Xayriddinov Sh.B., Ismoilova G.A. · Research Focus International Scientific Journal · 2024
Мазкур мақолада бюджет молтявий ресурслардан фойдаланишни ўзига хос жиҳатлари тадқиқ этилган. Уларнинг ўзаро ўхшаш ва фарқли хусусиятлари тизимлаштирилган. Уларга нисбатан мустақил муаллифлик ёндашуви шакллантирилган, шунингдек, натижага йўналтирилган бюджетлаштиришнинг афзалликлари назарий-ҳуқуқий жиҳатдан баҳоланган.
Yusupova Sohiba Anvar qizi · Research Focus International Scientific Journal · 2024
Raqamli texnologiyalar va elektron tijoratning integratsiyasi butun dunyoda iqtisodiy o‘sishning muhim harakatlantiruvchi omiliga aylandi. Ushbu maqolada internet, mobil texnologiyalar va elektron tijorat platformalari kabi innovatsiyalar mehnat unumdorligi, bandlik va bozorning kengayishiga qanday hissa qo‘shishi tahlil qilinadi. Rivojlangan va rivojlanayotgan mamlakatlar tajribasiga tayangan holda tadqiqotda raqamli infratuzilma va onlayn savdo iqtisodiy o‘sishga qay tarzda turtki berishi o‘rganiladi. Global hisobotlar va empirik tadqiqotlar ma‘lumotlaridan foydalanib olingan natijalar raqamli texnologiyalarni joriy etishning tarmoqlarga, daromad shakllanishiga va iste‘molchilar xatti-harakatiga ko‘rsatadigan o‘zgartiruvchi ta‘sirini ko‘rsatadi. Maqolada, shuningdek, raqamli tengsizlik va raqamli tafovut kabi muammolar ko‘rib chiqilib, barqaror o‘sish siyosati bo‘yicha qarashlar taklif etiladi.
Hamdamova Shoira · Research Focus International Scientific Journal · 2024
Ushbu tadqiqotda Movarounnahrning muhim shaharlaridan biri bo‘lgan Afrosiyobda VII asrdan XII asrgacha sirlangan va sirlanmagan sopol buyumlarning rivojlanishi o‘rganiladi. Tadqiqotda keramikaning texnologik yangiliklari, bezak motivlari va funksional maqsadlari tahlil qilinib, mahalliy hunarmandlar madaniy, iqtisodiy va siyosiy ta‘sirlarga javoban o‘z hunarini qanday moslashtirgani va rivojlantirgani ochib beriladi. Arxeologik dalillar va tarixiy manbalardan foydalangan holda ushbu tadqiqot sopol buyumlarning Afrosiyobning kundalik va marosim hayotidagi ahamiyatini yoritib, uning mintaqaviy savdo tarmoqlari va madaniy o‘zaro aloqalardagi o‘rnini ta‘kidlaydi. Olingan natijalar keramika o‘sha davrning badiiy merosini ham, iqtisodiy sharoitlarini ham qanday aks ettirganini chuqurroq tushunish imkonini beradi.
Nigmatjonov Sardor Abdumannobovich, Mirzayeva Durdona Qaxramon qizi · Research Focus International Scientific Journal · 2024
Ушбу мақола плёнка тўшагичнинг конструктив параметрларини асослашга қаратилган. Мақола давомида плёнка тўшагичнинг асосий параметрлари сифатида пушта олгичнинг қамраш кенглиги, пушта олгичнинг ҳаракат йўналишига нисбатан ўрнатилиш бурчаги, ғалтакнинг диаметри ва эни кабиларни кўришимиз мумкин
Yusupov Dilshodbek Turdaliyevich · Research Focus International Scientific Journal · 2024
Maqolada dunyo bo‘yicha kombinatsiyalangan shamol va quyosh energiya qurilmalari bo‘yicha olib borilgan ilmiy tadqiqot natijalari tahlil qilingan. Energiya qurilmalarning afzallik va kamchiliklari haqida ma‘lumotlar berilgan. Energiya majmualar tahlili asosida O‘zbekistonda kombinatsiyalangan energiya majmualarni ishlab chiqish va ulardan samarali foydalanish usullari keltirilgan.
SH.O.Bebitov. F.F.Sodiqov · Research Focus International Scientific Journal · 2024
Quyosh fotoelektrik tizimlarini odatda “Building Integrated Photovoltaiss” (BIPV) deb ataladigan qurilish inshootlariga integratsiyalashuvi barqaror energiya sektoridagi muhim innovatsiyadir. BIPV texnologiyalari energiya ishlab chiqarish va qurilish dizaynini birlashtirib, uglerod chiqindilarini kamaytirish, energiya xarajatlarini tejash va yaxshilangan me‘moriy estetika kabi ko‘plab afzalliklarni taqdim etadi. Ushbu maqolada BIPV texnologiyalarining turlari, qayerlarda qo‘llanilishi, ular qurilgan muhitda toza energiya ishlab chiqarish, hamda O‘zbekistonda BIPV tehnalogiyasining nechog‘lik zarurligi haqida ko‘rib chiqiladi. BIPV texnologiyalari so‘ngi bir necha o‘n yilliklarda atrof-muhit muammolari, energiya samaradorligini oshirish qoidalari va qayta tiklanadigan energiya manbalariga talab ortib borayotgani tufayli sezilarli darajada rivojlandi.
Rajabov Jamoliddin Bakhtiyar o‘g‘li · Research Focus International Scientific Journal · 2024
Qayta tiklanuvchi energiya manbalari - tabiiy ravishda o‘z-o‘zidan tiklanadigan va ekologik jihatdan barqaror deb hisoblanadigan resurslardir. Ular issiqxona gazlari chiqindilarini kamaytirish va iqlim o‘zgarishiga qarshi kurashda hal qiluvchi rol o‘ynaydi. Qayta tiklanuvchi energiya manbalari (QTEM) butun dunyoda tobora ommalashib bormoqda, chunki bu manbalar cheklangan va global isishga sezilarli hissa qo‘shadigan qazilma yoqilg‘idan farqli o‘laroq vaqt o‘tishi bilan tugamaydi va shu bois barqaror hisoblanadi. Xalqaro energetika agentligining (XEA) rasmiy hisobotiga ko‘ra, 2019 yildan boshlab elektr energiyasi ishlab chiqarish uchun qazilma yoqilg‘idan foydalanishga bo‘lgan talab pasaya boshladi va global energiya ehtiyojlarini qondirish uchun QTEM dan foydalanish ortdi. Ushbu ishda Namangan viloyati Mingbuloq tumanida to‘liq o‘rnatilmagan va ishga tushirilmagan bir necha obyektlar, shuningdek, muammoni hal qilish yo‘llari bo‘yicha takliflar keltirilgan.
Mastonov Jahongir Mamatqul o‘g‘li · Research Focus International Scientific Journal · 2024
Kompyuterlar va aqlli qurilmalar hayotimizning har doimgidek asosiy qismiga aylandi. Kompyuterlar va kompyuterlar tomonidan boshqariladigan qurilmalar tibbiyotdan tortib mashinasozlik, to‘qimachilik ishlab chiqarishigacha bo‘lgan barcha sohalarda qo‘llaniladi. Kompyuterlar muqarrar ravishda tarqalib ketgan sohalardan biri bu ta‘lim va kompyuterlarni boshqarish yoki ularni boshqarish darajasi va samaradorligini oshirishning asosiy shartlaridan biri bu inson va kompyuter o‘zaro ta‘sirini iloji boricha samarali qilishdir. "Kompyuterga o‘xshash fikrlash" yoki "Kompyuter tafakkuri" deb nomlanuvchi ushbu samarali va samarali kompyuterdan foydalanish jarayoni bizning jadal rivojlanayotgan dunyomizda individual va ijtimoiy rivojlanishni qo‘llab-quvvatlash va sezilarli iqtisodiy foyda keltirishi mumkin bo‘lgan soha sifatida qaraladi. Ushbu sohaning asosiy tushunchalari va ko‘lami turli tadqiqotchilar tomonidan turli yo‘llar bilan tasvirlangan. Xuddi shunday, tadqiqotchilar ham Hisoblash tafakkurining potentsial afzalliklariga nisbatan alohida tanqidiy qarashlarni ilgari surdilar. Ushbu tadqiqot birinchi navbatda manba adabiyotlariga murojaat qilish orqali Hisoblash tafakkuri tushunchasini aniqlash, so‘ngra ushbu sohaga oid ayrim tanqidlarning maqsadlarini tahlil qilish va hisoblash tafakkurining asosiy elementlari va ushbu elementlar bo‘yicha zamonaviy tadqiqotlarni muhokama qilishdan iborat.
Mamadaliyev J.X. · Research Focus International Scientific Journal · 2024
Ushbu maqolada so‘ngi yillarda dunyo energetika tizimi va bozoridagi bo‘layotgan so‘ngi o‘zgarishlari, hamada ularning ijtimoiy, iqtisodiy, siyosiy va ekologik ta‘sirlar ko‘rib chilgan. Shu jumlada an‘anaviy va noan‘anaviy energiya manbalarining turlari va ularning oxirgi bir necha yillardagi o‘zgarish ko‘rsatgichlari, o‘zgaish sabablari va natijalari yoritilgan. Qayta tiklanuvchan energiya manbalariga bo‘lgan talab va ularning o‘zgarishlarining ijtimoiy, iqtisodiy va siyosiy sohalarga ta‘siri. An‘anaviy energiya manbalari, ishlab chiarishlar va boshqa zararli gazlar chiqaruvchi omillar hisobiga o‘sib borayotgan issiqxona gazlar effektining ekologiya va atrof-muhidga ko‘rsatayotgan ta‘siri.
Abdusalim Tukhtakuziev, Abdurakhmon Rasuljonov, Shuhrat Azizov, Nargiza Temirkulova · Research Focus International Scientific Journal · 2024
Maqolada ishlov berilmagan tuproqda seyalkaning ikki diskli soshnigiga qo‘yilgan vertikal yuklamaning uning ish ko‘rsatkichlariga, ya‘ni diskli soshnik ochadigan ekish egatining chuqurligi va uning o‘rtacha kvadratik og‘ishiga hamda seyalka soshnigining tortish qarshiligiga ta‘sirini aniqlash bo‘yicha eksperimental tadqiqotlar natijalari keltirilgan. Tadqiqot natijalariga ko‘ra, ishlov berilmagan tuproqqa takroriy ekinlarni ekish uchun mo‘ljallangan seyalka mavjud agrotexnik talablar darajasida ishlashi uchun ikki diskli soshnikka beriladigan vertikal yuklama kamida 250 N bo‘lishi kerakligi aniqlandi.
G‘ulomov Rustamjon Komiljon o‘g‘li, Mutalibxonova Munisxon Faxriddin qizi · Research Focus International Scientific Journal · 2024
2023–2024 yillarda amalga oshirilgan dala tadqiqotlari, va tegishli gerbariy fondlari TASH, MW hamda GBIF xalqaro bazalari va mavjud adabiyot manbalari tahlili asosida, ilk marotaba, Namangan shahar urbanoflorasidagi bir urug‘pallalilarning 8 oila, 39 turkumning 59 turdan iborat taksonomik tarkibi aniqlandi.
Eshqobilova M.E, Erdanov F. F., Ravshanov M. I · Research Focus International Scientific Journal · 2024
Ишда SiO2/ZnO-10%CoO+ПЭГ таркибли газсезгир материал асосида ишлаб чиқилган метанни аниқловчи яримўтказгичли сенсор ЯЎС-СН4 нинг ишлаш ресурси ва сигналининг селективлиги текширилган. Ўтказилган синовларда сенсор сигнали қисқа оралиғда ўзгарган ва бу ўзгариш натижасида юзага келган хато қиймати жуда кичик бўлиб таҳлил натижаларига сезиларли таъсир кўрсатмайди. Табиий газ учун ишлаб чиқилган сенсорларнинг селективлиги табиий газ билан бирга турли манбаларнинг атмосфера ҳавоси таркибида бирга учрайдиган Н2 ва СО иштирокида аниқланган. Ишлаб чиқилган сенсор, углерод оксиди ва водород иштирокида табиий газни селектив аниқлашга имкон беради
Эшбуриев Турсунали Насруллаевич, Джалилов Абдухалил, Мамаджонов Махамададил Мамаджанович, Отабоев Хусан Абдусобирович · Research Focus International Scientific Journal · 2024
Ishda Markaziy Qizilqumning past navli fosforitlarini angidrit rejimida konsentrlangan sulfat kislota bilan ikki bosqichda parchalash yo‘li bilan granulalangan superfosfat olish texnologiyasini ishlab chiqish bo‘yicha tadqiqotlar natijalari keltirilgan. Turli fosforitlarning parchalanish koeffitsienti ularga sulfat kislota bilan ishlov berish davomiyligiga bog‘liqligi ko‘rsatilgan.
Djumanov Sherali Zakirovich, Nomozova Latofat Sodiq qizi, Hakimova Mahliyo Hakim qizi · Research Focus International Scientific Journal · 2024
Mazkur maqolada ta‘lim jarayonida jarayonining samaradorligiga affiliatsiya motivatsiyasini ta‘siri, kelajakda o‘quvchi yoshlar kommunikativ muvaffaqiyati hamda kasbiy kompetenligini belgilab beruvchi affiliatsiya motivni shakllantirish bo‘yicha nazariy tavsiyalar berilgan. Maqoladan pedagogik jarayonida kasbiy o‘z-o‘zini anglashining tarkib toptirish bilan shug‘ullanuvchilar foydalanish mumkin.
Djumanov Sherali Zakirovich, Nomozova Latofat Sodiq qizi, Hakimova Mahliyo Hakim qizi · Research Focus International Scientific Journal · 2024
Mazkur maqolada ta‘lim jarayonida jarayonining samaradorligiga affiliatsiya motivatsiyasini ta‘siri, kelajakda o‘quvchi yoshlar kommunikativ muvaffaqiyati hamda kasbiy kompetenligini belgilab beruvchi affiliatsiya motivni shakllantirish bo‘yicha nazariy tavsiyalar berilgan. Maqoladan pedagogik jarayonida kasbiy o‘z-o‘zini anglashining tarkib toptirish bilan shug‘ullanuvchilar foydalanish mumkin.
Doston Haqberdiyev · Research Focus International Scientific Journal · 2024
O‘zbek teatri rejissurasi XX asr avvalida shakllanib, qariyb bir asr mobaynida rivojlanib ulgurdi. Bugun biz bunyod etayotgan yangi hayot, yangi jamiyatning ma‘naviy asoslarini san‘at vositasida yanada mustahkamlashda teatr san‘ati rejissurasi muhim ahamiyatga egadir. Maqolada yangi davr o‘zbek teatri rejissurasining zamonaviy masalalari haqida so‘z yuritilgan. Keltirilgan ma‘lumotlar asosida teatr rejissurasining bugungi kundagi ahamiyati, amalga oshirilgan ishlar, uning jamiyat hayotida tutgan o‘rni xususida tahliliy fikrlar aytib o‘tilgan.
Иззатуллаев Сарвар Абдуманнонович, Эшмаматова Захро Гайратовна, Эшкобилова Мавжуда Эргашбоевна · Research Focus International Scientific Journal · 2024
Ushbu tadqiqotning obyektlari fosforlangan chumoli kislotalari gidrazidlari va ularning prekursorlaridir. «P(III) xlorid + aproton dexloroalkoksillovchi agent» ikki komponentli tizimga elektrofil xarakterdagi uchinchi reagent – alkilxlorchumoli efirini kiritish orqali fosforlangan chumoli kislotalari efirlarini – Kapaxning yangi analoglari prekursorlarini olishning yangi usuli ishlab chiqilgan; «Kapax»ning yangi analogi – fosforlangan chumoli kislotasi gidrazidi sintezi amalga oshirilgan.
Yuldashev Soatboy Jiyanboyevich · Research Focus International Scientific Journal · 2024
Бундан Х аср муқаддам буюк қомусий олим, юртдошимиз Абу Али Ибн Сино “Саломатликни сақлашнинг асосий маҳорати, инсон ҳаёти учун муҳим бўлган умумий омиллар мўтадиллигини таьминлашдан иборатдир” деган эди. Бу ўринда буюк аждодимиз қомусий олим ва ҳаким Абу Али Ибн Сино шахси ва фаолияти умумамалиёт шифокорининг мумтоз миллий модули бўлиши шубҳасиз. Фикримизнинг далили сифатида Абу Али Ибн Синонинг 40 дан ортиқ асарлари асосан “Тиб қонунлари” ва алломанинг қатор фалсафий-тиббий асарларини келтиришимиз мумкинки бундай тимсол ҳеч бир халқда йўқ десак муболаға бўлмайди. Ибн Синонинг беқиёс, кўп қиррали фаолияти – табиблик, жарроҳлик, доялик, доришунослик ва ҳамма ёшдагиларни даволаш, касалликларнинг олдини олиш, руҳшунослиги ва файласуфлиги умумамалиёт шифокорларини якинлаштириш лозим бўлган XXI аср андозасики, бунга биринчи навбатда биз – Ибн Сино ватандошлари лойиқ бўлишимиз лозим