Nashrlar
Natijalarni aniqlashtiring, tahlil qiling yoki eksport qiling.
4 311 natija
Barchasi
4 311 natijaTartib: ko‘p iqtibos olganlari birinchiAvval ReLibrary iqtiboslari, keyin OpenAlex, keyin Crossref bo‘yicha — raqamlar qo‘shilmaydi; teng bo‘lsa, yangisi oldinda.Eng yangilarini birinchi ko‘rsatish
- Ochiq kirishMaqola
THE RELATIONSHIP BETWEEN OBESITY AND DIABETES
A. Bahtiyorovich, M. qizi · Research Focus International Scientific Journal · 2026
Mazkur maqolada semizlik va diabet o‘rtasidagi bog‘liqlik tahlil qilinadi. Tadqiqotlar shuni ko‘rsatadiki, ortiqcha vazn va yog‘ to‘planishi organizmda insulin rezistentligi hamda gormonal nomutanosiblikni keltirib chiqaradi, bu esa diabet rivojlanish xavfini oshiradi. Maqolada semizlikning turli turlari, ularni baholash usullari va diabetga ta‘siri ilmiy jihatdan ko‘rib chiqilgan. Shuningdek, profilaktika va davolash strategiyalari, jumladan, to‘g‘ri ovqatlanish, jismoniy faollik va turmush tarzini o‘zgartirishning ahamiyati tahlil qilingan. Ushbu maqola semizlik va diabet o‘rtasidagi murakkab mexanizmlarni tushunishga hamda profilaktik va sog‘lomlashtiruvchi choralarni aniqlashga yordam beradi.
- Ochiq kirishMaqola
IMPROVING GRADE 4 STUDENTS‘ SPEAKING PARTICIPATION THROUGH INTERACTIVE CLASSROOM STRATEGIES
T. Muslimaxon · Research Focus International Scientific Journal · 2026
So‘nggi yillarda o‘quvchilarning gapirish faoliyatlarida ishtiroki muhim bo‘lishi bilan birga murakkab masalaga ham aylanmoqda, chunki ko‘plab o‘quvchilar ingliz tilida og‘zaki fikr bildirishda qiynalmoqda. Garchi bu muammo bo‘yicha bir qator tadqiqotlar olib borilgan bo‘lsa-da, ayrim o‘qituvchilar hanuzgacha o‘quvchilarni gapirish mashg‘ulotlariga jalb qilish uchun samarali strategiyalarni topishda qiyinchiliklarga duch kelmoqdalar, ayniqsa 4–5-sinf o‘quvchilari bilan ishlashda, chunki ular darslarda ko‘proq gapirish mashqlarini bajaradilar. Mazkur tadqiqotning asosiy maqsadi o‘quvchilarning gapirish faoliyatlarida past ishtirok etish sabablarini aniqlash hamda ularning faolligini oshirish uchun samarali sinf strategiyalarini belgilashdan iborat. Tadqiqot sinfda olib borilgan amaliy tadqiqot shaklida tashkil etildi. Ishtirokchilar Andijon viloyati Shahrixon tumani 15-maktabning 4-sinfida tahsil olayotgan 22 nafar o‘quvchidan iborat bo‘ldi. Ma‘lumotlar sinf kuzatuvlari, o‘quvchilar so‘rovnomalari hamda hamkasblar bilan norasmiy suhbatlar orqali to‘plandi. To‘plangan barcha ma‘lumotlar tavsifiy usullar yordamida sinchkovlik bilan tahlil qilindi. Natijalar shuni ko‘rsatdiki, dastlab o‘quvchilarning faqat kichik qismi gapirish faoliyatlarida faol ishtirok etgan yoki ayrimlari uyatchanlik, so‘z boyligining yetishmasligi va xato qilishdan qo‘rqish kabi omillar sabab gapirish mashqlarini bajarishni istamagan. Biroq juftlikda ishlash, guruhda ishlash, “Find a Friend” faoliyati, gapirish uchun kubik o‘yini hamda guruhiy hikoya tuzish kabi interaktiv strategiyalar qo‘llanilgandan so‘ng faol ishtirokchilar soni sezilarli darajada oshdi. Natijalar shuningdek o‘quvchilar interaktiv va hamkorlikka asoslangan vazifalarda ishtirok etganlarida o‘zlariga ishonchi, motivatsiyasi va gapirishga bo‘lgan istagi ortganini ko‘rsatdi. Mazkur tadqiqot o‘xshash muammolarga duch kelayotgan o‘qituvchilar uchun foydali bo‘lishi mumkin, chunki u o‘quvchilarning gapirishdagi faolligini oshirish uchun samarali strategiyalarni yoritadi. Xulosa qilib aytganda, qo‘llab-quvvatlovchi va interaktiv sinf muhitini yaratish o‘quvchilarning o‘ziga ishonchini oshirish hamda ularning gapirish ko‘nikmalarini yanada samarali rivojlantirishga yordam beradi.
- Ochiq kirishMaqola
IMPROVING READING COMPREHENSION SKILLS OF 7TH GRADE STUDENTS
S. Ruxshona · Research Focus International Scientific Journal · 2026
O‘quvchilarning o‘qish ko‘nikmalarini rivojlantirish ta‘lim jarayonining muhim qismi hisoblanadi, chunki bu o‘quvchilarga so‘z boyligini kengaytirish va yozma matnlarni yaxshiroq tushunishga yordam beradi. Biroq ko‘plab yettinchi sinf o‘quvchilari o‘qib tushunish ko‘nikmalarini rivojlantirishda qiyinchiliklarga duch keladilar. Shu sababli, mazkur tadqiqot o‘quvchilarning ingliz tilidagi matnlarni tushunishda duch keladigan asosiy muammolarini aniqlashni maqsad qiladi. Tadqiqot Norin tumanida 7-sinfning 15 nafar o‘quvchisi ishtirokida o‘tkazildi. Ma‘lumotlar so‘rovnomalar, o‘quvchilar bilan suhbatlar hamda kuzatuvchi yordamida olib borilgan sinf kuzatuvlari orqali to‘plandi. Kutilayotgan natijalar shuni ko‘rsatdiki, ayrim o‘quvchilar uzun matnlarni tushunishda qiyinchiliklarga duch keladi, ularning so‘z boyligi cheklangan hamda matnning asosiy g‘oyasini aniqlashda muammolar mavjud. Ushbu natijalarga asoslanib, tadqiqot o‘qituvchilarga o‘quvchilarning o‘qib tushunish ko‘nikmalarini rivojlantirish uchun samarali o‘qitish strategiyalarini qo‘llashni tavsiya etadi.
- Ochiq kirishMaqola
HOW DOES CHANGING SEATING ARRANGEMENTS AFFECT STUDENTS‘ ATTENTION AND PARTICIPATION?
S. Mansurovna · Research Focus International Scientific Journal · 2026
So‘nggi yillarda sinfdagi o‘tirish tartibi o‘quvchilarning o‘rganishi va faolligini oshirishda muhim omilga aylandi. Biroq, orqa qatorlarda o‘tiradigan o‘quvchilar ko‘pincha bir-biri bilan gaplashib, dars davomida diqqatini yo‘qotadi, bu esa ularning sinf faoliyatidagi ishtirokini kamaytiradi. Ushbu tadqiqot o‘tirish tartibi bilan o‘quvchilarning diqqati va ishtiroki o‘rtasidagi bog‘liqlikni o‘rganish, shuningdek, boshlang‘ich sinf o‘quvchilari uchun eng mos o‘tirish tartibini aniqlashni maqsad qiladi. Buni o‘rganish uchun U-shaklidagi o‘tirish tartibi va boshqa sinf joylashuvlari qo‘llanildi. Tadqiqot so‘rovnoma asosida olib borildi va Farg‘ona viloyatidagi 20-maktabning 4-sinfida tahsil olayotgan 15 nafar o‘quvchi ishtirok etdi. Ma‘lumotlar o‘quvchilarning mavjud o‘tirish tartibi haqidagi fikrlarini aniqlash uchun so‘rovnomalar orqali, shuningdek, turli o‘tirish shakllarining o‘quvchilarning diqqati va ishtirokiga ta‘sirini tushunish uchun sinf kuzatuvlari orqali to‘plandi. Natijalar shuni ko‘rsatdiki o‘tirish tartibini o‘zgartirish o‘quvchilarning darsdagi faolligi va diqqatini sezilarli darajada oshiradi. Ushbu natijalar moslashuvchan o‘tirish tartiblari o‘qituvchilarga yanada interaktiv va samarali ta‘lim muhitini yaratishga yordam berishini, natijada o‘quvchilarning diqqati va ishtirokini yaxshilashini ko‘rsatadi.
- Ochiq kirishMaqola
PARADZYUDOCHILARDA JISMONIY SIFATLARNING RIVOJLANGANLIK DARAJASINI TAHLIL QILISH
R. Nigbayevna · Research Focus International Scientific Journal · 2026
Ushbu maqolada paradzyudochilar jismoniy sifatlarining rivojlanganlik darajasi tahlil qilinadi. Tadqiqot davomida kuch, chidamlilik, tezkorlik, chaqqonlik va egiluvchanlik kabi asosiy jismoniy sifatlar o‘rganildi. Olingan natijalar asosida paradzyudochilar tayyorgarligini takomillashtirish bo‘yicha ilmiy-amaliy tavsiyalar ishlab chiqildi.
- Ochiq kirishMaqola
MILLIY VA XALQ O‘YINLARINING TARBIYAVIY VA JISMONIY TARBIYADAGI AHAMIYATI
P. Abdupattoyevich · Research Focus International Scientific Journal · 2026
Ushbu maqolada o‘zbek xalq o‘yinlarining asosiy vazifasi o‘z mazmuni va usuliyati bilan bolalarning jamiyatimiz talablariga muvofiq yo‘sinda tarbiyalanishini ta‘minlash ularda axloqiy, irodaviy sifatlarni rivojlantirish, ijodkor va bunyodkorlarga xos ko‘nikma hamda malakalarni, vatanparvar fuqarolarga xos fazilatlarni shakllantirishdan iborat masalalar yoritilgan.
- Ochiq kirishMaqola
SAMARQAND DAVLAT TIBBIYOT INSTITUTIDA TALABALAR ILMIY JAMIYATLARI VA YOSH OLIMLAR JAMIYATI (1960–1990-YILLAR)
O. qizi, S. qizi · Research Focus International Scientific Journal · 2026
Ushbu maqolada 1960–1990-yillar oralig‘ida Samarqand davlat tibbiyot institutida faoliyat yuritgan talabalar ilmiy jamiyatlari va yosh olimlar jamiyatining shakllanishi rivojlanishi va ilmiy-pedagogik tizimdagi o‘rni tarixiy va ilmiy jihatdan tahlil qilinadi. Tadqiqotda talabalar ilmiy to‘garaklari, ilmiy konferensiyalar, seminarlar hamda yosh tadqiqotchilarni tayyorlash mexanizmlari o‘rganiladi. Shuningdek, ushbu jamiyatlarning tibbiyot sohasida ilmiy tafakkur, tadqiqotchilik ko‘nikmalari va kasbiy kompetensiyalarni shakllantirishdagi roli yoritiladi. Tadqiqot natijalari mazkur ilmiy jamiyatlar institutda ilmiy maktablarning shakllanishiga, ilmiy kadrlar tayyorlashga hamda tibbiyot fanining rivojiga muhim hissa qo‘shganini ko‘rsatadi.
- Ochiq kirishMaqola
THE INFLUENCE OF AFFECTIVE FACTORS ON LISTENING COMPREHENSION: ANXIETY AND DISTRACTION IN EFL CONTEXTS
Oxunova Nargiza Xayrullo qizi, Abdusattorova Muxarram Sharifjon qizi · Research Focus International Scientific Journal · 2026
Ushbu tadqiqot EFL sharoitida talabalarning tinglab tushunishiga xavotir va chalg‘ish omillarining ta‘sirini o‘rganadi. Ma‘lumotlar uchinchi bosqich talabalari ishtirokida so‘rovnoma, kuzatuv va intervyular orqali to‘plandi. Natijalar shuni ko‘rsatdiki, aksariyat talabalar tinglash jarayonida hayajonlanadi va diqqatini yo‘qotadi, bu esa ularning natijalariga salbiy ta‘sir qiladi. Ushbu muammoni hal qilish maqsadida “Diqqat bilan ikki martalik tinglash” metodi qo‘llanildi va u talabalarning o‘ziga bo‘lgan ishonchini oshirishga, diqqatini jamlashga hamda tinglab tushunish ko‘nikmalarini yaxshilashga yordam berdi.
- Ochiq kirishMaqola
MOTIVATING PRIMARY PUPILS TO SUBMIT THEIR HOMEWORK ON TIME
N. Mushtariybonu · Research Focus International Scientific Journal · 2026
So‘nggi yillarda uy vazifasini o‘z vaqtida topshirish ta‘limda muhim, ammo muammo tug‘diruvchi sohalardan biriga aylangan, chunki ko‘plab talabalar vazifalarni bajarishda qiynaladi. Bu mavzu bilan bog‘liq katta miqdorda tadqiqotlar mavjud bo‘lsa-da, ba‘zi o‘qituvchilar talabalarning motivatsiyasini oshirishning mos usullarini topa olmayapti. Ushbu tadqiqotning asosiy maqsadi – talabalarning uy vazifasini bajarmaslik sabablarini aniqlash va ularni motivatsiya qilishning samarali usullarini belgilashdir. Tadqiqot sinfga asoslangan tadqiqot dizayni bo‘yicha olib borildi. Tadqiqotda Namangan viloyat Kosonsoy tumandagi 2-sonli maktabning bir sinfida o‘qiydigan 4-sinf o‘quvchilaridan 30 nafar ishtirokchi qatnashdi. Ma‘lumotlar Talaba-so‘rovnomalari, Reflektiv jurnal yozish va O‘qituvchi-so‘rovnomalari orqali to‘plandi. Ma‘lumotlar to‘plangach, ular batafsil tahlil qilindi. Uchta manbadan olingan natijalar o‘zaro solishtirilib, topilmalar ishonchliligi va haqiqatligi ta‘minlandi. Natijalar shuni ko‘rsatdiki, dastlab faqat 40% talabalar uy vazifasini o‘z vaqtida topshirgan. Ammo motivatsion strategiyalar qo‘llanilgandan so‘ng, bu ko‘rsatkich olti dars davomida taxminan 70–80% ga oshdi. So‘rov natijalari shuningdek shuni ko‘rsatdiki, motivatsiya, aniq ko‘rsatmalar, ota-onalar bilan muloqot, jamoaviy ish faoliyati, vazifalarni soddalashtirish va o‘qituvchi yordami talabalarning muvaffaqiyatiga ta‘sir qiladi. Ushbu tadqiqot uy vazifasini topshirishda shunday muammolar bilan duch kelayotgan ba‘zi o‘qituvchilar uchun foydali bo‘lishi mumkin, chunki topilmalar ularning vazifalarni bajarishga bo‘lgan ichki xohlashlarini oshirish uchun samarali strategiyalarni ko‘rsatdi. Xulosa qilib aytganda, talabalarning va o‘qituvchilarning uy vazifasi haqidagi fikrlarini o‘rganish muammoni qisqa muddat ichida hal qilishga yordam berdi chunki topshiriqlar ko‘pchilik talabalargamos bo‘ldi.
- Ochiq kirishMaqola
BOSHLANG‘ICH SINF O‘QUVCHILARIDA QADDI-QOMAT HOLATI VA UNGA TA‘SIR ETUVCHI OMILLAR BO‘YICHA O‘TKAZILGAN SO‘ROVNOMA NATIJALARI TAHLILI
Narmamatova Sabina G‘ayrat qizi · Research Focus International Scientific Journal · 2026
Ushbu maqolada boshlang‘ich sinf o‘quvchilarida qaddi-qomat holati va unga ta‘sir etuvchi asosiy omillar o‘rganilgan. Tadqiqot doirasida 40 nafar respondent ishtirokida so‘rovnoma o‘tkazilib, ularning kundalik faoliyati, jismoniy faollik darajasi, gigiyenik odatlari hamda o‘quv jarayonidagi holati tahlil qilindi. Olingan natijalar o‘quvchilar orasida kamharakatlilik, noto‘g‘ri o‘tirish odatlari, og‘ir maktab sumkasi, mos bo‘lmagan o‘quv mebellari hamda jismoniy faollikning yetarli emasligi kabi omillar qaddi-qomat buzilishlariga ta‘sir ko‘rsatayotganini ko‘rsatdi. Shuningdek, ayrim o‘quvchilarda tez charchash, bel va orqa mushaklarida og‘riq kabi belgilar aniqlangan. Tadqiqot natijalari boshlang‘ich sinf o‘quvchilarida qaddi-qomatni to‘g‘ri shakllantirish va profilaktik choralarni kuchaytirish zarurligini ilmiy asosda ko‘rsatadi.
- Ochiq kirishMaqola
SCROLLING OR STUDYING? HOW SOCIAL MEDIA AFFECTS THE ACADEMIC PERFORMANCE OF 11–12-YEAR-OLD LEARNERS
Maxmudova Mashxuraxon Muhammadzokir qizi, Abdusattorova Maxarram Sharifjon qizi · Research Focus International Scientific Journal · 2026
Ushbu tadqiqot ijtimoiy tarmoqlarning 11–12 yoshli o‘quvchilarning o‘quv faoliyatiga qanday ta‘sir ko‘rsatishini o‘rganadi. Natijalar shuni ko‘rsatadiki, o‘quvchilar telefonlardan asosan muvozanatli tarzda — muloqot, ko‘ngilochar faoliyat va ba‘zan ta‘limiy maqsadlarda foydalanadilar. Biroq uy vazifalarini bajarish jarayonida telefondan foydalanish diqqatning pasayishiga olib kelishi mumkin, hatto o‘quvchilar buni har doim ham anglab yetmasalar ham. Umuman olganda, ijtimoiy tarmoqlar na to‘liq zararli, na to‘liq foydali hisoblanadi; ularning ta‘siri o‘quvchilarning ulardan qay darajada ongli foydalanishiga bog‘liq.
- Ochiq kirishMaqola
BOSHLANG‘ICH SINF O‘QUVCHILARINING DARS MASHG‘ULOTLARIDA HARAKATLI O‘YINLAR ORQALI JISMONIY SIFATLARINI TARBIYALASH
M. Dedaxanovna · Research Focus International Scientific Journal · 2026
Ushbu maqolada boshlang‘ich sinf o‘quvchilarining jismoniy sifatlarini tarbiyalashga xos o‘yinlar hamda ularning ahamiyati haqida ma‘lumotlar berilgan.
- Ochiq kirishMaqola
MASOFAVIY TA‘LIMDA SAMARALI PEDAGOGIK METODLAR: ZAMONAVIY YONDASHUVLAR TAHLILI
I. o‘g‘li · Research Focus International Scientific Journal · 2026
Ushbu maqola masofaviy ta‘lim sharoitida qo‘llaniladigan eng samarali pedagogik metodlarni tahlil qilishga bag‘ishlangan. Unda an‘anaviy yondashuvlarning raqamli muhitga moslashtirilishi, interfaollikni ta‘minlash mexanizmlari hamda tinglovchilarning bilim olishga bo‘lgan motivatsiyasini oshirish usullari ko‘rib chiqilgan. Xususan, sinxron va asinxron ta‘lim uyg‘unligi, mikrota‘lim, gamifikatsiya va loyihaga asoslangan ta‘lim metodlarining samaradorlik ko‘rsatkichlari ochib berilgan. Tadqiqot natijasida masofaviy ta‘limda muvaffaqiyatga erishish uchun texnologik vositalardan ko‘ra pedagogik dizayn va inson omili birlamchi ahamiyat kasb etishi asoslab berilgan.
- Ochiq kirishMaqola
MASOFAVIY TA‘LIM SHAROITIDA INGLIZ TILINI SAMARALI O‘QITISH: YETAKCHI TAMOYILLAR VA AMALIY KO‘NIKMALAR
I. o‘g‘li · Research Focus International Scientific Journal · 2026
Ushbu maqolada masofaviy ta‘lim sharoitida ingliz tilini samarali o‘qitish metodlari, zamonaviy pedagogik yondashuvlar hamda raqamli texnologiyalarning o‘rni tahlil qilinadi. Shuningdek, talabalarning til o‘rganish motivatsiyasini oshirish va interaktiv muhit yaratish usullari yoritiladi.
- Ochiq kirishMaqola
DIFFICULTIES IN OVERCOMING VOCABULARY LEARNING PROBLEMS IN 7TH GRADE STUDENTS
H. Muborak · Research Focus International Scientific Journal · 2026
So‘nggi yillarda yangi lug‘at birliklarini o‘rganish muhim ahamiyat kasb etmoqda, chunki u o‘quvchilarning til ko‘nikmalarini rivojlantirishda asosiy o‘rin tutadi. Biroq 7-sinf o‘quvchilarining yangi so‘zlarni o‘rganishda duch keladigan aniq qiyinchiliklari bo‘yicha tadqiqotlar cheklangan. Ushbu tadqiqot sifatli tadqiqot dizayni asosida olib borildi. Tadqiqot ishtirokchilari umumta‘lim maktabining 7-sinfida tahsil olayotgan 15 nafar o‘quvchidan iborat bo‘ldi. Ma‘lumotlar so‘rovnomalar va sinf kuzatuvlari orqali to‘plandi hamda tematik tahlil asosida tahlil qilindi. Natijalar o‘quvchilar yangi so‘zlarni yodlab qolish va ularni kontekstda qo‘llashda qiynalishini ko‘rsatdi. Shuningdek, amaliy mashqlarning yetishmasligi va motivatsiya pastligi lug‘at o‘rganishga ta‘sir qilishi aniqlandi. Tadqiqot interaktiv metodlar, turli xil fleshkartalar va muntazam mashqlar lug‘at o‘rganishni yaxshilashi mumkinligini ko‘rsatadi.
- Ochiq kirishMaqola
TEACHING ENGLISH FOR OIL AND GAS ENGINEERING STUDENTS: A PRACTITIONER‘S PERSPECTIVE
D. Begmatov, E. teacher · Research Focus International Scientific Journal · 2026
Neft va gaz sohasida maxsus maqsadlar uchun ingliz tili (ESP) oddiy til o‘quv dasturidan ancha ko‘proq narsani talab qiladi; u kasbiy amaliyot, xavfsizlik madaniyati va haqiqiy kommunikatsiyaga tayangan chuqur kontekstlashtirilgan pedagogik yondashuvni zarur qiladi. Ushbu maqolada neft, burg‘ilash va quyi oqim texnologik jarayonlari muhandisligi yo‘nalishida tahsil olayotgan bakalavriat talabalariga ingliz tilini o‘qitish bo‘yicha amaliy kuzatishlar yoritiladi. Maqolada samarali ta‘lim ehtiyojlarni puxta tahlil qilishdan boshlanishi ko‘p ma‘noli texnik leksikani maqsadli o‘rgatish, simulyatsiyaga asoslangan mashg‘ulotlar yaratish hamda ierarxik va ko‘p tilli ish muhitida qat‘iy, ammo madaniyatli muloqot ko‘nikmalarini shakllantirish orqali davom etishi ta‘kidlanadi. Tilga mavhum tizim sifatida emas balki xavfsizlik uchun muhim kasbiy vosita sifatida qarash o‘qituvchiga passiv muhandislik bilimlarini faol kommunikativ kompetensiyaga aylantirish imkonini beradi. Muhokamada real burg‘ilash hisobotlari va hodisalar tahlili asosida materiallar ishlab chiqish, sanoat tartib-qoidalariga mos vazifaga asoslangan baholash hamda yuqori darajadagi o‘qib tushunish ko‘nikmalari bilan og‘zaki nutq ko‘nikmalari o‘rtasidagi tafovutni bartaraf etish strategiyalari ko‘rib chiqiladi. Maqola kelajakdagi neft va gaz mutaxassislariga ingliz tilini o‘qitish kasbiy hurmat ifodasi bo‘lib, ularni dunyoni energiya bilan ta‘minlaydigan muhitlarda xavfsiz fikrlash gapirish va harakat qilishga tayyorlaydi, degan xulosa bilan yakunlanadi.
- Ochiq kirishMaqola
DASTLABKI TERGOV BOSQICHIDA DALILLARNI TO‘PLASHNING PROTSESSUAL XUSUSIYATLARI
U. Muhammadievich, H. Shermamatovna, g. talabasi · Research Focus International Scientific Journal · 2026
Mazkur maqolada jinoyat-protsessual huquqning muhim bosqichi hisoblangan dastlabki tergov jarayonida dalillarni to‘plashning nazariy va amaliy jihatlari yoritiladi. Dalillarni to‘plashning protsessual tartibi, uning qonuniy asoslari, ishtirokchilarining huquq va majburiyatlari hamda ushbu jarayonning jinoyat ishini adolatli hal etishdagi o‘rni tahlil qilinadi.
- Ochiq kirishMaqola
ОАВ БИЛАН АЛОҚАЛАР – КОММУНИКАЦИОН СТРАТЕГИЯНИНГ АЖРАЛМАС ҚИСМИ СИФАТИДА
K. Ermamatova, F. doktori, T. sharqshunoslik · Research Focus International Scientific Journal · 2026
Мазкур мақолада ташкилот ва компанияларнинг ОАВ билан самарали алоқалар ўрнатиши коммуникацион стратегиянинг муҳим таркибий қисми сифатида таҳлил қилинади. Мақолада медиа ҳамкорлик стратегиясини ишлаб чиқиш, журналистлар билан муносабатларни йўлга қўйиш, қимматли ахборот тақдим этиш, медиа тадбирлар ташкил қилиш, ижтимоий тармоқлардан фойдаланиш, нуфузни бошқариш ҳамда натижаларни таҳлил қилиш масалалари ёритилади.
- Ochiq kirishMaqola
ЛИНГВОКУЛЬТУРОЛОГИЧЕСКИЙ ПОТЕНЦИАЛ КОНЦЕПТА «ХЛЕБ» В ПРАКТИКЕ ОБУЧЕНИЯ РУССКОМУ ЯЗЫКУ КАК ИНОСТРАННОМУ
А. кизи · Research Focus International Scientific Journal · 2026
Mazkur tadqiqot rus va o‘zbek lingvomadaniyatlarida “non” konseptining qiyosiy tahliliga bag‘ishlangan. Ishda uning lingvomadaniy ahamiyati, til manzarasidagi aks etishi shuningdek, ikki xalq vakillarining qadriyatlar tizimini shakllantirishdagi roli ko‘rib chiqiladi. “Non” konsepti bilan bog‘liq nominatsiyalar, maqollar va frazeologik birliklar tahliliga alohida e‘tibor qaratilib, ular ushbu konseptning xalqlarning kundalik va ma‘naviy hayotidagi muhim o‘rnini namoyon etadi. Tadqiqotning dolzarbligi madaniyatlararo muloqot va xorijiy tillarni o‘qitish sharoitida tillarning milliy-madaniy o‘ziga xosligini chuqur o‘rganish zarurati bilan belgilanadi. Qiyosiy yondashuv rus va o‘zbek madaniyatlarida “non” konseptining qabul qilinishidagi umumiy hamda o‘ziga xos jihatlarni aniqlash imkonini beradi.
- Ochiq kirishMaqola
SAMARQAND QISHLOQ XO‘JALIGI INSTITUTINING MUTAXASSISLARNI TAYYORLASHDAGI ROLI (1930–1990)
B. Botirjonovna, U. qizi, B. qizi · Research Focus International Scientific Journal · 2026
Ushbu maqolada 1930–1990-yillar oralig‘ida Samarqand qishloq xo‘jaligi institutining O‘zbekiston agrar sohasi uchun malakali mutaxassislar tayyorlashdagi tarixiy o‘rni ilmiy jihatdan tahlil qilinadi. Tadqiqotda institutning tashkil topish shart-sharoitlari, o‘quv yo‘nalishlari, ilmiy-pedagogik faoliyati, amaliyotga yo‘naltirilgan ta‘lim tizimi hamda uning qishloq xo‘jaligi ishlab chiqarishi bilan aloqalari o‘rganiladi. Shuningdek, institutning agronomiya, chorvachilik, veterinariya, irrigatsiya, seleksiya va qishloq xo‘jaligi iqtisodiyoti yo‘nalishlarida kadrlar tayyorlash orqali respublika agrar taraqqiyotiga qo‘shgan hissasi yoritiladi. Tadqiqot natijalari Samarqand qishloq xo‘jaligi instituti nafaqat ta‘lim maskani, balki qishloq xo‘jaligini ilmiy asosda rivojlantirgan muhim markazlardan biri bo‘lganini ko‘rsatadi.