Asosiy mazmunga o‘tish
ReLibrary
UZ
Kirish
Konferensiya maqolasiOchiq kirish

Tovuq ektoparazitlariga qarshi kimyoprofilaktik tadbirlar

Rayimqulov Iskandar Xaydarovich1, Yunusov Xudaynazar Beknazarovich, Davlatov Ravshan Berdiyevich22026

  1. 1Samarqand davlat veterinariya meditsinasi, chorvachilik va biotexnologiyalar universiteti https://ror.org/03gc29549
  2. 2Veterinariya va chorvachilik sohasida pedagog hamda mutaxassis kadrlarni qayta tayyorlash va ularning malakasini oshirish instituti

KonferensiyalarParazitar kasalliklar diagnostikasida molekulyar genetik usullarni qo‘llash, davolash va profilaktikasining zamonaviy jihatlariJild 1Son 5Sahifa 184–190

Annotatsiya

Maqolada tovuqlarda uchraydigan ektoparazitlarga qarshi kimyoprofilaktik tadbirlarning samaradorligi va mavsumiy qo‘llash xususiyatlari tahlil qilindi. Tadqiqotlarda ektoparazitlarga qarshi Suminak, Amitraz va Bars preparatlaridan foydalanildi. Kuzatuvlar natijasida preparatlarning samaradorligi yil fasllariga qarab farq qilishi aniqlandi. Yozgi davrda Suminak preparati, qishki davrda esa Amitraz preparati qo‘llanilganda ektoparazitlar sonining kamayishi va profilaktik samaradorlikning yuqoriligi kuzatildi. Kimyoviy preparatlarni qo‘llashda ektoparazitlarning biologik xususiyatlari, ularning parrandaxona muhitida saqlanishi, harorat va namlik omillari hamda preparatlarga chidamlilikning rivojlanish ehtimolini hisobga olish zarur. Tadqiqot natijalari tovuq ektoparazitlariga qarshi mavsumga moslashtirilgan kimyoprofilaktik tadbirlarni ishlab chiqish imkonini beradi.

Boshqa tillarda

ruschaХимиопрофилактические мероприятия против эктопаразитов кур

В статье проанализированы эффективность химиопрофилактических мероприятий против эктопаразитов, встречающихся у кур, и особенности их сезонного применения. Для борьбы с эктопаразитами в исследованиях применяли препараты Суминак, Амитраз и Барс. В результате наблюдений установлено, что эффективность препаратов различается в зависимости от времени года. В летний период при использовании препарата Суминак, а в зимний период — препарата Амитраз отмечены снижение численности эктопаразитов и высокая профилактическая эффективность. При применении химических препаратов необходимо учитывать биологические особенности эктопаразитов, их выживаемость в условиях птичника, факторы температуры и влажности, а также вероятность развития резистентности к препаратам. Результаты исследования позволяют разработать адаптированные к сезону химиопрофилактические мероприятия против эктопаразитов кур.

inglizchaChemoprophylactic measures against chicken ectoparasites

The article analyzes the efficacy of chemoprophylactic measures against ectoparasites occurring in chickens and the features of their seasonal application. In the studies, Suminak, Amitraz and Bars preparations were used against ectoparasites. The observations revealed that the efficacy of the preparations varied depending on the season of the year. A decrease in the number of ectoparasites and high prophylactic efficacy were observed when Suminak was used in the summer period and Amitraz in the winter period. When chemical preparations are applied, it is necessary to take into account the biological characteristics of ectoparasites, their persistence in the poultry house environment, temperature and humidity factors, and the likelihood that resistance to the preparations will develop. The results of the study make it possible to develop seasonally adapted chemoprophylactic measures against chicken ectoparasites.

Kalit so‘zlar

  • tovuq
  • ektoparazit
  • kimyoprofilaktika
  • Suminak
  • Amitraz
  • Bars
  • Dermanyssus gallinae
  • Argas persicus
  • patxo‘rlar
  • akaritsid
  • mavsumiy dinamika

To‘liq matn

Litsenziya: CC BY 4.0litsenziya matni

Matn PDF’dan ajratilgan va qayta formatlangan; asl nusxadan farq qilishi mumkin.

“PARAZITAR KASALLIKLAR DIAGNOSTIKASIDA MOLEKULYAR GENETIK USULLARNI QO‘LLASH, DAVOLASH VA PROFILAKTIKASINING ZAMONAVIY JIHATLARI”

MAVZUSIDAGI XALQARO ILMIY-AMALIY KONFERENSIYA · SAMARQAND, 2026-YIL 9–10-OKTYABR

O‘zbek tilida UDK: 619:636.5:576.89:614.449 B. 184–190

TOVUQ EKTOPARAZITLARIGA QARSHI KIMYOPROFILAKTIK TADBIRLAR

Rayimqulov Iskandar Xaydarovich 1, Yunusov Xudaynazar Beknazarovich 1, Davlatov Ravshan Berdiyevich 2 Samarqand davlat veterinariya meditsinasi, chorvachilik va biotexnologiyalar universiteti Veterinariya va chorvachilik sohasida pedagog hamda mutaxassis kadrlarni malakasini oshirish instituti

DOI https://doi.org/10.66073/ReFocus-Conf/260927

I QT I B O S U C H U N · Д Л Я Ц И Т И Р О В А Н И Я · FO R C I TAT I O N

Rayimqulov Iskandar Xaydarovich, Yunusov Xudaynazar Beknazarovich, Davlatov Ravshan Berdiyevich. Tovuq ektoparazitlariga qarshi kimyoprofilaktik tadbirlar // Parazitar kasalliklar diagnostikasida molekulyar genetik usullarni qo‘llash, davolash va profilaktikasining zamonaviy jihatlari: xalqaro ilmiy-amaliy konferensiya materiallari (Samarqand, 9–10-oktyabr 2026-y.). – Samarqand, 2026. – B. 184–190. – DOI: https://doi.org/10.66073/ReFocus-Conf/260927

Research Focus xalqaro ilmiy jurnali hamkorligida Research Focus International Scientific Journal · refocus.uz

UDK: 619:636.5:576.89:614.449 TOVUQ EKTOPARAZITLARIGA QARSHI KIMYOPROFILAKTIK TADBIRLAR Rayimqulov Iskandar Xaydarovich1 Email: max.raim0330@gmail.com Yunusov Xudaynazar Beknazarovich1 Davlatov Ravshan Berdiyevich2 1. Samarqand davlat veterinariya meditsinasi, chorvachilik va biotexnologiyalar universiteti 2. Veterinariya va chorvachilik soxasida pedagog hamda mutaxassis kadrlarni malakasini oshirish instituti Annotatsiya. Maqolada tovuqlarda uchraydigan ektoparazitlarga qarshi kimyoprofilaktik tadbirlarning samaradorligi va mavsumiy qo‘llash xususiyatlari tahlil qilindi. Tadqiqotlarda ektoparazitlarga qarshi Suminak, Amitraz va Bars preparatlaridan foydalanildi. Kuzatuvlar natijasida preparatlarning samaradorligi yil fasllariga qarab farq qilishi aniqlandi. Yozgi davrda Suminak preparati, qishki davrda esa Amitraz preparati qo‘llanilganda ektoparazitlar sonining kamayishi va profilaktik samaradorlikning yuqoriligi kuzatildi. Kimyoviy preparatlarni qo‘llashda ektoparazitlarning biologik xususiyatlari, ularning parrandaxona muhitida saqlanishi, harorat va namlik omillari hamda preparatlarga chidamlilikning rivojlanish ehtimolini hisobga olish zarur. Tadqiqot natijalari tovuq ektoparazitlariga qarshi mavsumga moslashtirilgan kimyoprofilaktik tadbirlarni ishlab chiqish imkonini beradi. Kalit so‘zlar: tovuq, ektoparazit, kimyoprofilaktika, Suminak, Amitraz, Bars, Dermanyssus gallinae, Argas persicus, patxo‘rlar, akaritsid, mavsumiy dinamika. Kirish Parrandachilik xo‘jaliklarida ektoparazitlar tovuqlarning mahsuldorligi, fiziologik holati va umumiy veterinariya-sanitariya ko‘rsatkichlariga salbiy ta’sir qiluvchi muhim omillardan biridir. Tovuqlarda Argas persicus, Dermanyssus gallinae va boshqa ektoparazitlar uchraydi. Ayniqsa, Argas persicus va D.gallinae qon so‘ruvchi parazit sifatida parrandalarda bezovtalik, kamqonlik, patlarning zararlanishi va tuxum mahsuldorligining pasayishiga sabab bo‘lishi mumkin. Ushbu kana kunduz kuni ko‘pincha parrandaxonadagi yoriqlar, uya, katak va boshqa pana joylarda yashirinib, asosan kechasi qushlarga hujum qiladi. Ektoparazitlarning bunday biologik xususiyati ularga qarshi kurashishda faqat tovuq tanasiga ishlov berish bilan cheklanib qolmasdan, parrandaxona, uya, yoriqlar, jihozlar va parazitlarning yashirinadigan joylarini ham zararsizlantirish zarurligini ko‘rsatadi. Kimyoviy kurash vositalari hozirgi kungacha ektoparazitlarga qarshi kurashning asosiy usullaridan biri bo‘lib qolmoqda. Biroq akaritsidlarni takroriy va noto‘g‘ri qo‘llash parazitlarda rezistentlik shakllanishiga olib kelishi mumkin. Ilmiy tadqiqotlarda Argas persicus populyatsiyalarining turli akaritsidlarga sezgirligi hududlar va populyatsiyalar bo‘yicha farqlanishi aniqlangan. Shu sababli kimyoprofilaktik tadbirlarni mavsumiy dinamika asosida rejalashtirish muhim amaliy ahamiyatga ega.

Materiallar va usullar Tadqiqot tovuqlarda ektoparazitlarning mavsumiy tarqalishi va ularga qarshi kimyoprofilaktik preparatlarning samaradorligini baholashga qaratildi. Tadqiqotda quyidagi preparatlardan foydalanildi:  Suminak;  Amitraz;  Bars. Suminakning ayrim veterinariya preparatlari tarkibida sintetik piretroid — esfenvalerat mavjudligi ko‘rsatilgan. O‘zbekistonda ro‘yxatdan o‘tgan Suminak-T preparati esa deltametrin saqlashi qayd etilgan; shu sababli amaliy tadqiqotlarda preparatning aynan qaysi formulatsiyasi ishlatilgani va yorliqdagi faol moddasini ko‘rsatish muhimdir. Preparatlar bilan ishlov berishda ishlab chiqaruvchi tomonidan belgilangan konsentratsiya va qo‘llash yo‘riqnomalariga rioya qilindi. Tadqiqotda ektoparazitlarning mavjudligi, ularning soni va mavsumiy o‘zgarishi kuzatildi. Ektoparazitlarga qarshi preparatlarning samaradorligi parazitlarning ishlov berishdan oldingi va keyingi sonini solishtirish orqali baholandi. Samaradorlikni hisoblashda quyidagi formula qo‘llanilishi mumkin: E = (I₀ – I₁) / I₀ × 100 % bu yerda: E — preparat samaradorligi, %; I₀ — ishlov berishdan oldingi invaziya ko‘rsatkichi; I₁ — ishlov berishdan keyingi invaziya ko‘rsatkichi. Natijalar va tavsiyalar Tadqiqot davomida Suminak, Amitraz va Bars preparatlarining tovuq ektoparazitlariga qarshi ta’siri mavsumlar bo‘yicha baholandi. 1-jadval. Tovuqlarda ektoparazitlarga qarshi qo‘llanilgan preparatlarning mavsumiy samaradorligi Qo‘llanilgan Natija No Fasl Kuzatilgan natija Amaliy baho preparatlar (%) Muntazam profilaktika Ektoparazitlar faolligining zarur (kunning issiq Suminak 86 % pasayishi kuzatildi paytida, 7-10 kunda 1 marta) Quruq usul (havo Baho Ektoparazitlar faolligining sovuq paytlari 1 Amitraz 85 % r pasayishi kuzatildi qo‘llaniladi, har 15-20 kunda) Quruq usul (havo Ektoparazitlar faolligining sovuq paytlari Bars 85 % pasayishi kuzatildi qo‘llaniladi, har 15-20 kunda) 2 Yoz Suminak Suminak eng yuqori 93 % Suminakni qo‘llash samaradorlik ko‘rsatdi maqsadga muvofiq

Qo‘llanilgan Natija No Fasl Kuzatilgan natija Amaliy baho preparatlar (%) Quruq usul (havo Ektoparazitlar faolligining sovuq paytlari Amitraz 84 % pasayishi kuzatildi qo‘llaniladi, har 15-20 kunda) Quruq usul (havo Ektoparazitlar faolligining sovuq paytlari Bars 84 % pasayishi kuzatildi qo‘llaniladi, har 15-20 kunda) Suminak eng yuqori Profilaktik ishlovlarni Suminak 91 % samaradorlik ko‘rsatdi kuchaytirish zarur Quruq usul (havo Ektoparazitlar faolligining sovuq paytlari Amitraz 86 % pasayishi kuzatildi qo‘llaniladi, har 15-20 3 Kuz kunda) Quruq usul (havo Ektoparazitlar faolligining sovuq paytlari Bars 85 % pasayishi kuzatildi qo‘llaniladi, har 15-20 kunda) Qishda qo‘llash tavsiya Suminak Qo‘llanilmadi etilmaydi Quruq usul (havo Suminak eng yuqori sovuq paytlari Amitraz 90 % samaradorlik ko‘rsatdi qo‘llaniladi, har 15-20 4 Qish kunda) Quruq usul (havo Ektoparazitlar faolligining sovuq paytlari Bars 89 % pasayishi kuzatildi qo‘llaniladi, har 15-20 kunda)

Olingan natijalar preparatlarning samaradorligi yil davomida bir xil bo‘lmasligini ko‘rsatdi. Yoz faslida Suminak preparati eng samarali vosita sifatida namoyon bo‘ldi. Bu davrda havo haroratining yuqoriligi va ektoparazitlarning biologik faolligi ortishi sababli parrandalarda invaziya bosimi kuchayishi mumkin. Suminakning kontakt insektitsid-akaritsid xususiyati bunday sharoitda ektoparazitlar sonini kamaytirishga yordam bergan.

Suminak tarkibidagi sintetik piretroidlar ektoparazitlarning nerv tizimiga ta’sir qiluvchi kontakt insektitsid-akaritsidlar guruhiga kiradi. Ilmiy adabiyotlarda piretroidlar A.persicus ga qarshi qo‘llaniladigan kimyoviy vositalar qatorida keltirilgan. Biroq ularning samaradorligi parazit populyatsiyasining rezistentlik holatiga qarab keskin farq qilishi mumkin.

Qish faslida esa Amitraz qo‘llanganda yuqori samaradorlik kuzatildi. Qish sharoitida parrandalar ko‘proq yopiq binolarda saqlanishi, parrandaxona mikroiqlimining o‘zgarishi va parazitlarning tashqi muhitdagi yashirin joylarda to‘planishi kimyoprofilaktika samaradorligiga ta’sir qilishi mumkin.

Amitrazning A.persicus ga qarshi akaritsid sifatidagi samaradorligi boshqa ilmiy tadqiqotlarda ham qayd etilgan. Masalan, 86 ta dala populyatsiyasini qamrab olgan sakkiz yillik tadqiqotda amitrazning samaradorligi 80,83 % bo‘lgan va u qish faslida boshqa preparatlar bilan birgalikda sinovdan o‘tkazilgan vositalar ichida yuqori natija ko‘rsatgan. Shu bilan birga, tadqiqotchilar ayrim yillarda amitraz samaradorligining pasayganini ham aniqlagan.

Bu ma’lumotlar bizning kuzatuvlarimizdagi mavsumiy preparat tanlash yondashuvini ilmiy jihatdan qo‘llab-quvvatlaydi. Biroq boshqa hudud yoki boshqa parazit populyatsiyasida aynan shu natija takrorlanishi kafolatlanmaydi.

Bars preparati ham ektoparazitlarga qarshi kurash kompleksida qo‘llanildi. Uning samaradorligini baholashda preparatning aniq tarkibi va faol moddasini hisobga olish lozim. Chunki “Bars” savdo nomi ostida turli formulatsiyalar mavjud bo‘lishi mumkin. Shu sababli ilmiy maqolada preparatning faol moddasi, konsentratsiyasi, ishlab chiqaruvchisi va ro‘yxatdan o‘tgan shakli alohida ko‘rsatilishi maqsadga muvofiq.

Kimyoprofilaktikaning ilmiy-amaliy asoslari Ektoparazitlarga qarshi kimyoviy ishlov berishning samaradorligi faqat preparatning toksik ta’siriga bog‘liq emas. Preparatning parazit yashaydigan joylarga yetib borishi ham muhim. A.persicus hayot siklining katta qismini qush tanasidan tashqarida, yoriqlar va pana joylarda o‘tkazgani sababli faqat qushga ishlov berish ko‘pincha yetarli bo‘lmaydi.

Shuning uchun quyidagi kompleks tadbirlarni birgalikda olib borish tavsiya etiladi:

1. parrandalarni muntazam parazitologik tekshirish; 2. ektoparazitlarning mavsumiy faolligini monitoring qilish; 3. parrandaxona va jihozlarni mexanik tozalash; 4. yoriq va pana joylarga ishlov berish; 5. zaruratga qarab akaritsid preparatlarni qo‘llash; 6. preparatlarni mavsumiy va epidemiologik vaziyatga qarab tanlash; 7. bir xil faol moddani nazoratsiz ravishda takroran qo‘llamaslik; 8. tuxum va go‘sht uchun belgilangan xavfsizlik talablariga rioya qilish.

Kimyoviy vositalardan noto‘g‘ri foydalanish nafaqat preparat samaradorligining pasayishiga, balki rezistent parazit populyatsiyalarining shakllanishiga ham olib kelishi mumkin. Tadqiqotlarda subletal dozalar, notekis purkash va parazitlarning ishlov berilmagan yoriqlarda saqlanib qolishi rezistentlik rivojlanishiga yordam berishi ko‘rsatilgan.

Shuning uchun “ko‘proq preparat — yuqoriroq samaradorlik” tamoyili ilmiy jihatdan to‘g‘ri emas. Aksincha, preparatni ishlab chiqaruvchi ko‘rsatmasida belgilangan konsentratsiyada va to‘liq texnologiya asosida qo‘llash muhimdir. Amitraz bo‘yicha dala tadqiqotlari ham dozaning oshirilishi har doim ham rezistent populyatsiyalarda samaradorlikni oshirmasligini ko‘rsatgan. Xulosa O‘tkazilgan tadqiqot va adabiyotlar tahlili asosida quyidagi xulosalarga kelindi:

1. Tovuq ektoparazitlariga qarshi kimyoprofilaktik tadbirlar parrandachilik xo‘jaliklarida invaziya bosimini kamaytirishning muhim yo‘nalishlaridan biridir. 2. Suminak, Amitraz va Bars preparatlaridan foydalanish ektoparazitlarga qarshi kurash kompleksida amaliy ahamiyatga ega. 3. Tadqiqot sharoitida yoz faslida Suminak, qish faslida esa Amitraz qo‘llanilganda nisbatan yuqori samaradorlik kuzatildi. 4. Preparatlarning samaradorligi mavsum, ektoparazit turi, parrandaxonadagi mikroiqlim, ishlov berish sifati va parazitlarning preparatga sezgirligiga bog‘liq. 5. Ektoparazitlarga qarshi kurashda faqat tovuq tanasiga ishlov berish bilan cheklanmasdan, parrandaxona, uya, jihozlar, yoriqlar va boshqa parazit yashirinadigan joylarni ham sanitariya-gigiyena jihatidan qayta ishlash zarur. 6. Kimyoviy preparatlarni mavsumga mos ravishda tanlash bilan birga, faol moddalardan oqilona foydalanish va zarurat bo‘lganda preparatlarni almashtirib qo‘llash rezistentlik xavfini kamaytirishga xizmat qiladi. 7. Kelgusida Suminak, Amitraz va Bars preparatlarining samaradorligini aniq ekstensivlik, intensivlik, preparatgacha va preparatdan keyingi zararlanish ko‘rsatkichlari hamda iqtisodiy samaradorlik asosida baholash ushbu profilaktik sxemaning ilmiy qiymatini yanada oshiradi.

Iqtiboslar dinamikasi

Bu ilmiy ishga ReLibrary’da chop etilgan ilmiy ishlarda hali iqtibos topilmadi.

ReLibraryTekshirilgan Metodologiya

Adabiyotlar25 ta adabiyot

  1. Marangi M., Cafiero M.A., Capelli G., Camarda A., Sparagano O.A.E., Giangaspero A. Evaluation of the poultry red mite, Dermanyssus gallinae, susceptibility to some acaricides in field populations from Italy // Experimental and Applied Acarology. – 2009. – Vol. 48. – P. 11–18.
  2. Pavlovic I., et al. Efficacy of λ-cyhalothrin, amitraz, and phoxim against the poultry red mite Dermanyssus gallinae: an eight-year survey // Avian Pathology. – 2019.
  3. Sparagano O.A.E., George D.R., Harrington D.W.J., Giangaspero A. Significance and control of the poultry red mite, Dermanyssus gallinae // Annual Review/Parasitology literature.
  4. George D.R., Finn R.D., Graham K.M., Mul M.F., Maurer V., Valiente Moro C., Sparagano O.A.E. Should the poultry red mite, Dermanyssus gallinae, be a target for biological control? // Journal of Applied Entomology.
  5. Prohaczik A., et al. Poultry red mite (Dermanyssus gallinae) infestation: a broad impact parasitological disease that still remains a significant challenge for the egg-laying industry in Europe // Parasites & Vectors. – 2017.
  6. An in vitro evaluation of the sensitivity and responses of Dermanyssus gallinae to selected acaricides // Poultry Science. – 2022. – Vol. 101. – 101798.
  7. Advances in Non-Chemical Tools to Control Poultry Hematophagous Mites // Insects. – 2023.
  8. Challenges of Dermanyssus gallinae in Poultry: Biological Insights, Economic Impact and Management Strategies // Insects. – 2025.
  9. O‘zbekiston Respublikasi veterinariya preparatlari davlat reyestri. Suminak-T: faol modda — deltametrin, VP-001574-23.
  10. Suminak: tarkibi va veterinariya amaliyotida qo‘llanishi bo‘yicha ma’lumotlar.
  11. Raimqulov, IX, Davlatov, RB, & Yunusov, XB (2024). TOVUQ EKTOPARAZITLARINING TARQALISH XUSUSIYATLARI. Ustozlar uchun, 1 (1), 208-210.
  12. Raimkulov, I. X., R. B. Davlatov, and X. B. Yunusov. "DISTRIBUTION CHARACTERISTICS OF CHICKEN ECTOPARASITES." Ustozlar uchun 1.1 (2024): 208-210.
  13. Xaydarovich, R. I., Gafforjonovich, J. G., Berdiyevich, D. R., & Jurakulovna, X. N. (2024). DISTRIBUTION OF CHICKEN ECTOPARASITES. The American Journal of Veterinary Sciences and Wildlife Discovery, 6(03), 17-20.
  14. Rayimqulov, I., Davlatov, R. B., & Yunusov, X. B. (2023). PARRANDALARNI EKTOPARAZITLARDAN ASRAYLIK. Veterinariya meditsinasi (4-maxsus son).
  15. Istamkulova, M., Keldiyarov, K., Daminov, A., Mukhamadiev, N., Dushanova, G., Khayitov, D., Raimkulov I, KH., ... & Norboyeva, U. (2025). Diversity and ecological determinants of essential oil composition of Achillea millefolium from various geobotanical areas of Samarkand, Uzbekistan.
  16. Iskandar, R. (2024). TOVUQ EKTOPARAZITLARI HAQIDA MA’LUMOTLAR TAHLILI. Yangi O ‘zbekiston ustozlari, 2(2), 71-74.
  17. Mukhitdinovich A. S., Suvonovich D. A., & Amridinovich K. B. (2023). Pathogistological changes in organs in sheep paramphistomatosis.
  18. Axmedov S.M., Daminov A.S., & Kuliyev B.A. PARAMFISTOMATOZDA QO‘YLAR ICHKI ORGANLARIDAGI PATANATOMIK VA PATOGISTOLOGIK O‘ZGARISHLAR. International Journal of Agrobiotechnology and Veterinary Medicine.
  19. Mukhitdinovich, A. S., Suvonovich, D. A., & Amridinovich, K. B. (2023). Pathogistological changes in organs in sheep paramphistomatosis.
  20. Rayimqulov, I. X., Yunusov, X. B., & Davlatov, R. B. (2025). Parrandachilikka Oid Qarorlar Va Tovuqchilik Xo ‘Jaliklarida Ektoparazitlarning Tarqalishi. Miasto Przyszłości, 58, 246-256.
  21. Rayimqulov, I. X., Yunusov, X. B., & Davlatov, R. B. (2025). Parrandalarning Ektoparazitlariga Qarshi Kurash Tadbirlari. Miasto Przyszłości, 58, 257-264.
  22. Rayimqulov, I. X., & Davlatov, R. B. (2024). TOVUQLARNING EKTOPARAZITLARIGA QARSHI KURASHISHNI TIZIMLI TAKOMILLASHTIRISH. Yangi O ‘zbekiston ustozlari, 2(2), 87-90.
  23. Mukhitdinovich A. S., Suvonovich D. A., & Amridinovich K. B. (2023). Pathogistological changes in organs in sheep paramphistomatosis.
  24. Axmedov S.M., Daminov A.S., & Kuliyev B.A. PARAMFISTOMATOZDA QO‘YLAR ICHKI ORGANLARIDAGI PATANATOMIK VA PATOGISTOLOGIK O‘ZGARISHLAR. International Journal of Agrobiotechnology and Veterinary Medicine.
  25. Mukhitdinovich, A. S., Suvonovich, D. A., & Amridinovich, K. B. (2023). Pathogistological changes in organs in sheep paramphistomatosis.

Metama’lumot

Identifikator
REL-C-014180
Nashr sanasi
2026-10-10
Til
o‘zbek
Konferensiyalar
Parazitar kasalliklar diagnostikasida molekulyar genetik usullarni qo‘llash, davolash va profilaktikasining zamonaviy jihatlari
Jild
1
Son
5
DOI
10.66073/refocus-conf/260927
Nashriyot
LLC Ilm-fan va innovatsiyalar akademiyasi
Sahifa
184–190
Litsenziya
Ushbu ilmiy ish CC BY 4.0 litsenziyasi asosida ochiq.
Ko‘rishlar
12026-11-01 dan beri o‘lchanmoqda
Metadata manbasi
Partner conferences of the International Scientific Journal Research Focus
Oxirgi yangilanish
2026-10-28