Journal · 2023
ushbu maqolada yuqori malakali kurashchilarni mashg‘ulot jarayonida texnik-taktik harakatchangligini rivojlantirish uslibiyoti bo‘yicha yetarlicha ilmiy yangiliklar berilgan.
Низамудинова Карина Ришадовна · Research Focus International Scientific Journal · 2023
Ushbu maqola mustaqil O‘zbekistonda jurnalistikaning paydo bo‘lishi, bosqichma-bosqich rivojlanishi va hozirgi holatiga bag‘ishlangan. Maqolada ushbu jarayonlarning kechishi xronologik tartibda tasniflanib, zarur xulosa va takliflar ishlab chiqiladi.
Umirzakov Qodirjon Toyirjonovich, Umirzakova Shahzodaxon G‘ofurovna · Research Focus International Scientific Journal · 2023
Bilamizki, so‘zlashuv tili nutq o‘stirishning dastlabki bosqichi hisoblanib, u asta-sekin takomillashib boradi. So‘zlashuv tili esa o‘qilgan matnlarni og‘zaki hikoya qilishda namoyon bo‘ladi. Maqolada matnlar ustida ishlash orqali tinglab tushunish nutqiy malakalarini shakllantirish usullari tadqiq etilgan.
Shosura Khusenova Toshtemir qizi · Research Focus International Scientific Journal · 2023
Bolalarga yangi tilni o‘rgatish qiyin bo‘lishi mumkin, biroq o‘qituvchilar xatolarga yo‘l qo‘yishdan butunlay qochishga urinsa, bu yanada murakkablashadi. Xato qilishdan qo‘rqish ko‘pincha qat‘iy va nazorat ostidagi o‘quv muhitini yuzaga keltiradi, bu esa o‘quvchilarning rivojlanishiga to‘sqinlik qilib, ijodkorligini cheklaydi. Boshqa tomondan, o‘quvchilarga xatoga yo‘l qo‘yishga imkon berish o‘z-o‘zini tuzatish, tanqidiy fikrlash va tilga bo‘lgan ishonchni rag‘batlantirishning yaxshi strategiyasidir. Ma‘lum darajadagi sinov va xatosiz o‘quvchilarga ingliz tilini o‘rganish qiyin bo‘lishi mumkin, chunki bu ko‘plab qoida va istisnolarga ega murakkab til. O‘qituvchilar xato qilish maqbul bo‘lgan xavfsiz va rag‘batlantiruvchi muhit yaratish orqali o‘quvchilarga o‘z tashvishlarini yengib o‘tishga va til qobiliyatlarini oshirishga yordam berishi mumkin. Ushbu maqolada biz ingliz tilini o‘qitishda o‘quvchilarga xatoga yo‘l qo‘yishga imkon berishning afzalliklarini muhokama qilamiz va o‘qituvchilar o‘quvchilarni o‘ylangan tavakkalchilikka undash hamda muvaffaqiyatsizliklaridan saboq olishga rag‘batlantirish uchun qo‘llashi mumkin bo‘lgan foydali taktikalarni taklif etamiz. Shuningdek, o‘quvchilarga konstruktiv tanqid va rag‘bat berishning qadri, o‘qituvchilar xatolarni tuzatish bilan o‘quvchilarning ulardan saboq olishiga imkon berish o‘rtasida qanday qilib mukammal muvozanat topishi mumkinligi haqida ham to‘xtalamiz.
Sharipov Bobur Salimovich · Research Focus International Scientific Journal · 2023
Ushbu maqolada lotincha klinik atamalarning xususiyatlari ko‘rib chiqiladi. Klinik atamalarning yasalishi va o‘zaro bog‘liqligi, atamalar yasalishida prefiks va suffikslarning o‘rni hamda roli haqida ma‘lumot beriladi.
No‘monova Zebinso Usmonjon qizi · Research Focus International Scientific Journal · 2023
Ushbu maqolada kognitiv lingvistika va uning rivojlanish bosqichlari, o‘rganilganlik darajasi hamda konsept tushunchasi so‘z boradi. Shuningdek, dunyo tilshunosligida konsept atamasi va unga turli yondashuvlar masalasi ilgari surilgan.
Odiljonova Madinabonu Rustam qizi, Badalboyeva Latofat · Research Focus International Scientific Journal · 2023
Chet tillarini o‘rganish insonning shaxsiy va kasbiy hayotini boyitadigan ko‘plab afzalliklar beradi. Birinchidan, u muloqot ko‘nikmalarini yaxshilab, turli madaniyat va ijtimoiy qatlam vakillari bilan bog‘lanish imkonini beradi. Bu esa xalqaro biznes va diplomatiya kabi turli sohalarda ish imkoniyatlariga olib kelishi mumkin. Bundan tashqari, chet tilini o‘rganish bugungi globallashgan dunyoda o‘ta muhim bo‘lgan madaniyatlararo tushunishga xizmat qiladi. U shuningdek, insonning dunyoqarashini va turli nuqtai nazarlarni anglashini kengaytirib, shaxsiy o‘sishiga yordam beradi. Chet tilini bilish sayohatni osonlashtirishi va uni yanada yoqimli hamda mazmunli qilishi mumkin. Ta‘lim nuqtai nazaridan chet tilini o‘rganish xotirani va muammolarni hal qilish ko‘nikmalarini yaxshilash kabi kognitiv foydalarga ega. Nihoyat, u ijtimoiy aloqalarni mustahkamlab, global fuqarolikni rivojlantirishi va insonlarni boshqalarga nisbatan ochiqroq hamda hamdard bo‘lishga undashi mumkin. Umuman olganda, chet tilini o‘rganishning foydalari ko‘p bo‘lib, ular insonning shaxsiy va kasbiy hayotini sezilarli darajada boyitadi.
Maxmudov Zafar Mardanovich · Research Focus International Scientific Journal · 2023
Inson hayoti davomida turli insonlar bilan uchrashadi, turli millat vakillarining urf-odat va tilidagi o‘ziga xosliklarga duch keladi. Binobarin, bugungi kunda ilmiy adabiyotlar bilan ishlash jarayonida “olik til” hisoblanmish lotin tilining boshqa tillarda “yashayotganligi”ni ko‘p kuzatamiz. Maqolada lotin tilining bugungi kunda zamonaviy tillarga ta‘siri haqida so‘z boradi. Bu maqolada lotin tilining tarqalishi haqida to‘liq to‘xtalmadik, ayrim keng tarqalgan terminlar haqida so‘z yuritdik, xolos.
Jo‘rayeva Nargiza Rafiq qizi · Research Focus International Scientific Journal · 2023
matn bu qimmatli tarixiy asosdir. Har bir tarixchi, adabiyotchi, manbashunos va umuman barcha tarix va filologiya sohasi izlanuvchilari buni inkor qilmaydilar. Buxoro shahridagi san‘at muzey-qo‘riqxonasi xazinasida juda ko‘plab nodir qo‘lyozma va toshbosma manbalar necha yillardan buyon saqlanib kelinmoqda va ushbu xazinadagi bir toshbosma kitob diqqatimizni tortdi. E‘tiborli jihati shundan iboratki, deyarli yuz yil oldin yozilgan ushbu toshbosma manba mundarijasidan o‘rin olgan bizgacha yetib kelgan g‘azallar, murabba, muxammas, musaddaslar mazmuni bugungi kundagi dolzarb muammolariga teng kelib unga yechimlar izlaydi
Fayziyeva Dilorom Shabonovna · Research Focus International Scientific Journal · 2023
Ushbu maqolada jamiyatimiz hayotining barcha sohalarida bo‘lganidek, ijtimoiy-siyosiy va ma‘naviy yo‘nalishlarda ham milliy o‘zligimizni anglash, davlatchiligimiz tarixining noma‘lum sahifalarini, milliy adabiyotimiz tarixini qaytadan o‘rganish, hamda Markaziy Osiyodagi Xojagonlar tariqati, uning tarqalishi, bu tariqat vakillari ilm-fanni rivojlantirishda, odamlarni ma‘naviy poklikka chaqirishda katta xizmat ko‘rsatganliklari va bu tariqatning faoliyati, davomchilari, shogirdlari haqida fikr yuritdik. Bugungi kunda, bular kabi yirik mutasavvuf olimlarining asarlari tadqiq etilmoqda. Sharqda katta shuhratga ega bo‘lgan bu silsilaga daxldor shayxlar Xojalar yoki Xojagonlar deb atalib, boy ilmiy ijodiy merosini yoritish bilan bog‘liq izlanishlar haqida fikr yuritilgan.
Bo‘riyev Dilmurod Arzimurodovich · Research Focus International Scientific Journal · 2023
Maqola ingliz tilining asosiy jihatlaridan biri hisoblanadigan uslubiy bo‘yoqdor frazeologik birliklarni tarjima qilish usullarini tahlil qilishga bag‘ishlangan.
Amrulloyeva Nilufar Anvar qizi · Research Focus International Scientific Journal · 2023
Ushbu maqolada “ Ingliz tili nima uchun kerak?” savoliga javob topiladi, ota-onalar va o‘qituvchilar bolalarni til o‘rganishga qiziqtirishi uchun bir nechta samarali usullar beriladi, o‘quvchilar nima uchun aynan boshlang‘ich sinfdan ingliz tiliga jalb etilishi uchun sabablar keltiriladi, bola psixologiyasi haqida olib borilgan izlanishlar asosida turli xil o‘yinlar va mashqlarning natijasi ko‘rsatiladi.
Abduvaitov Eldorbek Farxod o‘g‘li · Research Focus International Scientific Journal · 2023
Ushbu maqolada bosh va ikkinchi darajali bo‘laklarning o‘zbek tilshunosligida darajalanishi, gapdagi eng muhim vazifasi, bosh va ikkinchi darajali bo‘laklar tahliliga oid nazariy va amaliy tushuncha hamda fikr-mulohazalar atroflicha keng tarzda yoritilgan.
Nomozov Xurshid Shavkat o‘g‘li · Research Focus International Scientific Journal · 2023
Maqolada shaxsning internet-makon kontentlaridan oqilona foydalanishini ta‘minlashda axloqiy madaniyatning ham ahamiyati beqiyos o‘rni. Inson turli resurslarni avvalo o‘z axloqiy qarashlari, ehtiyojlari va qadriyatlariga asoslanib tanlashi doir ishlar. Shu nuqtai nazardan fikrlaganda, shaxs axloqiy madaniyati uning internet resurslariga murojaati xarakterini belgilovchi omil ekanligini. Internet-makon resurslarini shaxs pozitiv ijtimoiylashuvi omiliga aylantirish uchun uning nafaqat axborot madaniyatini, balki axloqiy madaniyatini ham yuksaltirish zarur ekanligini ilmiy jihatdan ochib berilgan va dalillangan.
Karimova Gulnoza · Research Focus International Scientific Journal · 2023
Ma‘lumki, inson avvalo oilada o‘sadi va tarbiyalanadi, shaxs sifatida shakllanadi. Oiladagi tarbiya, ma‘naviy va axloqiy qadriyatlar keyinchalik odamlar orasida, ya‘ni mahallada, oilada, ta‘lim tashkilotlarida o‘z o‘rnini topadi. Shu bois jahon hamjamiyati nufuzini belgilab beruvchi barkamol avlodning voyaga yetishi kabi ulug‘vor ishni, Vatanimiz va xalqimizning ertangi kunini oila-mahalla-ta‘lim tashkiloti hamkorligisiz hal etib bo‘lmaydi. Ushbu maqolada «oila-mahalla-ta‘lim tashkiloti» hamkorligini rivojlantirishning ijtimoiy jihatlari o‘rganilgan.
Nasilloyev Sunnat Shavkat o‘g‘li · Research Focus International Scientific Journal · 2023
Sovet hokimiyati O‘zbekiston SSRda sotsialistik fan shtabi bo‘la oladigan tashkilot, yetakchi ilmiy markaz yaratish ustida ishladi. Natijada 1940-yil, 9-yanvarda Fanlar komiteti negizida SSSR Fanlar akademiyasining O‘zbekiston filiali (УзФАН) tashkil etildi. Ilmiy markaz tarkibida dastlab geologiya, botanika, tarix, til va adabiyot, iqtisodiy tadqiqotlar, suv xo‘jaligi muammolari, kimyo ilmiy tekshirish institutlari, tuproqshunoslik, zoologiya, fizika-matematika fan sektorlari, Toshkent Astronomiya rasadxonasi va uning huzuridagi Kitob kenglik stansiyasi, hamda kartografiya byurolari mavjud bo‘lgan. Sovet Ittifoqining eng yirik fanlar markazi – SSSR Fanlar akademiyasining nazorati hamda rus olimlarining yordami bilan O‘zbekiston SSRda ilm-fanning taraqqiy etishi tezlashdi.
Musayev A.B. · Research Focus International Scientific Journal · 2023
Ushbu maqolada Buxoro xonligining sharqiy hududi bo‘lgan Farg‘ona vodiysining Nadr Muhammadxon hukmronligi davridagi (1642-1645) siyosiy hayoti manbalar va ilmiy adabiyotlar asosida tahlil qilinadi.
Fazliddinova Zulfiyakhon Dilmurod qizi · Research Focus International Scientific Journal · 2023
Birinchi Uyg‘onish davri olimlari fundamental g‘oyalarni yaratgani va boshqa mamlakatlar taraqqiyotiga ulkan hissa qo‘shgan ko‘plab fanlarga asos solgani inkor etib bo‘lmaydigan haqiqatdir. Ushbu maqolada men Jaloliddin Rumiy, Al-Xorazmiy, Abu Ali ibn Sino kabi buyuk olimlarning asarlari va qo‘shgan hissasini tadqiq etishga harakat qilaman.