Norov Mirvohid Charievich, Mustafakulov Ishnazar Boynazarovich, Boynazarov Mehrojmirzo Eshnazarovich, Juraeva Zilola Aramovna · Research Focus International Scientific Journal · 2023
Qorin bo‘shlig‘ining kovak a‘zolari shikastlanishi bilan kechuvchi yopiq qorin jarohatlari yuqori o‘lim ko‘rsatkichi bilan kuzatiladi va u jarohat xususiyatiga qarab 27% dan 35% gacha bo‘ladi. Shu munosabat bilan mualliflar ushbu shikastlanishlarni jarrohlik davolash taktikasiga oid adabiyotlarni tahlil qildilar. Mualliflar aniqlashicha, hozirgi kunga qadar qo‘shma qorin jarohatlari bo‘lgan bemorlarda shikastlanishlarni tuzatishning turli taktik konsepsiyalari maqsadga muvofiqligi, an‘anaviy va kam invaziv jarrohlik aralashuvlarini o‘tkazish tartibi belgilanmagan, qorin bo‘shlig‘i kovak a‘zolari shikastlanishlarida tashxis va davolash algoritmi ishlab chiqilmagan. Bu ma‘lumotlarning barchasi ushbu yo‘nalishda keyingi ilmiy tadqiqotlar zarurligi uchun obyektiv asos bo‘lib xizmat qiladi.
Ismati Odiljon Obidovich, Mustafakulov Ishnazar Boynazarovich, Juraeva Zilola Aramovna · Research Focus International Scientific Journal · 2023
Ko‘krakni protezlash operatsiyasi ko‘krakning tabiiy ko‘rinishini optimal kosmetik va funksional natijalar bilan tiklashga qaratilgan. Biroq bu operatsiyalar jiddiy salbiy hodisalar bilan bog‘liq bo‘lishi mumkin. Ushbu tizimli sharh va meta-tahlil ko‘krak bezi operatsiyasidan o‘tgan bemorlarda A turdagi botulin toksini in‘ektsiyalari hamda 448 kHz chastotali elektromagnit stimulyatsiya (INDIBA) qo‘llanilishining funksional va estetik natijalarini aniqlash uchun ishlab chiqilgan.
Умаров Марс Нарзиевич · Research Focus International Scientific Journal · 2023
Badiiy gimnastikada boshlang‘ich tayyorgarlik bosqichiga saralashda ingichka suyakli tana tuzilishiga ega qizlarga ustunlik beriladi; ular, qoida tariqasida, past morfofunksional ko‘rsatkichlarga va shu sababli jismoniy tayyorgarlikning pastroq boshlang‘ich darajasiga ega bo‘ladi, buni mashg‘ulot jarayonida hisobga olish zarur. Shu bois ishimizning maqsadi morfotipologik mezonlar bo‘yicha tabaqalashtirilgan yondashuv asosida yosh gimnastikachilarning jismoniy tayyorgarligi metodikasini ishlab chiqishdan iborat bo‘ldi. Tadqiqot natijalariga ko‘ra, biz 6-8 yoshli gimnastikachilarning jismoniy tayyorgarligida somatotipga bog‘liq ma‘lum o‘ziga xoslikni aniqladik va bu turli somatotipdagi gimnastikachilar uchun jismoniy tayyorgarlik metodikasi asosini tashkil etdi. Ishlab chiqilgan metodika turli somatotipdagi gimnastikachilar jismoniy tayyorgarligining "kuchsiz" tomonlarini bartaraf etishga yordam beradi va shu bilan uyg‘un jismoniy rivojlanishga xizmat qiladi; bu esa me‘yoriy hujjatlarga (badiiy gimnastika sport turi bo‘yicha federal standartga) muvofiq boshlang‘ich tayyorgarlik bosqichidagi jismoniy tayyorgarlikning asosiy vazifasidir.
Zebo Botirova, Gulmira Rasulova,, Nasirdinova Sevara, · Research Focus International Scientific Journal · 2023
Ushbu tadqiqotda «Ingliz tili» faniga alohida e‘tibor qaratilgan holda kichik maktab yoshidagi o‘quvchilarning o‘quv-bilish faoliyatini faollashtirishning pedagogik vositasi sifatida didaktik o‘yinlardan foydalanish o‘rganilgan. Tadqiqotning maqsadi boshlang‘ich ta‘limda til o‘rganishni yaxshilash uchun o‘yinlarni o‘quv dasturiga integratsiya qilish samaradorligini tadqiq etishdan iborat edi. Buning uchun o‘quvchilar tanlanmasini saralash, didaktik o‘yinlarni yaratish va o‘tkazish, shuningdek ularning ishtirokchilarga ta‘sirini tahlil qilishni nazarda tutuvchi tizimlashtirilgan metodikadan foydalanildi. Natijalar didaktik o‘yinlar o‘quvchilarni samarali jalb etishini hamda ularning tilni egallashi va kognitiv ko‘nikmalarini yaxshilashini ko‘rsatdi. Natijalar o‘yinga asoslangan ta‘lim strategiyalarini ta‘lim tizimiga kiritish salohiyatini ta‘kidlaydi. Ushbu tadqiqot innovatsion pedagogik yondashuvlar va ularning bolalarning ta‘limiy hamda bilish rivojlanishiga ko‘maklashishdagi roli haqidagi davom etayotgan muhokamaga hissa qo‘shadi.
Mirzayev Abdulhamid Marifovich · Research Focus International Scientific Journal · 2023
Ushbu maqolada mashg‘ulot jarayonida yuqori malakali kurashchilarning texnik-taktik harakatchanligini rivojlantirish metodikasi bo‘yicha yetarlicha ilmiy yangiliklar keltirilgan.
Isakov Shuxratbek Muydinovich · Research Focus International Scientific Journal · 2023
Ushbu maqolada mashg‘ulot jarayonini optimallashtirish maqsadida yuklamalar mazmuni va dinamikasini hisobga olgan holda, yo‘nalishi yunon-rum kurashiga ixtisoslashgan mashg‘ulot yuklamalarini ikki oylik rejalashtirish metodikasi ishlab chiqilgan, shuningdek yunon-rum kurashi sportchilarini mas‘uliyatli musobaqalarga tayyorlash samaradorligi haqida ma‘lumot berilgan.
Goibova Nargiza Ziyoxonovna · Research Focus International Scientific Journal · 2023
Ushbu maqolada texnika oliy ta‘lim muassasalarida fizika o‘qitishda talabalarning texnik ko‘nikmalarini takomillashtirish uchun interaktiv usullardan foydalanishning ahamiyati, muammoli ta‘lim, aqliy hujum va keys-metodning ta‘lim samaradorligini oshirishdagi o‘rni ko‘rib chiqilgan hamda ulardan dars davomida foydalanishning afzalliklari ajratib ko‘rsatilgan. Maqola mazmunida interaktiv usullardan foydalangan holda o‘qitish metodining odatiy o‘qitishga nisbatan samaradorligi keng yoritilgan.
Azizov Sobitkhon Valiyevich · Research Focus International Scientific Journal · 2023
Ushbu maqolada gandbol usullarini bajarish vaqtida sportchilarning tezligi, harakatlar koordinatsiyasi, to‘p tezligi va sakrash balandligi haqidagi ma‘lumotlar bilan bir qatorda malakali gandbolchilarning sakrab tashlash texnikasi samaradorligini nazorat qilish metodikasi bayon etilgan.
Azimov Zikirillo · Research Focus International Scientific Journal · 2023
Maqolada kanoeda eshkak eshish texnikasini o‘rgatishda muvozanat ko‘nikmasi va suvni his qilishni rivojlantirishning roli hamda ahamiyati ochib berilgan.
SH.B.Xayriddinov · Research Focus International Scientific Journal · 2023
Mazkur maqolada ta‘lim (oliy ta‘lim) resurslardan foydalanishni o‘ziga xos jihatlari tadqiq etilgan. Davlat oliygohlarining holati. Oliy ta‘lim muassasalari faoliyatini amalga oshirilishi uchun zarur bo‘lgan xarajatlar katta qismining budjet mablag‘lari hisobidan ta‘minlanayotganligi bu mablag‘larning sarflanishiga nisbatan alohida munosabatlarning shakllanishini taqozo etadi. Oliy ta‘limni moliyalashtirish ikki ko‘rinishda, ya‘ni davlat budjeti mablag‘lari hisobidan va ta‘lim xizmatlari ko‘rsatilishidan tushadigan mablag‘lar hisobidan amalga oshirilmoqda.
Sharofiddinov Maxmudjon Mashrabjon o‘g‘li · Research Focus International Scientific Journal · 2023
Ushbu maqolada Sovet mustamlakachiligi davrida Namangan viloyatida irrigatsiya tizimidagi o‘zgarishlar va uning asosiy xususiyatlari tarixiy manbalar asosida tahlil qilingan.
Б.Э. Хайриддинов, С.М. Хужакулов, И.Л. Нематов, Э.М.Мейлиев · Research Focus International Scientific Journal · 2023
Ishda gelioqurilmaning yopiq hajmida issiqlik-massa almashinuvi masalalari va havoning harorat stratifikatsiyasi jarayonlari ko‘rib chiqilgan. Gelioissiqxonada olingan tajriba ma‘lumotlari asosida havo haroratining balandlik bo‘yicha o‘zgarishini aniqlovchi korrelyatsion bog‘liqlik keltirib chiqarilgan.
Углерод (II) оксиди (ис гази) ва метан (табиий газ) атмосфера ҳавосининг заҳарли ва портловчан таркибий қисмларидан биридир. Статистик маълумотларга кўра, сўнгги ўн йилликда углерод (II) оксиди билан заҳарланишдаги ўлим ўткир заҳарланишдан вафот этганлар 25% фоизга якинлашмокда. Шу сабабли газсезгир яримўтказгичли материалларнинг янги авлодини яратиш ва улар асосида атмосфера ҳавоси, технологик ва чиқинди газлардаги углерод (II) оксиди ва метаннинг миқдорини аниқлашни таъминловчи селектив яримўтказгичли газ сенсорлари ва сигнализаторларини яратиш муҳим масалалардан ҳисобланади
Kh.N. Bozorov · Research Focus International Scientific Journal · 2023
Havoda (y-x)K2CO3-xLi2CO3-ySb2O3-2(2-y)WO3 murakkab oksidlar aralashmasini qizdirish jarayonida kaliy va litiy antimonat-volframatlarining hosil bo‘lish qonuniyatlari o‘rganildi. 1123 K harorat uchun KSbO3-WO3-LiSbO3 konsentratsion uchburchagida piroxlor tipidagi tuzilishga ega fazalarni saqlovchi LixKy-xSbyW2-yO6 hosil bo‘lish zonasi aniqlandi.
B.B.Umarova · Research Focus International Scientific Journal · 2023
Kletkali avtomatlarning afzalliklari matnni aniqlash tizimida foydali bo‘lishi mumkin. Qoidalarning soddaligi va bir xilligi bir nechta mantiqiy yoki matematik elementlarga asoslangan murakkab tizimlarni yaratish va kamroq hisoblash resurslari va xotira bilan natijalarga erishish imkonini beradi.Tadqiqot jarayonida ishlab chiqilgan g‘oyalar va algoritmlarni amalga oshirish uchun model va uning asosida dastur yaratish kerak bo‘ladi.
Qodirova Surayyo Adilovna, Jumayeva Shohista Ergash qizi · Research Focus International Scientific Journal · 2023
Ушбу мақолада Сурхондарё вилояти Термез шаҳрининг туристик салоҳияти, мавжуд бўлган меҳмонхоналар бинолари,уларнинг архитектуравий композицион ечимларини такомиллаштириш йўллари ва бой маъданий меросларимиз тўғрисида маълумотлар келтирилган
Ш. Исламова, Т. Хидоятов, К. Аллаяров · Research Focus International Scientific Journal · 2023
Muzeylar shahar tuzilmasining ajralmas qismi sifatida o‘ziga xos rivojlanish vektori va tendensiyalariga ega. Ushbu maqolada jahon muzeylarini loyihalash va ularning faoliyati bo‘yicha qisqacha sharh berilgan. Muzeylarning rejalashtirish xususiyatlari va tuzilmalari, zonalashtirish turlari hamda tashrifchilar harakati yo‘nalishlari o‘rganilgan. Zamonaviy muzeylarning interyerlari, shuningdek ularning ekspozitsiya makoni bilan o‘zaro aloqasi e‘tiborga olingan.