Natijalarni aniqlashtiring, tahlil qiling yoki eksport qiling.
Joriy tartibdagi birinchi 1 000 ta yozuv yuklanadi (4 311 tadan).
М. Н.А, Т. Гулзар, С. Цюйхуэй, И. Нурсултан · Research Focus International Scientific Journal · 2026
Maqolada 2030-yilgacha bo‘lgan davr uchun qisqa, o‘rta va uzoq muddatli istiqboldagi ehtimoliy kelajak energetika ssenariylari ko‘rib chiqilgan, shuningdek, qayta tiklanuvchi energiya manbalari sektorining hozirgi holati haqida batafsil ma‘lumot berilgan.
А. Шавазов, И. Илекерова, Ш. Тураханов · Research Focus International Scientific Journal · 2026
Ushbu maqolada turli texnologik sharoitlarda ishlaydigan kompressor va ventilyatorli elektromexanik tizimlarning energiya samaradorligini oshirishning zamonaviy usullari ko‘rib chiqiladi. Asinxron elektr yuritmalarning energetik xarakteristikalariga o‘zgaruvchan yuklama, o‘tish jarayonlari, qisman yuklama rejimlari va to‘xtab turish vaqtlarining ta‘siri tahlil qilindi. Chastotaviy boshqariladigan yuritma, adaptiv boshqarish algoritmlari va intellektual boshqarish usullarini qo‘llash orqali energiya yo‘qotishlarini kamaytirishga alohida e‘tibor qaratilmoqda. Energiya samaradorligiga erishish uchun ventilyatsiya tizimlarini dinamik modellashtirish va kompressor qurilmalarini boshqarishning zamonaviy yondashuvlari ko‘rib chiqilgan. Ish rejimini optimallashtirish tizimlari va rostlanuvchi elektr yuritmalardan foydalanish energiya sarfini 20–40 foizga, ba‘zan esa undan ham ko‘proq tejash mumkinligi ko‘rsatilgan. O‘zgaruvchan texnologik sharoitlarda elektromexanik tizimlarning samaradorligini oshirish bo‘yicha tavsiyalar so‘nggi ilmiy tadqiqotlar tahlili asosida ishlab chiqilgan.
M. Abdulhakimova, D. Haydarova · Research Focus International Scientific Journal · 2026
Ushbu tadqiqotda Phlomoides kirghisorum o‘simligining yer ustki qismida umumiy oqsil miqdori Kjeldal usuli yordamida aniqlandi. Tadqiqot obyekti sifatida vegetatsiya davrida yig‘ilgan va quritilgan o‘simlik xomashyosi tanlandi. Tahlil jarayonida namunadagi umumiy azot miqdori aniqlanib, oqsilga aylantirish koeffitsienti (6,38) yordamida umumiy oqsil miqdori hisoblab chiqildi. Tadqiqot natijalariga ko‘ra, o‘simlik tarkibidagi umumiy azot miqdori 2,44 % ni, umumiy oqsil miqdori esa 15,57 % ni tashkil etdi. Olingan natijalar Phlomoides kirghisorum turining oqsil moddalarga nisbatan boy ekanligini ko‘rsatdi. Aniqlangan oqsil miqdori ushbu o‘simlikning biologik va farmakologik qiymatini baholashda muhim ko‘rsatkich hisoblanadi. Tadqiqot natijalari dorivor o‘simliklar tarkibini kompleks o‘rganish hamda ularni farmatsevtika va fitoterapiya amaliyotida qo‘llash imkoniyatlarini ilmiy asoslash uchun xizmat qiladi.
S. Utamuradova, B. Xaydarov · Research Focus International Scientific Journal · 2026
Yarimo‘tkazgich elektrodlarga ega gaz razryadli yacheykalarda fizik jarayonlar nazariy va eksperimental jihatdan tadqiq qilindi. Plazmali kontaktlarning gaz razryadi stabilligini oshirishi aniqlandi. Qo‘shimcha dempferlovchi kaskadli fotografik ionizatsion kamera 0,38–11 mkm va undan yuqori infraqizil diapazonda obyektlarni qayd etish imkonini berdi. Eksperimental natijalar nazariy hisoblar bilan mos keldi.
A. R.T., D. M.M. · Global ekologik muammolar, cho‘llanish va oziq-ovqat xavfsizligi · 2026
Ushbu tezisda bug‘doy hosildorligi va don sifatini oshirishda makroelementlar bilan bir qatorda mikroelementlarning ham muhim o‘rin tutishi ilmiy adabiyotlar asosida tahlil qilingan. Ushbu tahlil natijalaridan kelib chiqib, ko‘pchilik ilimiy-izlanishlarda mikroelementlarning o‘simliklarning o‘sishi, rivojlanishi, fotosintez jarayonlari, oziq moddalar almashinuvi hamda hosil elementlarining shakllanishiga ta‘sirini o‘rganishga qaratilganligini ko‘rishimiz mumkin. Adabiyotlar tahliliy natijalari bo‘yicha mikroelementli preparatlar bilan bug‘doy urug‘lariga ishlov berish va vegetatsiya davrida qo‘llash bug‘doyning unuvchanligi, tuplanishi, hosildorligi hamda don sifat ko‘rsatkichlarini yaxshilashini ko‘rsatgan. Shuningdek, Orolbo‘yi hududining tuproq-iqlim sharoitlarida mikroelementlarning samarali meyorlari va qo‘llash usullarini aniqlash yuqori va sifatli hosil olishning muhim omillaridan biri ekanligi bo‘yicha ham tahliliy ma‘lumotlar keltirilganligini kuzatish mumkin.
D. qizi · Global ekologik muammolar, cho‘llanish va oziq-ovqat xavfsizligi · 2026
Ushbu maqolada Qoraqalpog‘iston Respublikasi sharoitida pomidorning alternarioz kasalligiga qarshi laboratoriya sharoitida qo‘llanilgan fungicidlarni sinash va ularning ta‘siri bo‘yicha olingan tadqiqot natijalari keltirilgan bo‘lib, ushbu ma‘lumotlar dala sharoitida ham ushbu fungicidlarni sinash uchun foydalanish imkonini beradi.
D. qizi · Global ekologik muammolar, cho‘llanish va oziq-ovqat xavfsizligi · 2026
Ushbu maqolada Qoraqalpog‘iston Respublikasi sharoitida pomidor dalalaridan olingan pomidorning kasallangan a‘zolari, urug‘ va tuprog‘idan olingan namunalarda ajratailgan zamburug‘larning tur tarkibi va sistematik or‘ni bo‘yicha 2023-2025-yillarda olib borilgan tadqiqot natijalari keltirilgan bo‘lib, ushbu ma‘lumotlar kelajakda pomidorda kasallik qo‘zg‘atuvchi zamburug‘ turlarini o‘rganishda manba sifatida foydalanish imkonini beradi.
E. Zakirdjanovna, N. Mamanovna, I. Abdufattaevna, S. Azamatjonovich · Global ekologik muammolar, cho‘llanish va oziq-ovqat xavfsizligi · 2026
Ushbu tadqiqotda Inula L. turkumi vakillarining gulchang morfologiyasiga oid xorijiy ilmiy adabiyotlarning keng ko‘lamli tahlili amalga oshirilgan. Tahlillar shuni ko‘rsatdiki, gulchang donachalarining morfologik xususiyatlari o‘simliklarni sistematik jihatdan o‘zaro bir biridan farqlanishi muhim ahamiyatga ega. Turkum vakillarining gulchangi yorug‘lik mikroskopik (LM) hamda skaner elektron mikroskop (SEM) usullari orqali o‘rganilib ularning o‘rtasidagi muhim belgi hususiyatlari turlararo farqlanishi aniqlangan. Tadqiqotlar tahlillari natijasida ekzin, tikanchalarning uzunligi va joylashishi, shuningdek apertura tuzilishi Inula turlarini differentsiatsiya qilishda muhim palinomorfologik belgi ekanligi ilmiy asoslangan. SEM tahlillari gulchang mikromorfologiyasini yuqori aniqlikda baholash imkonini berib, turlar o‘rtasidagi filogenetik va taksonomik munosabatlarni aniqlashda muhim ahamiyat kasb etishi qayd etilgan.
U. Rambergenovna, M. Komilovna · Global ekologik muammolar, cho‘llanish va oziq-ovqat xavfsizligi · 2026
Mazkur maqolada Qora Shahzoda kunjut navining morfobiologik va xo‘jalik jihatdan qimmatli belgilari hamda uni O‘rta Osiyo sharoitida yetishtirish agrotexnologiyasi o‘rganilgan. Navning vegetatsiya davri, o‘simlik bo‘yi, barg va qo‘zoqcha tuzilishi, urug‘ining morfologik ko‘rsatkichlari hamda yog‘lilik darajasi tahlil qilingan. Tadqiqotlarda sug‘oriladigan va lalmi maydonlarda o‘sish xususiyatlari qiyosiy baholangan. Shuningdek, urug‘lik sifati, ekish muddati, ekish me‘yorlari va sug‘orish tizimining hosildorlikka ta‘siri yoritilgan. Ekinlarni parvarishlashda yagonalash, begona o‘tlarga qarshi kurash hamda optimal ko‘chat qalinligini shakllantirishning ahamiyati asoslab berilgan. Olingan ma‘lumotlar Qora Shahzoda navidan yuqori va sifatli hosil olishda samarali agrotexnik tadbirlarni qo‘llash muhim ekanligini ko‘rsatadi.
Utemuratov Khojabay Khudaybergenovich, Ibragimova Zarafshan, Smetov Murat Inyatovich, Shamuratov Quralbay Turdibaevich · Global ekologik muammolar, cho‘llanish va oziq-ovqat xavfsizligi · 2026
Mazkur tezisda Qoraqalpog‘iston Respublikasi Chimboy tumanidagi degradatsiyaga uchragan sug‘oriladigan erlarni qayta tiklash hamda iqlim o‘zgarishi va suv tanqisligi sharoitida barqaror dehqonchilikni rivojlantirishning ilmiy asoslari bayon etilgan. Minimal ishlov berish, organik moddalar bilan boyitish, siderat ekinlar va zamonaviy sug‘orish texnologiyalarining agroekologik samaradorligi asoslangan.
N. G.B. · Глобальные экологические проблемы, опустынивание и продовольственная безопасность · 2026
Maqolada Orolbo‘yining hozirgi ekologik muammolari sharoitida aholining ekologik madaniyatini shakllantirish masalalari ko‘rib chiqiladi. Ekologik savodxonlikni oshirish, tabiiy resurslarga mas‘uliyatli munosabatni rivojlantirish va ekologik yo‘naltirilgan xulq-atvorni shakllantirishda madaniy-ma‘rifiy faoliyatning roliga alohida e‘tibor qaratiladi. Ekologik ma‘rifat ekologik muammolarni hal etish va mintaqaning barqaror rivojlanishini ta‘minlashning muhim vositasi ekanligi ko‘rsatib berilgan.
G.Nurabullaeva, P.Shımbergenova · Global ekologik muammolar, cho‘llanish va oziq-ovqat xavfsizligi · 2026
Mazkur maqolada polikultura sharoitida baliq yetishtirishning biologik, ekologik va iqtisodiy ahamiyati yoritilgan. Polikultura usuli turli baliq turlarini bir suv havzasida birgalikda parvarishlash orqali tabiiy ozuqa bazasidan samarali foydalanish va ekologik muvozanatni saqlash imkonini beradi. Shuningdek, ushbu usul yem xarajatlarini kamaytirish, suv resurslaridan oqilona foydalanish hamda yuqari iqtisodiy samoradorlikka erishishda muhim ahamiyat kasb etishi ta‘kidlangan.
Yeshchanova Sayyora Shukurilla qizi, Mirametova Elmira Koshmakhambetovna, Sagirbaeva Zarina Yuryevna · Global ekologik muammolar, cho‘llanish va oziq-ovqat xavfsizligi · 2026
Ushbu maqolada Microtus ilaeus turining oziqlanish va ko‘payish biologiyasining o‘ziga xos xususiyatlari o‘rganilgan. Tadqiqotlar natijasida turning oziq ratsioni tarkibi mavsumlar bo‘yicha tahlil qilinib, yoz faslida yashil o‘simliklar, qish faslida esa o‘simliklarning er osti qismlari asosiy ozuqa manbai ekanligi aniqlandi. Shuningdek, turning suv va suv- botqoq ekotizimlariga moslashganligi hamda populyatsiyasining saqlanib qolishida oziqlanish strategiyalarining ahamiyati baholandi. Olingan natijalar mazkur turning ekologik xususiyatlarini aniqlash va uni muhofaza qilish chora-tadbirlarini takomillashtirishda muhim ahamiyatga ega.
R. Mambetova, O. Oripov · Global ekologik muammolar, cho‘llanish va oziq-ovqat xavfsizligi · 2026
Ushbu maqolada Qoraqalpog‘iston Respublikasining turli iqlim sharoitida jinsi bo‘yicha nishonlangan tut ipak qurti zot va duragaylarini parvarishlashning reproduktiv, biologik va texnologik ko‘rsatkichlarga ta‘siri o‘rganildi. Tadqiqotlarda harorat, havo namligi, ozuqa sifati va parvarishlash sharoitlarining tuxum jonlanishi, qurt hayotchanligi, pila mahsuldorligi hamda ipakchanlik darajasiga ta‘siri baholandi. Ilmiy natijalarga ko‘ra, mahalliy iqlimga moslashgan nishonlangan duragaylar yuqori hayotchanlik va reproduktiv ko‘rsatkichlarni namoyon etdi.
P. ogli, A. kizi · Глобальные экологические проблемы, опустынивание и продовольственная безопасность · 2026
Ushbu ishda kunjut (Sesamum indicum L.) kolleksion namunalarining laboratoriya sharoitida erta rivojlanish bosqichidagi qiyosiy morfometrik bahosi o‘tkazildi. Tadqiqotning maqsadi namunalarning maysa umumiy uzunligi va gipokotil uzunligi ko‘rsatkichlari bo‘yicha genotipik o‘zgaruvchanligini o‘rganishdan iborat edi. Tadqiqot urug‘larni filtr qog‘ozida qorong‘ilikda o‘zgaruvchan harorat rejimida (30 °C — 6 soat va 20 °C — 18 soat) undirish usulida o‘tkazildi. Tadqiqot ob‘ekti sifatida turli geografik kelib chiqishga ega 12 ta kunjut kolleksion namunasi xizmat qildi. Morfometrik o‘lchovlar tajriba qo‘yilganidan keyingi oltinchi kunda amalga oshirildi. O‘rganilgan genotiplar maysalarning erta o‘sish jadalligi bo‘yicha sezilarli darajada farq qilishi aniqlandi. Maysaning umumiy uzunligi bo‘yicha eng yuqori ko‘rsatkichlar K216, K221, K161 namunalari va nazorat Tashkentskiy-122 naviga xos bo‘ldi. Gipokotil uzunligining maksimal qiymatlari K221 va K1396 genotiplarida qayd etildi. Olingan natijalar aniq ifodalangan genotipik o‘zgaruvchanlik mavjudligidan dalolat beradi va keyingi fiziologik-seleksion tadqiqotlar uchun istiqbolli namunalarni ajratib olish imkonini beradi.
N. Berdimuratova, O. Oripov · Global ekologik muammolar, cho‘llanish va oziq-ovqat xavfsizligi · 2026
Mazkur maqolada Qoraqalpog‘iston Respublikasining quruq va keskin kontinental iqlim sharoitida yetishtirilgan tut barglarining ipak qurti hayotchanligi hamda pilla mahsuldorligiga ta‘siri o‘rganildi. Tadqiqot davomida mahalliy “Ipakchi-1”, “Ipakchi-2” va xorijdan keltirilgan “Shan- Tung” zotlari biologik va xo‘jalik ko‘rsatkichlari bo‘yicha taqqoslandi. Shuningdek, harorat, havo namligi, oziqlantirish sifati va qurtxonadagi mikroiqlimning ipak qurtining rivojlanishiga ta‘siri baholandi. Tadqiqot natijalariga ko‘ra, mahalliy iqlimga moslashgan zotlar yuqori hayotchanlik va pilla hosildorligini namoyon etdi.
N. ogli, K. Nagimovich · Global ekologik muammolar, cho‘llanish va oziq-ovqat xavfsizligi · 2026
Sholi o‘simligi (Oryza sativa L.) organlarida xrom (Cr) elementining bioakkumulyatsiyasi o‘rganildi. Tuproq tarkibidagi og‘ir metallar (Cu, Pb, Ni, Cd, Cr, Co, Zn) kompleks tasirida Alanga va Lazurniy navlarida ildiz, poya+barg hamda don qismlarida Cr ionlarining to‘planishi o‘rganildi. Natijalarga ko‘ra, ildizlarda bioakkumulyatsiya koeffitsienti (BAF) 0,54–0,90 oralig‘ida bo‘lib, poya+barglarda yuqori miqdordagi to‘planish kuzatildi. Don tarkibida Cr kontsentratsiyasi REMdan yuqori bo‘lib, navlar o‘rtasida farq aniqlandi: Lazurniy navida yuqori bioakkumulyatsiya qayd etildi.
L. Kudratovich, S. Panjievich · Global ekologik muammolar, cho‘llanish va oziq-ovqat xavfsizligi · 2026
Ushbu maqolada Surxondaryo viloyatining oziq moddalar bilan kam ta‘minlalagan qum sahro tuproqlari sharoitida har xil:- 60 kg/ga; 75 kg/ga va 90 kg/ga me‘yorlarda ekilgan soya ertapishar Ustoz va Vavilov navlari, azotli o‘g‘it bilan 50 kg/ga, 80 kg/ga, hamda 110 kg/ga me‘yolarda qo‘llanilgan va azot o‘g‘iti qo‘llanilmagan variantlarning har birida O‘z.gumi stimulyatorining 0,6 t/l. me‘yorini- ng ta‘siri natijasida yetishtirlgan soya urug‘idagi moy va oqsil miqdorining o‘zgarishi haqida ma‘lumotlar ko‘rsatilgan.
Y. Farxodovich · Global ekologik muammolar, cho‘llanish va oziq-ovqat xavfsizligi · 2026
Ilmiy maqolada kuzgi bug‘doydan yuqori va sifatli don hosili yetishtirishda parvarishida ekin maydonida tarqalgan begona o‘tlarga qarshi gerbisidlardan Serto Plyus 25 % 100 g/ga, Ritmika Of 120 gerbisidi 400 ml/ga me‘yorlarida qo‘llanilib, parvarishida Nanoplant ultra 100 ml/t+100+150 ml/ga (urug‘ga ishlov berish+tuplanishda+naychalashda) va Avangard Start 1,0 l/t+1,0+2,0 l/ga (urug‘ga ishlov berish+tuplanishda+naychalashda) me‘yor va tartiblarida ildizdan tashqari oziqlantirish yuqori samaradorlikni ta‘minlashi keltirib o‘tilgan.
A. Erimmatovna, M. Xudayarovna · Global ekologik muammolar, cho‘llanish va oziq-ovqat xavfsizligi · 2026
Mazkur tadqiqotda ipak qurtini intensiv oziqlantirish hamda oziqlanish maydonining pilla hosildorligi va sifatiga ta‘siri o‘rganildi. Tajriba davomida qurtlar yuqori sifatli tut barglari bilan intensiv oziqlantirilib, ular uchun optimal oziqlanish maydoni yaratildi. Kuzatishlar natijasida intensiv oziqlantirish qurtlarning o‘sishi va rivojlanishini jadallashtirishi, pillaga chiqish darajasini oshirishi hamda yuqori sifatli pillalar hosil bo‘lishiga xizmat qilishi aniqlandi. Olingan pillalar oq rangli, bir xil shaklli va yuqori texnologik sifat ko‘rsatkichlariga ega bo‘ldi. Tadqiqot natijalari pillachilikda intensiv oziqlantirish texnologiyalarini qo‘llash mahsulot sifati va hosildorligini oshirishda muhim ahamiyatga ega ekanligini ko‘rsatdi.