Ochiq kirishMaqola
Alimkulova Komila Zokirovna, Pulatova Dildora Kahramonovna, Ikramova Mashkura Shukhratovna, Urmanova Flyura Faridovna, Todjiyev Jamoliddin Nasiriddinovich · Research Focus International Scientific Journal · 2025
So‘nggi yillarda immunokorrektiv terapiya muammosiga mutaxassislarning qiziqishi sezilarli darajada ortdi. Buning asosiy sabablari immunodefitsit holatlarining keskin ko‘payishi hamda ko‘pgina patologik jarayonlarning rivojlanishi immun tizimi funksiyalarining buzilishi bilan chambarchas bog‘liq ekanligining anglanishidir. O‘simlik kelib chiqishli immunotrop preparatlar organizmga yumshoq ta‘sir ko‘rsatib, immunitetni tiklaydi, zaxira himoya mexanizmlarini safarbar etadi va tarkibidagi turli biologik faol moddalar hisobiga terapiya samaradorligini oshiradi. Turli immunodefitsit holatlarini davolashda gumoral va hujayraviy immun javoblarni, shuningdek, organizmning nospesifik rezistentlik omillarini faollashtiruvchi o‘simlik immunomodulyatorlaridan foydalanish davolash samaradorligini sezilarli darajada oshirish imkonini beradi. Shu omillarni hisobga olgan holda, mualliflar ko‘p komponentli o‘simlik kompozitsiyasidan quruq ekstrakt tayyorlab, uning asosida immunomodulyator xususiyatga ega “Flucam” malhamini yaratdilar. Ushbu malham deyarli toksik bo‘lmaganligi va organizmga nojo‘ya ta‘sir ko‘rsatmasligi bilan ajralib turadi hamda o‘zining yaqqol ifodalangan immunomodulyator ta‘siri bo‘yicha mavjud xorijiy analoglardan ustunlik qiladi. Mazkur malhamni tibbiy amaliyotga joriy etish maqsadida uning standartlashtirish bo‘yicha tadqiqotlar olib borildi. Malhamning haqiqiyligi va sifat ko‘rsatkichlari aniqlanib, asosiy faol moddalar — glitsirrizin kislotasi va tanninlarni sifat va miqdoriy aniqlashning metodik yondashuvlari ishlab chiqildi. Shu bilan birga, muhim o‘rin “skvoznoy standartlashtirish” tamoyiliga berildi, ya‘ni boshlang‘ich o‘simlik kompozitsiyasi, quruq ekstrakt va undan tayyorlangan malham sifatini bir xil biologik faol birikmalar miqdori asosida baholashdan iboratdir. Bu esa, o‘z navbatida, yakuniy mahsulotning sifatini va tarkibining barqarorligini yetarli darajada kafolatlash imkonini beradi.