Sharibayev Nasir Yusupjanovich, Makhmudov Bekzod Mirzaakhmad ugli · Research Focus International Scientific Journal · 2025
Ushbu maqolada quyosh konsentratorlaridan issiqlik olish usullari keng qamrovli tahlil qilinadi. Maqola parabolik botiq ko‘zguli konsentratorlar, parabolik Stirling konsentratorlari, parabolik suv isitgich, parabolik trubkali konsentratorlar va Fresnel linzali konsentratorlar kabi turli texnologik yechimlar asosida issiqlik energiyasini qanday to‘plash va uni samarali ishlatish usullarini yoritadi. Tadqiqotda eksperimental natijalar va matematik modellar yordamida konsentratorlarning samaradorligi, issiqlik yo‘qotishlari, energiya tejash va atrof-muhitga ta‘siri ko‘rib chiqilgan. Ushbu maqola innovatsion texnologiyalar va yangi yondashuvlar orqali quritish va sanoat issiqlik tizimlarida quyosh energiyasidan samarali foydalanish imkoniyatlarini taqdim etadi.
Matkarimov Paxridin Jo‘rayevich, Usmonxo‘jayev Sanjar Ibroxim o‘g‘li, Tadjiboyev Erkin Salaxidinovich · Research Focus International Scientific Journal · 2025
Maqolada Lagranj-Dalember variatsion tamoyiliga asoslanib, murakkab geometrik parametrlarga ega bo‘lgan Jidalisoy gruntli to‘g‘onlarining xususiy og‘irligi va suvning gidrostatik bosimi ta‘siridagi kuchlanish-deformatsiya holati (KDH)ni baholash bo‘yicha masalalarni hal qilishning fazoviy hisoblash sxemasi, matematik modeli, hisoblash usuli hamda algoritmi keltirilgan. Abaqus universal dasturidan foydalanib, inshootning konstruktiv xususiyatlarini hisobga olgan holda, gruntli to‘g‘onning fazoviy kuchlanish-deformatsiya holatini o‘rganish uchun raqamli hisob ishlari bajarilib, natijalari taqdim etilgan. Olingan natijalar asosida murakkab geometrik parametrlarga ega bo‘lgan Jidalisoy gruntli to‘g‘onining statik yuklamalar ta‘siridagi KDHni o‘rganish - faqat inshootning fazoviy modellari yordamida hisob ishlarini amalga oshirish kerakligi ko‘rsatib berilgan.
Axmadjonov Usmonjon Zokirjon o‘g‘li, Bebitov Shodmon Oxunjonovich, Sodiqov Farrux Furqat o‘g‘li · Research Focus International Scientific Journal · 2025
Ushbu maqolada namunaviy xonadonlarni isitish va issiq suv bilan ta‘milash uchun zamonaviy qurilmalardan biri bo‘lgan isssiqlik nasoslari va ularning samoradorligi yoritib berilgan. Namunaviy xonadonlar uchun isssiqlik nasoslarini qaysi turini tanlash va hisoblash formulalari keltirib o‘tilgan
Mahmoud Rashidov · Research Focus International Scientific Journal · 2025
Bugungi kunda mustaqillik davri teatr san‘atida yangi ijtimoiy-madaniy jarayonlar namoyon bo‘lmoqda. Soha rivoji yuzasidan yetarlicha amaliy ishlar amalga oshirilmoqda. Ushbu maqolada teatr san‘atining yangi davridagi transformatsion jarayonlar haqida fikr yuritiladi.
Mahmud Rashidov · Research Focus International Scientific Journal · 2025
Bugungi kunda respublikamizda barcha sohalar qatori, madaniyat va san‘at sohasi ham jadal rivojlanmoqda. Ayniqsa teatr san‘atiga davlat siyosati darajasida e‘tibor berilishi soha rivojiga katta ta‘sir qildi. Ushbu maqolada O‘zbekistonda teatr san‘atining rivojlanish jarayonlari va tendensiyalari haqida tahliliy fikrlar berilgan.
To‘lqinov Shozanin Johongir o‘g‘li, Sodiqov Anvar Ixtiyor o‘g‘li, Tashanov Odilboy Safar o‘g‘li · Research Focus International Scientific Journal · 2025
Tadqiqot natijalariga ko‘ra quyidagi xulosalar chiqarish mumkin: Radiofarmatsevtik preparatning yaroqlilik muddati-bu radiofarmatsevtik preparat xususiy farmakopeya moddasi va (yoki) sifat to‘g‘risidagi me‘yoriy hujjat va (yoki) spetsifikatsiyaning talablariga javob berishi kerak bo‘lgan davr. Ishlab chiqarilgan radiofarmatsevtik dorilarni markalash dori vositalari tegishli me‘yoriy hujjatlar talablariga javob berishi kerak Ittifoq aktlari va radiofarmatsevtik dorilar, tibbiy tashkilotlarda ishlab chiqarilgan-talablar ittifoqqa a‘zo davlatlarning qonun hujjatlari.
Tojiboyeva Shaxzoda Anvarjon qizi, Ibodollayev Hikmatullo Ziyodullo o‘g‘li, Tashanov Odilboy Safar o‘g‘li · Research Focus International Scientific Journal · 2025
Tibbiyotda farmatsevtika vositalarining pedagogik tahlili bemorlarning salomatligi va hayot sifatini yaxshilash uchun dori vositalaridan samarali va xavfsiz foydalana oladigan malakali mutaxassislarni tayyorlashda asosiy o‘rin tutadi. Dori vositalarining kimyoviy, farmakologik va klinik jihatlarini mukammal tushunish asosida bo‘lajak shifokorlar tibbiy muammolarni samarali hal qila oladilar va zamonaviy tibbiyot amaliyoti qiyinchiliklariga dosh bera oladilar.
Nasriddinov Sanjarbek Nasriddin o‘g‘li, Suyunov Jasurbek Turg‘un o‘g‘li, Tashanov Odilboy Safar o‘g‘li · Research Focus International Scientific Journal · 2025
Mazkur maqolada radiofarmatsevtik preparatlar (RFP)ning tibbiyotda qo‘llanilishi ko‘rib chiqiladi. RFPlar radioaktiv moddalar bo‘lib, turli kasalliklarni diagnostika qilish va davolash uchun ishlatiladi. Ishda radiofarmatsevtika sohasining tarixiy rivojlanishi, nazariy asoslari, ishlab chiqarish va sifat nazorati usullari tahlil qilinadi. Diagnostika sohasida RFPlar, jumladan, pozitron-emission tomografiya (PET) va yagona foton-emission kompyuter tomografiya (SPECT) kabi usullar ko‘rib chiqiladi. Shuningdek, RFPlarning radioterapiyada, masalan, saraton kasalligini davolashdagi qo‘llanilishi o‘rganiladi. Yakunda radiofarmatsevtika sohasidagi hozirgi muammolar va rivojlanish istiqbollari tahlil qilinadi, innovatsiyalar va xavfsizlik standartlariga rioya qilishning ahamiyati ta‘kidlanadi. Ish zamonaviy tibbiyotda RFPlarning ahamiyatini va kasalliklarni aniqlash va davolashdagi potensial hissa qo‘shishini namoyish etishga qaratilgan.
Mamayakubova Mohina Otabek qizi, Xurramova Munisa Marat qizi, Tashanov Odilboy Safar o‘g‘li · Research Focus International Scientific Journal · 2025
Tibbiyot ta‘limida farmatsevtika jihozlarini o‘qitish zamonaviy sog‘liqni saqlash tizimi uchun muhim ahamiyatga ega. Ushbu maqolada farmatsevtika jihozlarining o‘qitish jarayonidagi o‘rni, mavjud muammolar va ularni hal etish yo‘llari tahlil qilinadi. O‘quv jarayonini innovatsion usullar bilan boyitish zarurati muhokama qilinadi.
Mamayakubova Mohina Otabek qizi, Xurramova Munisa Marat qizi, Tashanov Odilboy Safar o‘g‘li · Research Focus International Scientific Journal · 2025
Tibbiyot ta‘limida farmatsevtika jihozlarini o‘qitish zamonaviy sog‘liqni saqlash tizimi uchun muhim ahamiyatga ega. Ushbu maqolada farmatsevtika jihozlarining o‘qitish jarayonidagi o‘rni, mavjud muammolar va ularni hal etish yo‘llari tahlil qilinadi. O‘quv jarayonini innovatsion usullar bilan boyitish zarurati muhokama qilinadi.
Юнусов О.Т. · Research Focus International Scientific Journal · 2025
Chuqur kuyish yaralarini davolash jarayonida nekrotik to‘qima qatlamini iqtisodiy jihatdan samarali usulda olib tashlash, infeksiyalanishning oldini olish, suyuqlik va plazmaning hayotiy muhim elementlari yo‘qotilishini kamaytirish, intoksikatsiyani kamaytirish, sog‘liq va mehnat faolligini tez tiklash muhim ahamiyatga ega. Adabiyotlarda nekrotomiyani bajarish vaqti va usullari, shuningdek tana yuzasining kuyish nekrozi zonasida teri va yumshoq to‘qimalarni tiklash usullari yuzasidan bahslar davom etmoqda.
Юнусов О.Т. · Research Focus International Scientific Journal · 2025
Ish 2023-2024 yillarda Respublika shoshilinch tibbiy yordam ilmiy markazi Samarqand filialining kombustiologiya bo‘limida davolangan 17 yoshdan 75 yoshgacha bo‘lgan termik jarohatli 105 nafar jabrlanuvchini davolash natijalari tahliliga asoslangan. Kuygan bemorlarda mahalliy qon to‘xtatuvchi vosita Ksemobenni qo‘llash hisobiga erta nekrektomiya va autodermoplastika natijalarini yaxshilash bemorlarni statsionardan ertaroq chiqarish va ularning kundalik hayotga qaytishiga imkon beradi.
Юнусов О.Т. · Research Focus International Scientific Journal · 2025
Biz tomonimizdan termik shikastlanishlarda tsellyuloza hosilalari asosidagi polikompozitsion polimerni qo‘llash metodikasi ishlab chiqildi. Og‘ir termik jarohatlarda gemostazni tegishli korreksiya qilishni talab etuvchi DVS-sindrom rivojlanadi. Bunday sharoitda nekrektomiya va autodermoplastika vaqtida Xemobenni qo‘llash terapiya samaradorligini sezilarli darajada oshirdi, jabrlanganlarning statsionarda bo‘lish muddatini qisqartirdi va o‘lim ko‘rsatkichini kamaytirdi. Preparatning ijobiy ta‘sir mexanizmi uning koagulyatsion gemostazning tashqi va ichki yo‘llariga ta‘siri hamda transplantatning tez va to‘liq bitishini ta‘minlovchi adgeziv qobiliyati bilan bog‘liq.
Юнусов О.Т. · Research Focus International Scientific Journal · 2025
Biz tomonimizdan termik shikastlanishlarda tsellyuloza hosilalari asosidagi polikompozitsion polimerni qo‘llash metodikasi ishlab chiqildi. Biz Xemobenni 3-darajali kuyish bilan og‘rigan bemorlarda nekrektomiya va teri parchasi alloplastikasi paytida qon ketishini to‘xtatish uchun qo‘lladik. Og‘ir termik jarohatlarda gemostazni tegishli korreksiya qilishni talab etuvchi DVS-sindrom rivojlanadi. Bunday sharoitda nekrektomiya va autodermoplastika vaqtida Xemobenni qo‘llash terapiya samaradorligini sezilarli darajada oshirdi, jabrlanganlarning statsionarda bo‘lish muddatini qisqartirdi va o‘lim ko‘rsatkichini kamaytirdi. Preparatning ijobiy ta‘sir mexanizmi uning koagulyatsion gemostazning tashqi va ichki yo‘llariga ta‘siri hamda transplantatning tez va to‘liq bitishini ta‘minlovchi adgeziv qobiliyati bilan bog‘liq.
Юнусова Гузал Файзуллаевна · Research Focus International Scientific Journal · 2025
Laparoskopik xoletsistektomiya 1-guruhning yengil kechuvchi (Grade I) 25 (65,8%) nafar bemorida va o‘rtacha og‘ir kechuvchi (Grade II) 13 (17,3%) nafar bemorida bajarildi. Barcha holatlarda o‘t pufagi kattalashgan, tarang va ko‘pincha katta charvi yoki atrofdagi a‘zolar bilan bitishgan edi. 31,6% holatda o‘t pufagini punksiya qilib, 30 dan 50 ml gacha o‘t suyuqligini evakuatsiya qilish talab etildi. Operatsiya davomida o‘tkir obstruktiv xoletsistit belgilari bemorlarning 47,4% ida, o‘t pufagi flegmonasi va uning destruksiyasi belgilari esa 21% bemorda aniqlandi. 36 nafar bemorda an‘anaviy xoletsistektomiya, 2 nafar bemorda esa Vishnevskiy bo‘yicha xoledoxni drenajlash bilan laparoskopik xoletsistektomiya bajarildi.
Юнусова Гузал Файзуллаевна · Research Focus International Scientific Journal · 2025
Maqolada 2017-2024 yillarda SamDTU 1-son klinikasining proktologiya bo‘limida operatsiya qilingan 367 nafar bemorni davolash natijalari ko‘rib chiqilgan, ular orasida kasallikning nekrotik shakllari bilan og‘rigan bemorlar 26 (7,1%) nafarni tashkil etdi. Ular orasida 341 (92,9%) nafarida to‘g‘ri ichak atrofi kletchatkasi zararlanishining aerob etiologiyasi qayd etilgan. Bemorlarning o‘rtacha yoshi 62,1±3,9 yilni tashkil etdi.
Юнусова Гузал Файзуллаевна · Research Focus International Scientific Journal · 2025
SamDTU ko‘p tarmoqli klinikasida past joylashgan rektovaginal oqmalarni to‘laqonli shilliq-mushak parchasini tushirish yordamida davolash usuli qo‘llanildi. Rektovaginal oqma tashxisi bilan 30 yoshdan 54 yoshgacha bo‘lgan (o‘rtacha yosh 38,8±7,9 yil) 7 nafar bemor ayol operatsiya qilindi. Oqma o‘lchamlari diametrda 0,8-1,1 sm gacha edi. Tekshirilgan bemorlar guruhida asoratlar va qaytalanishlar kuzatilmadi.
Эшдавлатов И.Э., Бойманов Ф.Х., Холбоев Ф.А. · Research Focus International Scientific Journal · 2025
Maqolada ginekologik jarrohlik aralashuvlarida bitishma kasalligini tashxislash va profilaktika qilishning zamonaviy yondashuvlari ko‘rib chiqilgan. Mualliflar tomonidan ayollarda bitishmalar hosil bo‘lish xavfini bashorat qilish algoritmi ishlab chiqilgan bo‘lib, u takroriy jarrohlik aralashuvlari ehtimolini sezilarli darajada kamaytirish va fertillikni tiklash imkonini beradi. Bitishmalar shakllanishining patogenetik mexanizmlari, jumladan epitelial-mezenximal o‘tish, surunkali yallig‘lanish va bemorning individual omillari ta‘siri ko‘rib chiqilgan. O‘tkazilgan tahlil taklif etilgan erta tashxis usuli hamda profilaktik tadbirlarning bemorlar hayot sifatini yaxshilash va davolash xarajatlarini kamaytirishdagi samaradorligini ko‘rsatadi.
Хайдарова Л.О. · Research Focus International Scientific Journal · 2025
Tibbiyot fani rivojlanayotganiga qaramay, jarrohlik infeksiyasi muammosi dolzarb bo‘lib qolmoqda, chunki qandli diabetda jarrohlik infeksiyasi bilan kechadigan asorat jarrohlik profilidagi barcha bemorlarning 30-40% igacha qismini tashkil etadi. Sepsis sabablari orasida 44% holatda qandli diabetdagi yumshoq to‘qimalarning yallig‘lanishli, yiringli-nekrotik asoratlari ustunlik qildi. Bizning kuzatuvimizda nekrotik fassiit bilan asoratlangan qandli diabet va diabetik oyoq bilan og‘rigan 64 nafar bemor statsionar davolanishda bo‘ldi. Yumshoq to‘qimalarning yiringli-nekrotik asoratlari va diabetik oyoqni o‘z vaqtida tashxislash ushbu patologiyani davolashdagi muvaffaqiyat garovi hisoblanadi. Makro- va mikrotomirlar zararlanishining ifodalanish darajasini aniqlashtirish uchun barcha bemorlar ultratovush, rentgenologik (oyoq-qo‘llar rentgenografiyasi, ko‘krak qafasi rentgenoskopiyasi) va dopplerografik tekshiruvdan o‘tkazildi. Zarurat bo‘lganda KT va MSKT bajarildi. Bemorlarimizning barchasi o‘z vaqtida operativ davolandi, ya‘ni dumba, son va boldirdagi flegmona hamda abssesslar keng kesmalar bilan ochilib, nekrotik to‘qimalar olib tashlandi. Ayrim hollarda bemorlar ahvolining og‘irligi sababli to‘liq nekrektomiya bajarish imkoni bo‘lmaydi.