Maqola
Natijalarni aniqlashtiring, tahlil qiling yoki eksport qiling.
2 404 natija
Maqola
2 404 natijaTartib: ko‘p iqtibos olganlari birinchiAvval ReLibrary iqtiboslari, keyin OpenAlex, keyin Crossref bo‘yicha — raqamlar qo‘shilmaydi; teng bo‘lsa, yangisi oldinda.Eng yangilarini birinchi ko‘rsatish
- Ochiq kirishMaqola
SO‘LAK BEZLARI O‘SMALARINING PATOGENEZI VA MOLEKULAR-GENETIK JIHATLARI
Ergashev Bekzod Jaloliddin o‘g‘li · Research Focus International Scientific Journal · 2025
Ushbu maqolada so‘lak bezlari o‘smalarining rivojlanishiga asos bo‘luvchi molekulyar-genetik mexanizmlar tahlil qilinadi. Asosiy genetik mutatsiyalar (PLAG1, HMGA2, CTNNB1) va ularning o‘sma o‘sishiga ta‘siri ko‘rib chiqiladi. Karcinogenez jarayonida buzilgan signal uzatish yo‘llari (Wnt/β-katenin, PI3K/AKT/mTOR, NF-kB) ning roli yoritiladi. Molekulyar belgilarning (CK7, p40, p63, SOX10, S-100) ifodalanishiga va ularning diagnostik ahamiyatiga alohida e‘tibor qaratiladi. Surunkali yallig‘lanish va proinflammator sitokinlarning (IL-6, TNF-α) o‘sma rivojlanishiga ta‘siri muhokama qilinadi. Ushbu sharh maqola so‘lak bezlari o‘smalarini davolashga qaratilgan molekulyar nishonlarni aniqlash va yangi diagnostik va terapevtik strategiyalar ishlab chiqish zaruratini ta‘kidlaydi.
- Ochiq kirishMaqola
KLINIK ENDODONTIYADA IRRIGATSION ERITMALAR: TURLARI, XUSUSIYATLARI VA FAOLLASHTIRISH MEXANIZMLARI
Ergashev Bekzod Jaloliddin o‘g‘li · Research Focus International Scientific Journal · 2025
Ushbu adabiyotlar sharhida klinik endodontikada qo‘llaniladigan irrigatsiya eritmalarining turlari, xususiyatlari va faollashtirish mexanizmlari keng qamrovli tahlil qilingan. 58 ta dolzarb tadqiqot asosida sodium gipoxlorit keng spektrli antimikrobiyal va to‘qima eritish xususiyatlari tufayli asosiy irrigant sifatida e‘tirof etilgan. EDTA smear qatlamini olib tashlashda samarali ekani ko‘rsatilgan. MTAD va QMix kabi zamonaviy irrigantlarning ko‘p funksiyali xususiyatlari ta‘kidlangan bo‘lsa-da, ularning klinik natijalari hali to‘liq isbotlanmagan. Irrigantlarni faollashtirish irrigatsiya samaradorligini oshirishda hal qiluvchi ahamiyatga ega. Passiv ultrasonik irrigatsiya (PUI) irrigant penetratsiyasini oshirish va biofilmni yo‘qotishda eng samarali usul sifatida ajralib turadi. Sonik faollashtirish, salbiy bosim tizimlari va lazer yordamida irrigatsiya muqobil yoki yordamchi variantlar sifatida o‘rganilgan. Tahlil natijasida NaOCl va EDTA ni ultrasonik faollashtirish bilan birlashtirish optimal dezinfeksiya va uzoq muddatli klinik muvaffaqiyat uchun eng yaxshi natija berishini tasdiqlaydi. Xavfsizlik jihatlari, xususan irrigant ekstruziya va to‘qimalarga toksik ta‘siri, klinik protokol tanlashda hisobga olinishi lozim.
- Ochiq kirishMaqola
ЛЕЧЕНИЯ ПАЦИЕНТОВ С АЛЬВЕОЛИТАМИ ЛУНОК ЗУБОВ (ОБЗОР ЛИТЕРАТУРЫ)
Шадиев Садулла Самехжанович, Тухтасинова Гулнигор Шохруховна · Research Focus International Scientific Journal · 2025
Maqolada tish olingandan keyingi katakcha alveolitlarining adabiyotlar sharhi keltirilgan. Tish katakchalari alveoliti yuzaga kelishida odontogen infeksiya, mahalliy qon ta‘minoti va anestetiklardan foydalanishning roli qayd etilgan. Kasallikning etiologiyasi, patogenezi, epidemiologiyasi, tashxisi, qiyosiy tashxisi, shuningdek alveolitlarni jarrohlik va konservativ davolashning zamonaviy usullari batafsil bayon etilgan.
- Ochiq kirishMaqola
DENTAL IMPLANTATSIYADAN KEYINGI PERIIMPLANTITLARNI KOMPLEKS DAVOLASHNI MIKROBIOLOGIK KO‘RSATKICHLARGA KO‘RA QIYOSIY
Shodiyev Sa‘dulla Samexjanovich, Gafforov Usmon Bobonazarovich, Asrorov Maxmudjon Akmal o‘g‘li · Research Focus International Scientific Journal · 2025
Dental implantatsiya o‘tkazilgan 66 nafar bemorlar kuzatuvda bo‘lgan. Asosiy guruhdagi bemorlarga mahalliy ozonoterapiya qo‘llanilgan. Bakteriologik tahlillar o‘tkazilgan. Taklif etilgan kombinirlangan davolash usulida, paradontning yallig‘langan qismlaridagi mikroorganizmlar son va sifat jihatdan kamayishga olib kelinganligi qayd etilgan.
- Ochiq kirishMaqola
ФАРМАКОПЕЙНЫЙ АНАЛИЗ НЕОРГАНИЧЕСКИХ ЛЕКАРСТВЕННЫХ СРЕДСТВ.
Изатуллаев Сарвар Абдуманнонович, Исроилов Бектош Нодир угли, Хуррамова Сабрина Муродилло Кизи · Research Focus International Scientific Journal · 2025
Dori vositasining farmakopeya tahlili xossalarining tavsifi, haqiqiyligi va sifat yaroqliligiga sinov hamda miqdoriy aniqlashni o‘z ichiga oladi.
- Ochiq kirishMaqola
SYNOPSIS OF SOME SPECIES OF THE GENUS PHLOMOIDES MOENCH (LAMIACEAE)
Rustam Gulomov, Ibrohim Tagayev, Abdurahmon Sheraliev · Research Focus International Scientific Journal · 2025
Ushbu maqolada Farg‘ona vodiysi gerbariy to‘plamlaridagi Phlomoides Moench turkumi turlarining yangi tadqiqot ro‘yxati keltirilgan. Ushbu tadqiqotning maqsadi Farg‘ona vodiysi Phlomoides turlarining tekshirilgan ro‘yxatini amaldagi taksonomiya va turlarning tarqalishi haqidagi eng so‘nggi ma‘lumotlarga muvofiq tuzishdan iborat. Ro‘yxatda har bir tur haqida quyidagi ma‘lumotlar keltirilgan: tipi, hayotiy shakli, muhofazasi, geografik tarqalishi hamda o‘rganilgan namunalar tanlanmasi.
- Ochiq kirishMaqola
EKOLOGIK ONG TUSHUNCHASINING PSIXOLOGIK ASOSLARI
To‘rayev Ahmed Xolmo‘minovich · Research Focus International Scientific Journal · 2024
Mazkur maqolada boshlang‘ich sinf o‘quvchilari ekologik ongi shakllantirish usullari, ushbu jarayonga ta‘sir etuvchi omillar tahlil qilingan. Ekologik ong tuzilmasi, tushuncha mohiyati borasida nazariy yondashuvlar o‘zaro taqqoslangan hamda tahlil qilingan.
- Ochiq kirishMaqola
BO‘LAJAK O‘QITUVCHILARNING DEONTOLOGIK KOMPETENTLIGINI TAKOMILLASHTIRISHDA IMOM AT-TERMIZIY ASARLARIDAN FOYDALANISH ILMIY ASOSLARI
Sh.A.Mamatqobilova · Research Focus International Scientific Journal · 2024
Mazkur maqolada bo‘lajak o‘qituvchilarning deontologik kompetentligini takomillashtirishda Imom at-Termiziy asarlaridan foydalanish mazmuni, alloma asarlari qiyosiy tahlillar asosida kelib chiqqan nazariy tushunchalarni, Imom at-Termiziy asarlari deontologik kompetentlik uchun qay jihatdan muhimligi ko‘rsatib o‘tilgan.
- Ochiq kirishMaqola
BO‘LAJAK O‘QITUVCHILAR DEONTOLOGIK TAYYORGARLIGINI TAKOMILLASHTIIRISHDA IMOM AT-TERMIZIY ILMIY MEROSIDAN FOYDALANISH NAZARIY ASOSLARI
Mamatqobilova Shodiya Azamat qizi · Research Focus International Scientific Journal · 2024
Ushbu maqolada Imom at-Termiziy hayot faoliyati, ilm yo‘lidagi izlanishlari, «Al-Jomi‘ as-Sahiyh» asari, asarlarida keltirilgan fikrlar, o‘qituvchi deontologik tayyorgarligi takomillashtirish uchun foydalaniladigan qismlari, foydalanish asoslari haqida keltirib o‘tilgan.
- Ochiq kirishMaqola
ГЕНЕОЛОГИЧЕСКИЕ ФАКТОРЫ РИСКА РАЗВИТИЯ РЕЦИДИВОВ ОБСТРУКТИВНОГО БРОНХИТА У ДЕТЕЙ.
Хусаинова Ширин Камилджоновна · Research Focus International Scientific Journal · 2024
Tadqiqot materiali sifatida bronxoobstruktiv sindromli 80 nafar bola xizmat qildi, ularda klinik-laboratoriya ma‘lumotlari bilan bir qatorda proband usuli bo‘yicha genealogik anamnez sinchkovlik bilan o‘rganildi. Onalarda aniqlangan kasalliklar orasida chastotasi bo‘yicha birinchi o‘rinda anemiya turdi - 163 (75,12%). Keyingi o‘rinlarda chastotasi bo‘yicha pielonefrit - 24 (11,06%), gipertoniya - 57 (26,27%), surunkali bronxit - 6 (2,76%) ustunlik qildi. Tekshirilgan bolalarda irsiyatni o‘rganishda ularning qarindoshlarida atopik kasalliklar 27 (12,44%) holatda uchraganligi aniqlandi. Tekshirilgan bolalarning allergoanamnezini tahlil qilishda bemorlarda eng ko‘p oziq-ovqat allergiyasi - 6 (2,76%) va bronxial astma - 17 (7,83%) hodisalari qayd etilgani ma‘lum bo‘ldi. Dori allergiyasi kamroq uchradi - 5 (2,3%).
- Ochiq kirishMaqola
OPTIMIZATION OF TREATMENT OF ATYPICAL PNEUMONIA DUE TO HYPOXIC-ISCHEMIC ENCEPHALOPATHY IN NEWBORNS
Ibragimova Marina Fedorovna, Esanova Munira Ravshanovna · Research Focus International Scientific Journal · 2024
O‘tkir respirator patologiya bolalar kasallanishi tarkibida yetakchi o‘rinni egallaydi. Ular orasida yetakchi o‘rin pnevmoniyaga tegishli bo‘lib, u erta yoshdagi guruhda keng tarqalganligi, kechishining og‘irligi va og‘ir shakllarga o‘tish ehtimoli bilan tavsiflanadi. Tadqiqot maqsadi — gipoksik-ishemik ensefalopatiya fonida atipik pnevmoniya bilan og‘rigan yangi tug‘ilgan chaqaloqlarni kompleks davolash va reabilitatsiya qilishning yangi tizimlarini ishlab chiqish. Tadqiqot materiallari va usullari: I guruh — an‘anaviy davolash olgan 40 nafar bola, ulardan 28 tasida o‘rtacha og‘ir shakl va 12 tasida og‘ir shakl kuzatilgan. II guruh — an‘anaviy davolashga qo‘shimcha ravishda sitoxrom C, immunomodulin olgan 45 nafar bola, ulardan 32 tasi o‘rtacha og‘ir va 13 tasi og‘ir.
- Ochiq kirishMaqola
ТАЛАБАЛАРДА ФУҚАРОЛИК КОМПЕТЕНЦИЯСИНИ РИВОЖЛАНТИРИШНИНГ ПЕДАГОГИК МОДЕЛИ
Jumaqulov Shuxrat Baxodirovich · Research Focus International Scientific Journal · 2024
Ушбу мақолада яхлитлик, тарбиянинг инсонпарвар йўналганлиги, ёш ва индивидуал хусусиятларни ҳисобга олиш, тарбиянинг ижтимоий ҳаёт билан уйғунлиги каби тамойилларни ўз ичига олган, тўртта таркибий асосдан иборат талабаларда фуқаролик компетенциясини ривожлантиришнинг педагогик модели ва уни амалиётга жорий этиш масалалари тадқиқ этилган.
- Ochiq kirishMaqola
ИСТОЧНИКИ И СПОСОБЫ ПОЛУЧЕНИЯ ЛЕЦИТИНА
Маткаримова Нигора Сагдуллаевна, Давронбекова Диана Джамиль кизи, Таджиева Шахноза Абдувалиевна · Research Focus International Scientific Journal · 2024
Maqolada lesitinning tarkibi, xususiyatlari va navlari, shuningdek, oziq-ovqat sanoatida uni ishlab chiqarishning turli usullari o‘rganiladi. Har xil turdagi o‘simlik xomashyosidan lesitin ishlab chiqarishning zamonaviy texnologiyalari tahlili o‘tkazildi. Ularning texnologik xossalarini qiyosiy baholash o‘tkazildi va qo‘llanish doirasi ko‘rib chiqildi. Natijada, uni ishlab chiqarish manbai lesitinning xususiyatlariga katta ta‘sir ko‘rsatadi, deb aytishimiz mumkin.
- Ochiq kirishMaqola
METHODOLOGY FOR MONITORING THE EFFECTIVENESS OF THROWING TECHNIQUES IN THE JUMP OF HANDBALL PLAYERS OF DIFFERENT QUALIFICATIONS
Azizov Sobitkhon Valiyevich · Research Focus International Scientific Journal · 2023
Ushbu maqolada gandbol usullarini bajarish vaqtida sportchilarning tezligi, harakatlar koordinatsiyasi, to‘p tezligi va sakrash balandligi haqidagi ma‘lumotlar bilan bir qatorda malakali gandbolchilarning sakrab tashlash texnikasi samaradorligini nazorat qilish metodikasi bayon etilgan.
- Ochiq kirishMaqola
РЕГЕНЕРАЦИЯ ПЕРЕЛОМОВ ТРУБЧАТЫХ КОСТЕЙ ПРИ САХАРНОМ ДИАБЕТЕ: ИССЛЕДОВАНИЕ И ПЕРСПЕКТИВЫ
Курбонов Хуршед Рахматуллоевич, Курбонов Рахматулло Абдуназарович · Research Focus International Scientific Journal · 2023
Ushbu sharh maqolasining maqsadi qandli diabet bilan og‘rigan bemorlarda naysimon suyaklar sinishining regeneratsiya jarayonini o‘rganishdan iborat. Maqolada qondagi glyukoza darajasi oshgan sharoitda suyak sinishining bitish xususiyatlari ko‘rib chiqiladi, shuningdek, regeneratsiyaga ta‘sir qiluvchi omillar tahlil qilinadi. Olingan ma‘lumotlar asosida maqolada qandli diabet bilan og‘rigan bemorlarda suyak sinishi regeneratsiyasini yaxshilash istiqbollari va mumkin bo‘lgan yondashuvlar ham taklif etiladi.
- Ochiq kirishMaqola
ВОЗМОЖНОСТИ ЭФФЕКТИВНОГО КОНТРОЛЯ АРТЕРИАЛЬНОЙ ГИПЕРТОНИИ У ЛИЦ С ИЗБЫТОЧНОЙ МАССОЙ ТЕЛА
Агабабян Ирина Рубеновна, Юсупова Зумрад Кадамбоевна · Research Focus International Scientific Journal · 2023
Arterial gipertoniyani davolashdagi ko‘plab tadqiqotlar va erishilgan yutuqlarga qaramay, u hanuzgacha dunyoda birinchi raqamli qotil bo‘lib qolmoqda, uning asoratlari esa nogironlikning ortishiga, mehnat qobiliyatining pasayishiga va bu bemorlar o‘limining yuqori bo‘lishiga olib kelgani uchun tibbiy hamda ijtimoiy-iqtisodiy muammolardan biri hisoblanadi. Ayniqsa nazorat qilib bo‘lmaydigan arterial gipertenziyani nazoratda ushlab turish va uning asoratlari, xususan surunkali yurak yetishmovchiligi rivojlanishining oldini olish bugungi kunda kardiologlar va birlamchi bo‘g‘in shifokorlarining dolzarb muammolaridan biridir
- Ochiq kirishMaqola
BIRIKTIRUVCHI TO‘QIMA DIFFERENSIALLASHMAGAN DISPLAZIYASI BO‘LGAN BEMORLARDA YURAK RITMI VARIABILLIGINING SPEKTRAL PARAMETRLARINING HOLATI
Shodikulova Gulandom Zikriyayevna, Gulomov Jaxongir Ibroximjon o‘g‘li, Voxidov Jaxongir Jamshedovich, Xasanov Oybek Gofir o‘g‘li · Research Focus International Scientific Journal · 2023
Klinik ko‘rinishlarning yoshi va og‘irligiga qarab yurak ritmining variabilligi (YRV) spektral parametrlarining holatini o‘rganish uchun 25-45 yoshdagi 100 nafar biriktiruvchi to‘qima differensiallashmagan displaziya(BTDD) bilan tekshirildi. Patologik jarayonning og‘irligi bal tizimiga ko‘ra fenotipik belgilarning zo‘ravganligi bilan baholandi. Displastik ko‘rinishlarning og‘irligi bo‘yicha bemorlar uchta kichik guruhga (engil, o‘rta, og‘ir) taqsimlandi. YRV spektral parametrlari maxsus dastur yordamida matematik kompyuter tahlili usuli bilan aniqlandi. TP, HF, LF, VLF indekslari LF/HF va iC tahlil qilindi. Taqqoslash shuni ko‘rsatdiki, barcha kichik guruhlardagi bemorlarda TP, LF, VLF va LF/HF parametrlarining o‘rtacha qiymatlari oshgan va 35-45 yoshdagi bemorlarda HF va iC ko‘proq pasaygan. YRV spektral parametrlarining olingan ma‘lumotlari shuni ko‘rsatadiki, bemorlarda BTDDning fenotipik namoyon bo‘lishining yoshi va og‘irligiga qarab, yurak ritmini tartibga solish geterogen bo‘lib, bemorlarda giper - va gipoaktiv adrenergik avtonom disfunktsiya kuzatiladi.
- Ochiq kirishMaqola
AYOLLAR MEHNAT MIGRATSIYASINING YO‘NALISHLARI VA RIVOJLANISH OMILLARI
Azamatova Gulmira Bayirbekovna · Research Focus International Scientific Journal · 2023
Maqolada mamlakatning ijtimoiy-iqtisodiy rivojlanishiga ta‘sir etadigan omillardan biri - mehnat migratsiyasi haqida so‘z boradi. Shuningdek, ayollar mehnat migratsiyasining zamonaviy yo‘nalishlari, rivojlanishiga ta‘sir etgan omillar tahlil etilgan.
- Ochiq kirishMaqola
THE ROLE OF DRONE TECHNOLOGY IN AGRICULTURE
Rana Hani A.Rahman Azzam, Jaloliddin Yigitaliev · Research Focus International Scientific Journal · 2023
Dron texnologiyasi fermerlarga o‘z ekinlarini yanada samarali va natijali boshqarishga yordam berish uchun qishloq xo‘jaligida tobora ko‘proq qo‘llanilmoqda. Kamera va boshqa datchiklar bilan jihozlangan dronlar fermerlarga ekinlarning sog‘lomligi, tuproq namligi hamda ekin o‘sishi va hosildorligiga ta‘sir qiluvchi boshqa omillar haqida real vaqt rejimida ma‘lumot bera oladi. Qishloq xo‘jaligida dron texnologiyasining asosiy afzalliklaridan biri katta hajmdagi ma‘lumotlarni tez va oson to‘plash qobiliyati bo‘lib, bu fermerlarga ekinlarini qanday boshqarish haqida yanada asosli qarorlar qabul qilish imkonini beradi. Masalan, dronlardan ekin dalalarining batafsil xaritalarini yaratishda, ko‘proq yoki kamroq suv, o‘g‘it yoki pestitsid talab qiladigan hududlarni aniqlashda foydalanish mumkin. Dronlardan, shuningdek, ekinlarni kasallik yoki zararkunandalar bilan zararlanish belgilari bo‘yicha kuzatishda foydalanish mumkin, bu esa fermerlarga muammo keng tarqalguncha chora ko‘rish imkonini beradi. Bu ekin nobudgarchiligini kamaytirish va hosildorlikni oshirishga yordam beradi. Qishloq xo‘jaligida dron texnologiyasining yana bir afzalligi hatto murakkab relyef yoki ob-havo sharoitlarida ham katta yer maydonlarini tez va oson qamrab olish qobiliyatidir. Bu fermerlarning vaqti va mehnat xarajatlarini tejashi, shuningdek, og‘ir texnika va boshqa resurslarga bo‘lgan ehtiyojni kamaytirishi mumkin.
- Ochiq kirishMaqola
SOCIO-PHILOSOPHICAL ASPECTS OF THE ORIENTATION OF YOUNG PEOPLE TO ENTREPRENEURIAL ACTIVITY
Ganiev Bakhodirjon Sadigjonovich, Karimov Ulmasbek Umaralievich · Research Focus International Scientific Journal · 2023
Maqolada O‘zbekistonda yoshlarni tadbirkorlik faoliyatiga yo‘naltirishda milliy va umuminsoniy qadriyatlarning ahamiyati va yoshlarda tadbirkorlik madaniyatini oshirishning ahamiyati ilmiy-nazariy jihatdan tahlil qilingan. Yoshlarda tadbirkorlik madaniyati va ko‘nikmalarni shakllantirish hamda iqtisodiy ahvolini oshirishga ko‘maklashuvchi omil sifatida ko‘rildi. Mazkur qarash yoshlarda kasbiy ko‘nikma va madaniyatni shakllantirib, o‘z navbatida o‘z-o‘zini ijtimoiy-iqtisodiy jihatdan bog‘liq bo‘lgan milliy fenomen sifatida namoyon bo‘lishi izohlandi.