Natijalarni aniqlashtiring, tahlil qiling yoki eksport qiling.
Barcha 12 ta yozuv yuklanadi.
Qidiruvni saqlash va yangi yozuvlar haqida xabar olish uchun hisobingizga kiring. Kirish
Q. G‘oziyev, N. Sharifjonova · Research Focus International Scientific Journal · 2026
Maqolada to‘rtinchi tartibli murakkab turdagi tenglamalar uchun chegaraviy masala qaralgan bo‘lib, masalaning yechimining yagonaligi integral energiya usulida, yechimning mavjudligini isbotlashda integral tenglamalari nazariyasidan foydalanilgan.
S. Utamuradova, B. Xaydarov · Research Focus International Scientific Journal · 2026
Yarimo‘tkazgich elektrodlarga ega gaz razryadli yacheykalarda fizik jarayonlar nazariy va eksperimental jihatdan tadqiq qilindi. Plazmali kontaktlarning gaz razryadi stabilligini oshirishi aniqlandi. Qo‘shimcha dempferlovchi kaskadli fotografik ionizatsion kamera 0,38–11 mkm va undan yuqori infraqizil diapazonda obyektlarni qayd etish imkonini berdi. Eksperimental natijalar nazariy hisoblar bilan mos keldi.
M.Sh. Isaev · Research Focus International Scientific Journal · 2026
Molekulyar yod bilan legirlangan polimetilmetakrilatda (PMMA) tok o‘tish mexanizmlari tadqiq qilindi. Volt-amper xarakteristikalari tahlili kuchlanish ortishi bilan o‘tkazuvchanlik rejimlarining ketma-ket almashinishini aniqladi: omik rejim, fazoviy zaryad bilan cheklangan tok rejimi (SCLC) va tutqichlar bilan cheklangan tok rejimi (TCLC). Ushbu rejimlar polimer matritsada poliyodid komplekslarining hosil bo‘lishi bilan bog‘liq ekanligi aniqlandi; bu komplekslar HOMO va LUMO sathlari orasidagi taqiqlangan zonada turli chuqurlikdagi tutqich holatlarini vujudga keltiradi. Olingan natijalar yod bilan legirlangan PMMA dagi zaryad tashish mexanizmlarining kristall kremniydagi klassik zonaviy tashishdan tubdan farq qilishini ko‘rsatadi.
Sh.B. Utamuradova, Sh.Kh. Daliev, J.J. Khamdamov, Y.Z. Mardiyev · Research Focus International Scientific Journal · 2025
Ushbu tadqiqotda yuqori haroratli (1573 K, 5 soat) termik diffuziya yo‘li bilan volfram (W) kiritilishining p-tipli monokristall kremniy (p-Si) namunalarining tarkibiy va strukturaviy xossalariga ta‘siri o‘rganildi. Namunalarning xossalari Raman sochilish spektroskopiyasi yordamida tahlil qilindi. Raman spektroskopiyasi tahlili p-Si namunasida kremniyning asosiy LO cho‘qqisi intensivligining kamayishini, shuningdek ~244 sm⁻¹ va ~429 sm⁻¹ chastotalarda yangi, o‘tkir cho‘qqilarning paydo bo‘lishini tasdiqladi. Bu o‘zgarishlar kremniy yuzasida yangi barqaror faza – volfram silitsidi (WSi2) hosil bo‘lganidan dalolat beradi. Bundan tashqari, 2TA cho‘qqisi markazining yuqoriroq chastotaga (~319 sm⁻¹) siljishi panjarada kuchli siquvchi mexanik kuchlanishlar yuzaga kelganini ko‘rsatdi.
Sharifa B, Utamuradova, Jonibek J. Khamdamov, Bekzod Sh. Alikulov, Khojakbar S. Daliyev · Research Focus International Scientific Journal · 2025
Kremniy asosidagi yarimo‘tkazgich materiallar zamonaviy mikroelektronika va optoelektronikaning muhim tarkibiy qismi hisoblanadi. Xususan, kristall panjaraga erbiy (Er) kiritilganda kremniy tuzilishida bir qator muhim strukturaviy o‘zgarishlar sodir bo‘ladi. Kremniyda bunday o‘zgarishlar infraqizil (FTIR) spektroskopiya yordamida ayniqsa yaxshi aniqlanadi, chunki bu usul Si–O–Si, Er–O, Si–C kabi bog‘lanishlarning tebranish modalarini aniq qayd etish imkonini beradi. Tuzilishda yangi fazalarning hosil bo‘lishi, oksidlanish darajasi va optik faol kislorod konsentratsiyasi FTIR yordamida olingan cho‘qqilarning joylashuvi, intensivligi va kengligi bo‘yicha baholanadi. Eng muhim o‘zgarishlar Si–O–Si assimetrik valent tebranishi (νₐs) chizig‘i atrofida qayd etildi. Erbiy atomlari kiritilgan namunada bu cho‘qqi 1099 sm⁻¹ da aniqlangan bo‘lsa, dastlabki namunada u 1109 sm⁻¹ ga siljigan, intensivligi ham kamaygan va chiziq kengaygan. Bu o‘zgarishlar termik ishlov berish jarayonida kislorodga boyigan, biroq kuchli tartibsizlangan amorf SiOₓ qatlamining hosil bo‘lishi bilan izohlanadi. Natijada Si–O–Si bog‘lanishlaridagi burchak kengayadi, bog‘lanish uzunligi biroz ortadi, bu esa bog‘lanish elastikligining kamayishi bilan birga tebranish chastotasining pasayishiga olib keladi. Cho‘qqining kengayishi tuzilishdagi burchak va bog‘lanish uzunligi taqsimotining ortishidan dalolat beradi.
Bakhodirjon Toshtemirov · Research Focus International Scientific Journal · 2025
Ushbu maqolada bi-tartibli Hilfer kasr tartibli hosilasini o‘z ichiga olgan, fazo bo‘yicha degeneratsiyalangan kasr tartibli Lanjeven tipidagi xususiy hosilali differensial tenglama uchun vaqtga bog‘liq teskari manba masalasini o‘rganish qiziqish uyg‘otadi. Yechimning mavjudligi va yagonaligi uchun berilgan ma‘lumotlarga nisbatan yetarli shartlar o‘rnatildi. Mavjudlik natijasini ko‘rsatish usuli qatorning tekis yaqinlashishiga asoslangan.
Рахмонкулов М.Х., Алимов Н.Э. Омонов Б.У · Research Focus International Scientific Journal · 2025
Ishda qo‘rg‘oshin xalkogenidlarining polikristall pardalari kislorod bilan o‘zaro ta‘sirining xususiyatlari ko‘rib chiqiladi. 600 K gacha bo‘lgan haroratlarda kislorod pardalar sirtida adsorbsiyalanib, o‘tkazuvchanlik turining inversiyasiga olib keluvchi akseptor turidagi sirt elektron holatlarini hosil qilishi ko‘rsatilgan. Polikristall tuzilmalarda kislorodning kristallitlar chegarasi bo‘ylab diffuziyasi zaryad tashilishini cheklovchi kristallitlararo potensial to‘siqlar hosil bo‘lishiga yordam beradi. Kislorod ta‘sirida fizik xossalarning o‘zgarishi, jumladan oksid fazalari va akseptor sathlarining hosil bo‘lishi, shuningdek termik ishlov berishning ta‘siri ko‘rib chiqilgan. Taqiqlangan zona kengligi, tashuvchilarning yashash vaqti va rekombinatsiya mexanizmi bo‘yicha eksperimental ma‘lumotlar keltirilgan. Kislorod pardalar xarakteristikalariga ham ijobiy, ham salbiy ta‘sir ko‘rsatishi aniqlangan, bu esa qo‘rg‘oshin xalkogenidlarini sensorlar va termoelektrik qurilmalarda qo‘llash uchun muhimdir.
Rasulov Shohruh Mo‘sinjon o‘g‘li, Axmedov Baxodir Baxramovich · Research Focus International Scientific Journal · 2025
Ushbu maqolada zamonaviy sun‘iy intellekt modellari-ChatGPT, Gemini va DeepSeekning fizikadan masalalarni yechishdagi samaradorligi qiyosiy tahlil qilinadi. Tadqiqotda O‘zbekiston oliy ta‘lim dasturlariga mos 130 ta fizik masala (100 ta mexanika, 30 ta molekulyar fizika) tanlab olinib, har bir modelga yechdirildi. Natijalar shuni ko‘rsatdiki, ChatGPT va DeepSeek modellarining muvaffaqiyat darajasi mexanika bo‘limida 92% ni tashkil qilgan bo‘lsa, Gemini modelining na-tijasi 85% bo‘lgan. Molekulyar fizika bo‘limida esa DeepSeek nisbatan yuqori ko‘rsatkich qayd etdi. Maqolada modellar tomonidan yo‘l qo‘yilgan xatoliklar tahlil qilinib, ularning sabablari yoritildi. Tadqiqot natijalari sun‘iy intellektdan fizika ta‘limida foydalanish imkoniyatlarini aniqlab, pedagoglar uchun amaliy tavsiyalar ishlab chiqish uchun muhim asos bo‘lib xizmat qiladi.
M.N. Mamatkulov, F.F. Isayev, I.T. Bozarov · Research Focus International Scientific Journal · 2024
Usbu maqolada tabiiy fanlarni o‘rganishda elektron sxemalarni kompyuterli loyihalashtirish va sxemotexnik modellash dasturlari xususiyatlari va afzalliklari keltirilgan.
Saidimov Ya.A., Rumi R.F., Umarov F.B. · Research Focus International Scientific Journal · 2024
Diffuziya usuli yordamida 1250 daraja Selsiy haroratda 50 soat davomida tuliy bilan legirlangan kremniyning monokristall namunalari tayyorlandi. Yuqori haroratli tavlashdan keyin namunalar p-tipli o‘tkazuvchanlikka ega ekanligi aniqlandi. Ushbu jarayondan so‘ng namunalar o‘tkazuvchanlik turini p-tipdan n-tipga o‘zgartirdi.
Kh.N. Bozorov · Research Focus International Scientific Journal · 2023
Havoda (y-x)K2CO3-xLi2CO3-ySb2O3-2(2-y)WO3 murakkab oksidlar aralashmasini qizdirish jarayonida kaliy va litiy antimonat-volframatlarining hosil bo‘lish qonuniyatlari o‘rganildi. 1123 K harorat uchun KSbO3-WO3-LiSbO3 konsentratsion uchburchagida piroxlor tipidagi tuzilishga ega fazalarni saqlovchi LixKy-xSbyW2-yO6 hosil bo‘lish zonasi aniqlandi.
B.B.Umarova · Research Focus International Scientific Journal · 2023
Kletkali avtomatlarning afzalliklari matnni aniqlash tizimida foydali bo‘lishi mumkin. Qoidalarning soddaligi va bir xilligi bir nechta mantiqiy yoki matematik elementlarga asoslangan murakkab tizimlarni yaratish va kamroq hisoblash resurslari va xotira bilan natijalarga erishish imkonini beradi.Tadqiqot jarayonida ishlab chiqilgan g‘oyalar va algoritmlarni amalga oshirish uchun model va uning asosida dastur yaratish kerak bo‘ladi.