Natijalarni aniqlashtiring, tahlil qiling yoki eksport qiling.
Joriy tartibdagi birinchi 1 000 ta yozuv yuklanadi (2 086 tadan).
Qidiruvni saqlash va yangi yozuvlar haqida xabar olish uchun hisobingizga kiring. Kirish
Азизов Мирзохид Мирзолим угли · Research Focus International Scientific Journal · 2024
Ushbu maqolada umumta‘lim maktablari boshlang‘ich sinf o‘quvchilarini sog‘lomlashtiruvchi skandinavcha yurishga o‘rgatishda zamonaviy “SKAN.XOD-3” kompyuter dasturining ahamiyati haqida so‘z boradi.
Temirov Vohidjon Omonovich · Research Focus International Scientific Journal · 2024
Mazkur ilmiy maqolada yunon-rum kurashchilari tomonidan musobaqa bellashuvlaridagi samaraliy harakatlar asosida texnik usullarni yunon-rum kurashchilarini o‘quv-mashg‘ulot jarayoniga joriy etish asosida kurashchilar tomonidan bellashuvlarni olib borishning ilmiy mohiyati ochib berilgan va mazkur olingan ma‘lumotlar sport kurash turlari nazariyasi va uslubiyati sohasidagi nazariy bilimlarini boyitish va kengaytirishga yordam berishi bilan izohlanadi.
Nurmamatova Sarvinoz Qurbon qizi · Research Focus International Scientific Journal · 2024
Maqolada nazorat va tajriba guruhlariga mansub 11-12 yoshli figurali uchuvchilarning sakrash elementlarini bajarish ko‘rsatkichlarini oshirish bo‘yicha amalga oshirilgan pedagogik tajribaning boshlang‘ich va yakuniy qismlarida olingan natijalar, ularning statistik xarakteristikalari, natijalar o‘rtacha arifmetik qiymatlarini tajriba davomidagi absolyut va nisbiy o‘sishlari hamda ushbu absolyut o‘sishlarini statistik ishonchliligi baholari, shuningdek ularning muhokamasi bo‘yicha ma‘lumotlar keltirilgan.
Nurmamatov G‘aybullo Ulkanboyevich · Research Focus International Scientific Journal · 2024
Bu maqola orqali turli sport razryadiga ega bo‘lgan paravoleybol sporti bilan shug‘ullanuvchilarni to‘pni pastdan qabul qilish texnikasining kinematik ko‘rsatkichlari “SPORT 360° 3D MA biomexanik laboratoriya” da aniqlandi va olingan ko‘rsatkichlar o‘zaro taqqoslash orqali tahlil qilindi.
Musayev Baxrom Baxtiyorovich · Research Focus International Scientific Journal · 2024
Mazkur ilmiy maqolada aholi salomatligi bo‘yicha izlanishlarning nazariy va amaliy tomonlari yoritib berilgan. Shu qatorda maqolada aholi salomatligini sog‘lomlashtirish dasturi va uning umumiy yo‘nalishlariga o‘rgatish va mazkur dasturni xayot faoliyatiga joriy etish davomida uning takrorlanishi asosida aholi organizmining o‘zgarishlari bo‘yicha ilmiy mohiyati ochib berilgan va mazkur olingan ma‘lumotlar jismoniy tarbiya nazariyasi va uslubiyati sohasidagi nazariy bilimlarini boyitish va kengaytirishga yordam berishi bilan izohlanadi.
Rashidova Zamira Sharofovna · Research Focus International Scientific Journal · 2024
Sezgilar turli kasalliklarning ko‘plab belgilari va sindromlarining asosi bo‘lib, elementar (oddiy) ruhiy hodisalardan biridir. Ular ongli yoki ongsiz xarakterga ega bo‘lishi mumkin va bemorning o‘z sog‘lig‘iga oid shikoyatlarining xususiyatlariga ta‘sir qiladi, bu tashxis va davolash jarayonlariga sezilarli ta‘sir qiladi. Ushbu maqolada siz ruhiy jarayonlarning buzilishi haqida malumot olasiz.
Arslonova Rayxon Rajabboevna, Chuliboyeva Ruxshona Toshniyazovna, Muxiddinova Dinora Muxiddinovna, Nag‘matullayev Abdulazizjon Ulug‘bekovich · Research Focus International Scientific Journal · 2024
Hozirgi davrda zamonaviy tibbiyotda shifobaxsh o‘simliklar bilan davolash keng ko‘lamda qo‘llanilmoqda. Butun Sharq mamlakatlaridagi kabi, Yevropada ham o‘simliklar tarkibidan yuqori biologik faollikka ega bo‘lgan moddalar va ular asosida yangi dori vositalarning yaratilishi tez fursatda rivojlanmoqda. Shunday yuqori biologik xususiyatga ega bo‘lgan lagohilus - o‘simlikgi juda keng tarqalgan va istiqbolli yuqori bo‘lgan shifobaxsh o‘simliklarga kiradi. Lagohilus o‘simlikning tarkibidan ajratilgan tabiiy birikmalar faoliyati, ulardan tibbiyot amaliyotida qo‘llanilishi alohida o‘rin tutadi. Lagoxilusning asosiy tarkibiy qismida aynan vitamin C, K, P suvda va yog‘da eruvchi vitaminlar bo‘lishi bu o‘simlikning gemostatik xususiyatini ko‘proq namayon etadi. Shuning uchun hozirgi vaqtda bemorlarda vitamin C, K, P lar etishmasligi ko‘proq uchrab milklarning qon ketishi kuzatilmoqda. Shu sababli aynan milklarning qon ketishida Lagohilus o‘simlikning samaradorligi yuqori hisoblanadi. Ushbu maqolamizda lagoxilus o‘simlikgi tayyorlash, shuningdek qon to‘xtatish tasir kuchi va ulardan tibbiyotda dori-darmon tayyorlash haqida eng so‘nggi ma‘lumotlar keltirildi.
Облокулов Захриддин Тулкинович, Шоназаров Сардор Искандарович, Шоназаров Искандар Шоназарович · Research Focus International Scientific Journal · 2024
Sharhda ta‘kidlanishicha, hozirgi vaqtda o‘n ikki barmoqli ichak yarasi perforatsiyasida birlamchi operatsiya hajmini tanlashning yagona yondashuvi mavjud emas. Perforatsiya teshigini oddiy tikish operatsiyasi ko‘pincha uzoq muddatli operatsiyadan keyingi davrda asoratlar rivojlanishiga va yara kasalligining qaytalanishiga olib keladi. Operatsiya qiluvchi jarrohdan yetarli malaka talab qiladigan rezeksion operatsiya usullari yaxshi uzoq muddatli natijalar beradi, ammo operatsiyadan keyingi o‘lim ko‘rsatkichining yuqoriligi bilan kechadi. Shuning uchun o‘n ikki barmoqli ichak yarasi perforatsiyasi bo‘lgan bemorlarda birlamchi operatsiya hajmini tanlashga oid yondashuvlar keyingi o‘rganishni talab qiladi.
Элмуродов А.Н, Авазов А.А, Шакиров Б.М. · Research Focus International Scientific Journal · 2024
Qo‘l va oyoq panjasi kuyish jarohatlarini davolash hozirgi vaqtda ham zamonaviy kombustiologiyaning dolzarb muammolaridan biri bo‘lib qolmoqda. Kuyish yarasining bitish jarayoni uzoq vaqtga cho‘ziladi. Qo‘l va oyoq panjasi kuyishlarini mahalliy davolashda bizning maqsadimiz sun‘iy yaratilgan nam muhit sharoitida davolash samaradorligini baholash bo‘ldi. Bizning kuzatuvimizdagi barcha bemorlarda qo‘l va oyoq panjasining chuqur kuyish jarohatlari aniqlangan. Bemorlarning yoshi 3 dan 65 yoshgacha bo‘lgan. Tahlil natijalariga ko‘ra, asosiy guruhda “sun‘iy yaratilgan nam muhit sharoitida” silvaden yoki dermazin malhami bilan davolanganlarda nazorat guruhidagi bemorlarga qo‘llanilgan an‘anaviy davolash bilan solishtirganda kuyish yarasida mikroorganizmlarning yashashi va ko‘payishi uchun noqulay sharoitlar tufayli regeneratsiya jarayoni tezlashgani ma‘lum bo‘ldi. Keltirilgan tadqiqot va tahlillar natijalari shuni ko‘rsatdiki, oyoq panjasi sohasidagi chuqur kuyishlarda davolashda kamera izolyatoridan foydalangan holda “nam atrof-muhit sharoitlari” ni qo‘llash hamda silvaden va dermazin malhamlaridan foydalanish yuqori samarali bo‘lib, bu jarrohlik yo‘li bilan teri plastikasi davolash usulini erta o‘tkazish va muddatlarni qisqartirishga ijobiy ta‘sir ko‘rsatadi, nafaqat yaralarning bitishini tezlashtiradi, balki teri plastikasining yaqin asoratlarini ham kamaytiradi.
Шомуродов Х.А, Шакиров Б.М, Тухтаев Дж.К · Research Focus International Scientific Journal · 2024
Kuyish jarohati ham rivojlanayotgan, ham rivojlangan mamlakatlarda avtohalokatlardan keyin jarohatlar bilan bog‘liq o‘limning ikkinchi eng keng tarqalgan sababi hisoblanadi. Keng maydonli kuyish inson ola oladigan, ammo omon qolishga umid qiladigan eng halokatli jarohatdir. Keng maydonli kuyishlardan keyin omon qolish, shubhasiz, birinchi darajali vazifa bo‘lib, jarohatdan oldingi holatni tiklash va jamiyatga qaytish jabrlanganlar uchun ham, shifokorlar uchun ham muhim ahamiyat kasb etadi. Chuqur kuyishlar, ayniqsa IIIA darajali yuza kuyishlar mustaqil bitgandan so‘ng ko‘pincha (8,3-21,3% kuzatuvda) patologik (keloid yoki gipertrofik) chandiqlar hosil bo‘ladi. Ta‘kidlash joizki, Markaziy Osiyoda, ayniqsa bolalarda chuqur kuyishlarning tez-tez uchrashi sovuq faslda isitish uchun hozirgacha «sandal» dan foydalanilishi bilan bog‘liq. Sandaldan kuyishlar to‘qimalarning og‘ir, chuqur shikastlanishi, hatto oyoq-qo‘llarning distal qismlari ko‘mirlanishi bilan tavsiflanadi.
Шомуродов Х.А, Шакиров Б.М., Тухтаев Дж.К · Research Focus International Scientific Journal · 2024
Xorijiy mualliflarning ma‘lumotlariga ko‘ra, chandiq gipertrofiyalari aholining 4,5–16% ida uchraydi. Chandiq to‘qimasining shakllanishi teri qoplamalari va shilliq pardalarning shikastlanishiga fiziologik javob hisoblanadi. Biroq hujayradan tashqari matriks metabolizmining o‘zgarishi haddan tashqari chandiqlanishga va keloid hamda gipertrofik chandiqlar hosil bo‘lishiga olib kelishi mumkin. Ushbu maqolada kuyish jarohati oqibatlarining oldini olish va davolashning konservativ hamda jarrohlik usullarining butun spektri umumlashtirilgan va tizimlashtirilgan. Chandiqlarni konservativ va jarrohlik yo‘li bilan davolashning yangi usullarini ishlab chiqish va joriy etish hamda reabilitatsiyaning mavjud vosita va usullarini takomillashtirish kutilgan natijalarga erishish, nogironlikni kamaytirish va bemorlarning hayot sifatini yaxshilash imkonini beradi.
Нурмаматов Джамшид Ахмедович · Research Focus International Scientific Journal · 2024
Bronxial astma (BA) va o‘pkaning surunkali obstruktiv kasalligi (OSOK) nafas olish tizimining eng keng tarqalgan obstruktiv kasalliklaridir. Bemorlarning 10–20 % ida ham OSOK, ham astma belgilari mavjud. Ayrim hollarda bu kasalliklar o‘rtasida chegara o‘tkazish qiyin bo‘lib, bu tashxis qo‘yishda qiyinchiliklar tug‘diradi va natijada gipo- hamda giperdiagnostika kuzatiladi. Bronxial astma va OSOK ni davolash strategiyalari sezilarli farq qiladi, shuning uchun BA + OSOK fenotipini ajratish uchun aniq diagnostik mezonlarga ega bo‘lish muhimdir.
Джабборов Отабек Юсупович · Research Focus International Scientific Journal · 2024
Ushbu maqolada Verter effekti, ya‘ni adabiy, ommaviy axborot vositalaridagi yoki jamoatchilikdagi o‘z joniga qasd qilish haqidagi tasavvurlar taqlidiy xulq-atvorni rag‘batlantiradigan hodisa asosida yotgan psixologik mexanizmlar tadqiq etiladi. Tadqiqotda mavzuga oid tadqiqotlar va misollarga e‘tibor qaratilib, Verter effektining o‘z joniga qasd qilish epidemiyalari shakllanishidagi ahamiyati ta‘kidlanadi. Maqolada ham tarixiy, ham zamonaviy kontekstlarga tayangan holda ushbu hodisaning tarqalishiga ko‘maklashuvchi omillar aniqlanadi va bu ta‘sirning salbiy oqibatlarini bartaraf etish uchun ogohlantirish strategiyalari taklif etiladi. Ushbu tadqiqot jamiyatda o‘z joniga qasd qilish xavfini kamaytirishga qaratilgan samarali yondashuvlarni shakllantirish uchun muhim ahamiyatga ega.
Асадова Ферузахон Джума кизи, Рахмонов Фариз Зафарджонович · Research Focus International Scientific Journal · 2024
Ushbu maqolada rezorbsiya ingibitorlari guruhiga kiruvchi preparatlar ularning ta‘sir mexanizmlari va klinik qo‘llanilishiga e‘tibor qaratilgan holda ko‘rib chiqiladi. Bisfosfonatlar, RANKL-ingibitorlar va kalsiy modulyatorlari kabi rezorbsiya ingibitorlari osteoporoz va suyak o‘smalari kabi suyak to‘qimasi kasalliklarini davolashda asosiy rol o‘ynaydi. Molekulyar o‘zaro ta‘sirning asosiy jihatlari, preparatlarning o‘ziga xosligi, ularning suyaklarning mineral zichligiga ta‘siri, shuningdek, turli patologiyalarda klinik qo‘llanilish xususiyatlari ko‘rib chiqiladi. Maqolada rezorbsiya ingibitorlari sohasidagi zamonaviy tadqiqotlar sharhi berilib, ularning samaradorligi va rivojlanish istiqbollari ta‘kidlangan.
Асадова Ферузахон Джума кизи, Ахтамова Асальбегим Джасуровна · Research Focus International Scientific Journal · 2024
Suyak to‘qimasi regeneratsiyasi molekulyar mexanizmlarni sinchkovlik bilan boshqarishni talab qiladigan murakkab va muhim jarayon sifatida qaraladi. Hujayra biologiyasi va rivojlanishida asosiy rol o‘ynaydigan Wnt signal yo‘li suyak regeneratsiyasini optimallashtirish kontekstida diqqat markaziga aylanmoqda. Ushbu tadqiqotda Wnt signal yo‘lining suyak to‘qimasi regeneratsiyasi jarayonlariga ta‘siriga bag‘ishlangan so‘nggi ilmiy ishlar muhokama qilingan. Bu yo‘lning asosiy komponentlari va faollashuv mexanizmlari, shuningdek, uning suyaklarning normal rivojlanishidagi roli tahlil qilingan. Genetik modellar, Wnt ligandlarini yuborish va ingibitorlardan foydalanish kabi eksperimental yondashuvlar ularning regeneratsiyaga ta‘siri kontekstida ko‘rib chiqilgan. Suyak to‘qimasining bitishi va tiklanishi jarayonlarini yaxshilash uchun terapevtik strategiyalarni ishlab chiqishda ushbu signal yo‘lining salohiyatiga alohida e‘tibor qaratilgan. Wnt signal yo‘lini boshqarishning molekulyar mexanizmlarini tushunish tibbiy regeneratsiya va suyak shikastlanishlarini davolash sohasida innovatsion yondashuvlar uchun yangi istiqbollarni ochib beradi.
А.А. Авазов, Б.М. Шакиров, Э.А. Хакимов · Research Focus International Scientific Journal · 2024
Samarali, ammo potensial xavfli isitish tizimi bo‘lgan sandal O‘rta Osiyoning ayrim mintaqalarida hozirgacha qo‘llaniladi. Qo‘l va oyoq panjasining sandaldan kuyishida odatda faqat teri emas, balki uning ostidagi to‘qimalar ham: teri osti yog‘ kletchatkasi, fassiyalar, mushaklar va hatto suyaklar ham shikastlanadi. Og‘ir kuyishlar va ularning oqibatlarini umumiy hamda mahalliy davolashning asosiy usullari zamonaviy nekrotomiya, nekrektomiya va autotransplantatsion plastik jarrohlik bo‘lgan. Bu davolash nekrozlangan to‘qimalarning ajralishini tezlashtirish, yarani erta autodermoplastik operatsiyaga tayyorlash uchun, kuyishdan keyingi kontrakturalarni kamaytirish maqsadida qo‘llaniladi.
Mustafoyev Zafar Mustafo o‘g‘li, Xusenova Ruxshona Farxodovna · Research Focus International Scientific Journal · 2024
Ushbu maqolada bosh miya saratonini davolash, kelib chiqish sabablari, kasallikka qo‘yiladigan tashxislar haqida va davolashga qaratilgan chora tadbirlar keltirilgan.
Shodmonov Diyorbek Obid ugli, Nazarova Makhbuba Erkinovna · Research Focus International Scientific Journal · 2024
Ushbu dissertatsiyada oziq-ovqat qo‘shimchalarining biologik va biokimyoviy ta‘riflari klinik nuqtai nazardan berilgan, shuningdek, klinik tibbiyot asosida E171 va E 173 oziq-ovqat qo‘shimchalarining inson organizmiga ta‘siri hamda ularning organizmdagi salbiy va ijobiy roli yoritilgan. Ushbu dissertatsiyada parhez qo‘shimchalari ilmiy asoslangan atamalar bilan batafsil va har tomonlama ko‘rib chiqilgan.
Mustafoyev Zafar Mustafo o‘g‘li, Xusenova Ruxshona Farxodovna · Research Focus International Scientific Journal · 2024
Ushbu maqolada bosh miya saratonini davolash, kelib chiqish sabablari, kasallikka qo‘yiladigan tashxislar haqida va davolashga qaratilgan chora tadbirlar keltirilgan.
Ibragimova Marina Fedorovna, Esanova Munira Ravshanovna · Research Focus International Scientific Journal · 2024
O‘tkir respirator patologiya bolalar kasallanishi tarkibida yetakchi o‘rinni egallaydi. Ular orasida yetakchi o‘rin pnevmoniyaga tegishli bo‘lib, u erta yoshdagi guruhda keng tarqalganligi, kechishining og‘irligi va og‘ir shakllarga o‘tish ehtimoli bilan tavsiflanadi. Tadqiqot maqsadi — gipoksik-ishemik ensefalopatiya fonida atipik pnevmoniya bilan og‘rigan yangi tug‘ilgan chaqaloqlarni kompleks davolash va reabilitatsiya qilishning yangi tizimlarini ishlab chiqish. Tadqiqot materiallari va usullari: I guruh — an‘anaviy davolash olgan 40 nafar bola, ulardan 28 tasida o‘rtacha og‘ir shakl va 12 tasida og‘ir shakl kuzatilgan. II guruh — an‘anaviy davolashga qo‘shimcha ravishda sitoxrom C, immunomodulin olgan 45 nafar bola, ulardan 32 tasi o‘rtacha og‘ir va 13 tasi og‘ir.