ОРГАНОСОХРАНЯЮЩАЯ ОПЕРАЦИЯ ПРИ МАССИВНОМ РАЗМОЗЖЕНИИ ЯИЧКА
Хамроев Г.А., Хурсанов Ё.Э · Research Focus International Scientific Journal · 2022
Moyakning massiv ezilishi bilan kechgan yorg‘oq to‘mtoq jarohatining klinik holatini taqdim etish, diagnostika va jarrohlik davolashning zamonaviy usullarini muhokama qilish. Klinik kuzatuv. 18 yoshli bemor klinikaga shoshilinch ko‘rsatmalar bo‘yicha og‘riq va yorg‘oq o‘ng yarmining kattalashishiga shikoyatlar bilan kelib tushdi. Anamnezdan bemor 48 soat oldin yorg‘oqning to‘mtoq jarohatini olgani ma‘lum bo‘ldi. Yorg‘oq a‘zolarining ultratovush tekshiruvida yorg‘oqning o‘ng yarmida moyak aniq differensiatsiyalanmasligi, pastki qutbida gipoexogen signal qayd etilishi, rangli doppler xaritalash rejimida qon oqimi yo‘qligi, biroq moyakning yuqori qutbi ko‘zdan kechirilganda kuchsiz qon oqimi qayd etilishi, moyak ortig‘i qisman differensiatsiyalanishi aniqlandi. Gematotsele aniqlandi. Yorg‘oq a‘zolari lat yeyishi, o‘ng moyakning travmatik shikastlanishi tashxisi tasdiqlandi. Shoshilinch operatsiya bajarildi: moyak pastki qutbining nekrozga uchragan qismlari sog‘lom to‘qimalargacha kesib olib tashlandi, o‘ng moyak yuqori qutbini moyak ortig‘iga plastik tikish bajarildi. Operatsiyadan keyingi davr asoratlarsiz kechdi. Bemor operatsiyadan keyin 6-sutkada kasalxonadan chiqarildi. 3 oydan keyin o‘tkazilgan nazorat ultratovush tekshiruvida o‘ng moyak o‘lchamlari kichrayganligi, uning exostrukturasi bir jinsli ekanligi, moyak parenximasida qon oqimi kuzatilishi aniqlandi. Gormonal status, qondagi testosteron darajasi, eyakulyat ko‘rsatkichlari me‘yorda. Xulosa. Keltirilgan klinik kuzatuv moyak hayotchan to‘qimasining hajmi minimal bo‘lgan massiv ezilishida a‘zoni saqlovchi aralashuvlar mumkinligini, biroq bunda bemorning yoshi va jarohat olinganidan beri o‘tgan vaqt hisobga olinishi lozimligini isbotlaydi.