Yo‘lchiyeva Zamira Xurshedovna, Pardayeva Sohiba Bo‘riyevna · Research Focus International Scientific Journal · 2025
Yurak glikozidlari (yurak digitalis glikozidlari) — bu yurak faoliyatini tartibga solish va kuchaytirish uchun ishlatiladigan birikmalardir. Ular asosan Digitalis (raqamli) o‘simliklaridan olinadi va shuningdek, boshqa o‘simliklar va ayrim sintetik manbalardan ham olinishi mumkin. Yurak glikozidlari, asosan, yurakning siydik chiqarish, qon aylanishi va mushak faoliyatini tartibga solishda ishlatiladi. Ular yurakni kuchaytiruvchi va ritmini tartibga soluvchi dori vositalari sifatida keng qo‘llaniladi.
Usmonov E.I., Mamasoliev Z.N., Salaxidinov S.Z, Mamasoliev N.S. · Research Focus International Scientific Journal · 2025
Safro yo‘llarining patologiyasi tobora keng tarqalgan. Shunday qilib, turli mamlakatlarda xolelitiyaz bilan og‘rigan bemorlar soni 7,8 dan 38% gacha, Rossiyada - 3 dan 12% gacha. Keksa odamlarda o‘t yo‘llarining surunkali kasalliklari va ayniqsa xolelitiyoz alohida ahamiyatga ega, bu keksa odamlarning tanasida morfofunksional o‘zgarishlar va nosog‘lom turmush tarzi bilan bog‘liq. Bularning barchasi bemorlarning ushbu guruhini davolashda differentsial yondashuvni talab qiladi va turmush tarzini o‘zgartirish, parhez terapiyasi, farmakologik va fizioterapevtik davolanishni o‘z ichiga oladi.
Suyunova Gulshoda Baxtiyorovna, Pardayeva Sohiba Bo‘riyevna · Research Focus International Scientific Journal · 2025
Yadro kimyosi - bu atom yadrosining tuzilishi, xususiyatlari va o‘zgarishlarining o‘rganilishi bo‘lib, tibbiyot sohasida juda katta ahamiyatga ega. Yadro kimyosi, ayniqsa, diagnostika, terapiya va davolash usullarini rivojlantirishda muhim rol o‘ynaydi. Uning tibbiyotdagi asosiy qo‘llanilishi nuklear tibbiyot deb ataladi va bu soha radiatsiya va radioaktiv izotoplar yordamida turli kasalliklarni aniqlash va davolash imkoniyatini yaratadi.
N.A.Xudayberdiyeva · Research Focus International Scientific Journal · 2025
Хотин-қизлар жисмоний тарбия ва оммавий спортга тарғиб қилиш ва кенг жалб этиш, соғлом турмуш тарзини шакллантириш, ўзини намоён қилишда интилишни кучайтириш борасидаги ислоҳотлар долзарб бўлиб, сифатли ва илмий асосланган ечимини талаб қилади. Шу нуқтаи назардан, хотин-қизларни оммавий спортга кенг жалб этиш механизмини ишлаб чиқиш ва амалиётга татбиқ этиш бўйича олиб борилаётган изланишлар ўзининг долзарблигини исботлаб, норматив-ҳуқуқий ҳужжатлар ва фармонларда белгиланган устувор вазифаларнинг ечими бўлиб хизмат қилади.
Tursunov Alisher Rozikjonovich · Research Focus International Scientific Journal · 2025
Ushbu maqolada tarkiblashtirilgan to‘plamlarda so‘z birikmalari hamda birikma hosil qilgan so‘zlar orasidagi o‘zaro bog‘liqlik munosabatlari, shuningdek tarkiblashtirilgan to‘plamlarda satrlarning muvofiqligi, ularni xarakterli qo‘llanilishi va vaziyatni ifodalashda so‘zlarning o‘zaro birikma holatida paydo bo‘lishi kabi hodisalarga e‘tibor qaratiladi.
O‘ljaboyev Farruhbek Abdurasul o‘g‘li · Research Focus International Scientific Journal · 2025
Muallif, bu maqolada voleybolchilarning umumiy va maxsus jismoniy tayyorgarlik masalalari tahlil qilingan. sport mashg‘ulotlarining zamonaviy tizimida jismoniy tayyorgarlikning ahamiyatiga alohida e‘tibor qaratadi.
Ochilov Yakub Saydulloyevich, Ismoilova Durdona G‘ulom qizi · Research Focus International Scientific Journal · 2025
Abu Homid G‘azzoliy islom olamining eng buyuk mutafakkirlaridan biri hisoblanadi. Uning asarlari, ayniqsa, ta‘lim va tarbiya masalalariga alohida e‘tibor qaratgan. Ushbu maqolada G‘azzoliyning ta‘lim-tarbiyaga oid asarlarning yoshlarning ruhiy, axloqiy va ilmiy rivojlanishidagi ahamiyati tahlil qilinadi. U o‘z asarlarida ilmning maqsadi, axloqiy tarbiya, diniy ta‘lim va insonning kamolotga erishish yo‘llarini yoritib, yoshlarni to‘g‘ri tarbiyalashda muhim yo‘nalishlarni belgilagan.
Madina Nosirovna Musurmankulova · Research Focus International Scientific Journal · 2025
Mazkur maqolada qurilish materiallari terminologiyasining rus, o‘zbek va ingliz tillaridagi xalqaro standartlarga moslashuv jarayoni lingvistik, semantik va qiyosiy tahlil asosida yoritildi. Qurilish materiallariga oid atamalarning uch tilda ishlatilishidagi o‘ziga xosliklar, ularning xalqaro standartlar bilan mosligi hamda tarjima jarayonida uchraydigan muammolar ilmiy asosda tahlil qilinadi. Tadqiqot, shuningdek, mahalliy terminlarning xalqaro miqyosda qabul qilinadigan shakllarga moslashtirilishi bo‘yicha amaliy tavsiyalarni o‘z ichiga oladi. Ushbu maqola qurilish materiallari sohasida xalqaro kommunikatsiyani rivojlantirish va atamalarni standartlashtirishda ilmiy manba sifatida xizmat qilishi mumkin.
Jumanazarova Zuhra Qosimjonovna · Research Focus International Scientific Journal · 2025
Muhandislar, me‘morlar va dizaynerlar g‘oyalar va tushunchalarni ifodalash uchun foydalanadigan grafik aloqa usullarini yoki dizayn jarayonida ishlatiladigan grafik ifodani o‘rganish tobora muhim ahamiyat kasb etmoqda. Grafik tilni to‘g‘ri talqin qilish muhandis yoki arxitektorni tayyorlashda ko‘nikmalarni rivojlantirishga imkon beradi. Shu sababli, ushbu mavzu bo‘yicha tadqiqotlar ushbu usullarni yaxshiroq tushunishga yordam beradigan yaxshilanishlar yoki yangi takliflarni topishda ayniqsa qimmatlidir. Ushbu maxsus nashrda muhandislik grafikasi, sanoat dizayni, geometrik modellashtirish, kompyuter yordamida loyihalash, tasviriy geometriya, arxitektura grafikasi va kompyuter animatsiyasi kabi mavjud bo‘lgan turli fanlardan misollar o‘quvchiga taqdim etiladi.
Djumaqulov Shuxrat Baxodirovich · Research Focus International Scientific Journal · 2025
Mazkur maqolada mamlakatimizda professional sport rivojlanib borayotgan bir davrda sportchi talabalarda fuqarolik kompetensiyasini rivojlantirish muhimligi, sportchi talabalarning fuqarolik kompetensiyasini rivojlantirishni ta‘minlaydigan pedagogik xususiyatlar ochib berilgan.
Azamat Mukhriddinovich Kodirov · Research Focus International Scientific Journal · 2025
Ushbu maqolada o‘qish chet tilini o‘rganishning muhim qismi sifatida muhokama qilinadi. Maqolada, shuningdek, ixtisoslashtirilgan maktablarda o‘qish ko‘nikmalarini rivojlantirish usullari, «pastdan yuqoriga» va «yuqoridan pastga» o‘qish strategiyalari, sxema nazariyasi va fon bilimlari, emotsiyalar hamda madaniy kontekstning ta‘siri va keng ko‘lamli o‘qishning samaradorligi kabi asosiy tadqiqot tushunchalari yoritiladi.
Abduraxmonova Nilufar Zaynobiddin qizi, Axmedova Anorxon Nasivali qizi · Research Focus International Scientific Journal · 2025
Ushbu maqolada parallel va qiyosiy korpuslarning tarjimashunoslik va yozma tarjimani o‘qitish jarayonidagi roli va amaliy ahamiyati haqida so‘z boradi. Parallel korpuslar tarjima aniqligini oshirish, lug‘at boyligini kengaytirish va mashina tarjimasi tizimlarini takomillashtirishda muhim manba bo‘lib xizmat qilishi ta‘kidlanadi. Parallel korpuslar yordamida turli tizimli matnlardagi madaniy va kontekstual tafovutlarni aniqlash, tabiiy til xususiyatlarini lingvistik tahlil qilish imkoniyatini beradi. Shuningdek, korpusga asoslangan elektron lug‘at orqali talabalar uchun yozma tarjimani o‘qitish jarayonida amalga oshirilgan kuzatishlar tahlilga tortilgan.
Abdullayev Nuritdin Mashrabayevich · Research Focus International Scientific Journal · 2025
Ushbu maqolada 10-12 yoshli gimnastikachilarning jismoniy sifatlarini takomillashtirishda individual ta‘lim rejasi asosida mashq qilgan gimnastikachilar kuch, chidamlilik, tezlik va moslashuvchanlik kabi jismoniy sifatlarni ancha samarali rivojlantirganlar. Ushbu tadqiqot, yosh gimnastikachilar uchun ta‘lim jarayonida individual yondashuvning ahamiyatini amaliyotda qo‘llash imkoniyatlarini kengaytiradi.
Komiljonov Shoxruxmirzo Qodirjon o‘g‘li · Research Focus International Scientific Journal · 2025
Yurtboshimiz yoshlar masalasini davlat siyosati darajasiga ko‘tarib, bugungi kunda yoshlarga keng imkoniyatlar yaratilmoqda. Hozirda jamiyatimizda voyaga yetmagan yoshlarning haq-huquqlariga alohida e‘tibor qaratilib, ularning ilmiy, ijodiy, intellektual salohiyatini, jismoniy hamda ruhiy ko‘nikmalarini yanada rivojlantirishga alohida e‘tibor qaratilgan. Bundan ko‘zlangan asosiy maqsad voyaga yetmagan yoshlar xulq-atvorini yaxshilash, profilaktik ishlar samaradorligini oshirish hisoblanadi. Mazkur maqolada voyaga yetmagan yoshlar profilaktik ishlar samaradorligini oshirish xususida ma‘lumotlar keltirilib o‘tilgan.
Xoliqberdieva Gulsanam Abdumutal qizi · Research Focus International Scientific Journal · 2025
Hazil va donishmandlikka boy bo‘lgan Xo‘ja Nasriddin haqidagi latifalarda ko‘pincha idiomalar, maqollar va turg‘un iboralar kabi frazeologik birliklar (FB) uchraydi, ular hikoyalarning madaniy va badiiy teranligiga sezilarli hissa qo‘shadi. Ushbu tadqiqotda o‘zbek folkloridan olingan 50 ta latifa o‘rganilib, 150 ta frazeologik birlik aniqlandi va ular idiomalar (60%), maqollar (25%) hamda turg‘un iboralar (15%) ga tasniflandi. Maqolada ushbu frazeologik birliklarning badiiy vazifalari tadqiq etilib, ularning syujetni rivojlantirish va axloqiy saboqlarni yetkazishdagi o‘rni qayd etiladi. Bundan tashqari, ushbu iboralarni ingliz tiliga tarjima qilish muammolari ko‘rib chiqilib, ularning ko‘chma ma‘nolari va madaniy nozikliklarini saqlab qolish murakkabligi ta‘kidlanadi. Tadqiqotda asl ma‘no va hazilni saqlab qolish uchun dinamik ekvivalentlik hamda madaniy moslashtirish kabi tarjima strategiyalari taklif etiladi. Natijalar o‘zbek folklorida frazeologik birliklarning ahamiyatini ko‘rsatadi va madaniy jihatdan o‘ziga xos til hodisalarini tarjima qilish murakkabliklarini tushunishga imkon beradi.
Tursunbayeva Shaxnoza · Research Focus International Scientific Journal · 2025
Ushbu tadqiqot ingliz va o‘zbek xalq ertaklarining lingvomadaniy xususiyatlarini o‘rganadi, til va madaniyatning bu ikki o‘ziga xos an‘ananing hikoya tuzilmalari, mavzulari va axloqiy saboqlarini shakllantirishda o‘zaro bog‘liqligini o‘rganadi. Til xususiyatlari, madaniy qadriyatlar va hikoya qilish amaliyotini tahlil qilish orqali ushbu tadqiqot tilning har bir madaniyatning dunyoqarashini aks ettirish usullarini yoritadi. Tadqiqot shuningdek, og‘zaki an‘analarning roli, diniy ta‘sirlar va yaxshilik va yomonlik kabi mavzularning universalligi taqqoslanadi, bu hikoyalar umumiy elementlarni baham ko‘rish bilan birga, ularning madaniy kontekstlari bilan qanday chuqur shakllanganligini ko‘rsatadi.
Ravshanova Madina Zafarjon qizi · Research Focus International Scientific Journal · 2025
Milliy adabiyotimizning yirik vakili, Qo‘qon adabiy muhitinining yirik shaxslardan biri Muqimiydir. Ushbu maqolada Muqimiyning mashhur asarlaridan biri “Sayohatnoma” asaridagi joylar va nomlar onomastikasi so‘z yuritiladi. Toponimlar bu joylarga, hududlarga atab qo‘yilgan nomlardir. Muqimiyning bu “Sayohatnoma”sida juda ko‘p toponimlar uchraydi. Bu toponimlarni Muqimiy Farg‘ona vodiysini sayohat qilib yurganda yig‘adi va jamlab shu asarini yozadi. Muqimiyning “Sayohatnoma” asari bizga XX asr o‘zbek qishloqlari onomastikasi haqida bilishimizga juda katta imkon yaratib beradi
Qodirova Dilrabo Abdukarimovna, Umirova Umida Kushak qizi · Research Focus International Scientific Journal · 2025
Mazkur tadqiqotda Jizzax viloyati Baxmal tumanining 2020–2024-yillar davomida NDVI ko‘rsatkichlari asosida hududdagi ekologik va qishloq xo‘jalik faoliyati o‘zgarishlari tahlil qilindi. NDVI qiymatlari o‘simlik qoplami zichligi va tuproqning holatini baholash uchun ishlatilgan. Tadqiqot natijalari qishloq xo‘jalik strategiyalarini takomillashtirishda muhim ahamiyatga ega
Б.С. Расаходжаев, Ш.Б. Бекчанов · Research Focus International Scientific Journal · 2025
Maqolada biomassadan qayta tiklanuvchi energiya manbayi sifatida oqilona foydalanishga mo‘ljallangan avtonom energetik majmualar ishining o‘ziga xos xususiyatlari ko‘rib chiqiladi. Asosiy e‘tibor bunday tizimlarning texnik tavsiflari, ularning samaradorligi va ekologik xavfsizligiga qaratilgan. Innovatsion texnologiyalardan foydalangan holda biomassani energiyaga aylantirishning zamonaviy yondashuvlari tahlil qilingan, shuningdek, xomashyo mavjudligi va mahalliy ekspluatatsiya sharoitlariga bog‘liq ravishda energiya ishlab chiqarishni optimallashtirish jihatlari ko‘rib chiqilgan. Olingan natijalar energetik majmualar ish samaradorligini oshirish, xarajatlarni kamaytirish va atrof-muhitga ta‘sirni minimallashtirish bo‘yicha tavsiyalar shakllantirishga imkon beradi.