Medesheva Bibinur Yerkebek qizi · Research Focus International Scientific Journal · 2024
Maqola XX asr Britaniya tilshunosligi rivojlanishining ba‘zi xususiyatlarini yoritadi va fanning oldingi tarmoqlari bilan aloqasi haqida ma‘lumot beradi. XX Buyuk Britaniya tilshunosligining asosiy konsepsiyasi London maktabi bo‘lgan va keyingi g‘oyalar mazkur maktab asosida shakllangan. Sistem-funksional lingvistika tilga nutq yoki yozuv kontekstida qaraydi, ularning ma‘nosiga ko‘ra til shakllarini izohlaydi. Ingliz tilidagi ilmiy adabiyotlarda mazkur tushuncha “sistem-funksional lingvistika”, “sistem linvstika”, “sistem-funksional grammatika”, “sistem grammatika” singari ataladi. Sistem-funksional lingvistikaning asoschisi – Maykl Hallidey bo‘lib, nazariyaning asosiy komponentlari paradigmatik o‘lchov hamda shaklga emas, ma‘noga e‘tibor qaratishdir. Shuningdek, lingvistik sistema asoslanadigan metafunksiyalar ham ajratilgan bo‘lib, ular quyidagilardan iborat: shaxslararo metafunksiya, tajribaviy metafunksiya, matniy metafunksiya.
Gayratova Gulzoda · Research Focus International Scientific Journal · 2024
Leksik birliklar tilda mavjud bo‘lib, turli semantik munosabatlar asosida turli paradigmalarni hosil qiladi. Sinonimik, antonimik, graduonimik, partonimik, giponimik munosabat ana shunday lisoniy munosabatdir. Sinonimiya. Shakli har xil, ammo ayni bir tushunchani turli bo‘yoq va ottenkalarda ifodalovchi leksemalar sinonimlar deb ataladi. Sinonim leksemalar o‘rtasidagi munosabat sinonimiya yoki sinonimik munosabat deb yuritiladi. Ushbu maqolada Sharof Rashidovning «Qudratli to‘lqin» asarida sinonimlarning qo‘llanilishi va ularning uslubiy xususiyatlari tahlil qilinadi.
Zebo Botirova, Abdullayeva Dilrabo · Research Focus International Scientific Journal · 2024
Mustaqil o‘qish talabalarning akademik muvaffaqiyati va umr bo‘yi o‘qish ko‘nikmalarini rivojlantirishda hal qiluvchi o‘rin tutadi. Ushbu maqolada maktab muhitida mustaqil o‘qishni rag‘batlantirishning turli strategiyalari o‘rganiladi, o‘qituvchilar ushbu strategiyalarni joriy etishda duch keladigan muammolar ko‘rib chiqiladi, shuningdek, o‘quvchilar o‘zlashtirishi va mustaqil o‘qish uchun oqibatlari muhokama qilinadi. Adabiyotlar va empirik ma‘lumotlarning har tomonlama sharhi orqali ushbu maqola mustaqil o‘qish ko‘nikmalarini rivojlantirish muhimligini ta‘kidlaydi hamda o‘qituvchilar uchun amaliy tavsiyalar beradi.
Nigora Tojiboyeva Shokirjon qizi · Research Focus International Scientific Journal · 2024
Ushbu tadqiqotda o‘zbek va ingliz xalq maqollarida uchraydigan tipologiyaning qiyosiy tahlili keltirilgan. Har ikkala madaniyatga oid maqollar korpusi sintaktik tuzilmalar, semantik komponentlar va madaniy konnotatsiyalar nuqtai nazaridan tahlil qilindi. Natijalar tarixiy, madaniy va lingvistik ta‘sirlarga borib taqaladigan sezilarli tipologik farqlarni ko‘rsatadi. Muhokamada jamoaviy qadriyatlar, individualistik etos va ijtimoiy tuzilmalarning xalq maqollari rivojlanishiga ta‘siri chuqur o‘rganilib, madaniyatlararo muloqotni yanada teranroq tushunishga xizmat qiladi.
Gulnora Nosirxodjayeva · Research Focus International Scientific Journal · 2024
Ушбу мақолада халқаро терроризм ва диний экстремизмга қарши курашни кучайтириш зарурати муносабати билан тобора долзарб бўлиб бораётган бағрикенглик тушунчасининг маънавий асослари муҳокама қилинади. Ўрта Осиё илк Ўрта асрларида бағрикенглик мутафаккирлар томонидан фалсафа тарихини ўрганишга ирқий келиб чиқиши, диний ва фалсафий қарашларидан қатъи назар мурожаат этганликларида намоён бўлади
Ermamatova Kumushbibi Rasuljon qizi · Research Focus International Scientific Journal · 2024
Rekreatsiya tushunchasi televideniye rivojlanishining barcha bosqichlarida muhim o‘rin tutib kelgan. Sababi, barcha insonlar hordiq chiqarishga, dam olishga, hech narsa haqda o‘ylamasdan dam olishga ehtiyoj sezadi. Bunday vaqtlarda tahliliy, muammoli, bahs-munozarali ko‘rsatuvlar auditoriyani o‘zidan itaradi, tomoshabin televizorda aqlni ishlatishga undaydigan, fikrlashga majbur qiladigan ko‘rsatuvlarni tomosha qilishni istamaydi. Ammo bunda boshqa muhim jihat ham bor: ko‘ngil ochish insonlarni “ongsizlantirish” hisobiga bo‘lishi kerak emas. Maqolada televideniyeda rekreativlik va uning o‘ziga xos xususiyatlari borasida mulohazalar hamda tahlillar keltirilgan.
Sultanova Barchinoy Davronovna · Research Focus International Scientific Journal · 2024
Ushbu maqolada ikkinchi tilni o‘qitishning zamonaviy yondashuvlari va taktikalari batafsil o‘rganiladi. Shuningdek, unda ingliz tilini o‘qitishda texnologiyalarning samarali integratsiyasi ko‘rsatib beriladi. Muallifning maqsadi ingliz tili ta‘limida zamonaviy metodikalarni kompleks tarzda joriy etishning ahamiyatini ta‘kidlashdan iborat.
Matchanova Mohinur Otabek qizi · Research Focus International Scientific Journal · 2024
O‘ Genri inson tabiati, ruhiyati va qahramonlarning hayotidagi voqeliklarni kinoya va istehzo orqali ochib beradigan qisqa hikoyalari bilan mashhur. Uning hikoya qilish uslubi ko‘pincha kutilmagan burilishlar, istehzoli suhbatlar va achchiq kulguni o‘z ichiga oladi, bularning barchasi yozuvchi hikoyalarining ta‘sir doirasini doimiy saqlab turishga hissa qo‘shadi. Ushbu maqola O‘ Genri asarlari tarjimasida har bir hikoyadan anglashilgan maqsadni, qahramonlar ruhiyatini va ayniqsa, kinoya tilini tushinishdagi muammolarni yoritib berishga harakat qiladi.
Mamatmusayeva Maftuna Saidvali qizi · Research Focus International Scientific Journal · 2024
Ushbu maqolada sut mahsulotlariga oid iboralarni tanlash tamoyillari va mezonlari hamda ularning tipologiyasi o‘rganiladi. Tadqiqot sut mahsulotlari kontekstida qo‘llaniladigan iboralarni ularning turli kontekstlardagi qo‘llanilishi, ma‘nolari va variatsiyalarini yaxshiroq tushunish maqsadida turkumlash va tahlil qilishga qaratilgan. Lingvistik tahlil va tipologik tasnifdan foydalangan holda tadqiqot iboralarni tanlashning asosiy mezonlarini, jumladan, semantik relevantlik, qo‘llanish chastotasi va kontekstual muvofiqlikni aniqlaydi. Olingan natijalar sut mahsulotlari haqidagi muhokamalarda keng tarqalgan lingvistik tuzilmalar va qoliplar haqida tasavvur beradi, bu esa sut sanoatida marketing, ta‘lim va kommunikatsiya strategiyalari uchun foydali bo‘lishi mumkin.
Saidniyozova Shamsiya · Research Focus International Scientific Journal · 2024
Maqola ingliz va o‘zbek tillaridagi maqollarning leksik-semantik xususiyatlarini o‘rganish va maqollarni tarjima qilish, do‘st va do‘stlik mavzusidagi maqollaning o‘xshash va farqli jihatlarini tahlil qilishga va muqobil variantlarini keltirishga qaratilgan.
Dilrabo Quvvatova, To‘rayeva Moxinur · Research Focus International Scientific Journal · 2024
ХХ асрнинг иккинчи ярми ўзбек адабиётида кўплаб шеър, достон, қисса, роман ва хотира асарлар ёзилди. Бу жараён, айниқса, лирикада янада ёрқин намоён бўлди. Мақолада шу жиҳатдан Рауф Парфининг “Она Туркистон” сонетлар туркуми шеърлари бадиий жиҳатдан таҳлил этилган
Aminboeva Shakhriniso Ulugbekovna · Research Focus International Scientific Journal · 2024
Ushbu maqola ingliz ommaviy axborot vositalari doirasidagi gazeta maqolalarining psixolingvistik tahliliga bag‘ishlangan. Til muloqotning qudratli vositasi bo‘lib, bilish, idrok va xulq-atvorga ta‘sir qiluvchi murakkab nozikliklarni o‘zida saqlaydi. Psixolingvistik metodologiyalarni qo‘llash orqali ushbu tadqiqot gazeta maqolalarida ishlatiladigan tilning zamiridagi qonuniyat va mexanizmlarni ochib berishni maqsad qilgan. Leksik tanlov, sintaktik tuzilmalar va diskurs xususiyatlarini o‘rganish orqali ushbu tadqiqot jurnalistik diskursga singdirilgan psixologik oqibatlarni yoritadi. Ushbu tahlildan olingan ma‘lumotlar til fikrlash jarayonlari, munosabatlar va ijtimoiy idrokni qanday shakllantirishini chuqurroq tushunishga xizmat qiladi.
Shakhodat Rakhmatullaeva Quranbay qizi · Research Focus International Scientific Journal · 2024
Ushbu maqolada hikoya qilishni til o‘qitish metodikalariga integratsiya qilishning samaradorligi o‘rganiladi. Turli nazariy asoslarga tayangan holda unda tilni egallash va madaniy anglashga ko‘maklashishda narrativlarning o‘rni tahlil qilinadi. Mavjud adabiyotlar va empirik dalillar sharhi orqali maqolada hikoyalarni pedagogik vosita sifatida qo‘llashning kognitiv hamda ijtimoiy-madaniy afzalliklari yoritiladi. Til darslarida narrativga asoslangan yondashuvlarni joriy etishning amaliy strategiyalari turli bilim darajalari va lingvistik kontekstlarga moslab bayon etilgan. Pirovardida, ushbu tadqiqot hikoyalarning til ta‘limi paradigmalarini boyitish, faol ishtirokni rag‘batlantirish va o‘quvchilarda madaniyatlararo kompetentlikni tarbiyalashdagi o‘zgartiruvchi salohiyatini ta‘kidlaydi.
Ахмедова Анорхана Насивали кизи · Research Focus International Scientific Journal · 2024
Korpus lingvistikasi usullari, uning turlari va korpus tahlili amaliyoti O‘zbekiston tilshunosligining turli sohalarida rivojlanib bormoqda. Korpusni grammatik annotatsiyalashning avtomatik usullarini ishlab chiqish hamda mashina tarjimasi texnologiyasi uchun parallel korpusga asoslangan tizimlar yaratish sohasida N. Abduraxmonovaning qarashlari alohida e‘tiborga loyiq [1]
Rashidova Zamira Sharofovna · Research Focus International Scientific Journal · 2024
Sezgilar turli kasalliklarning ko‘plab belgilari va sindromlarining asosi bo‘lib, elementar (oddiy) ruhiy hodisalardan biridir. Ular ongli yoki ongsiz xarakterga ega bo‘lishi mumkin va bemorning o‘z sog‘lig‘iga oid shikoyatlarining xususiyatlariga ta‘sir qiladi, bu tashxis va davolash jarayonlariga sezilarli ta‘sir qiladi. Ushbu maqolada siz ruhiy jarayonlarning buzilishi haqida malumot olasiz.
Shakhodat Rakhmatullaeva Quranbay qizi · Research Focus International Scientific Journal · 2024
Ko‘rgazmali qo‘llanmalar chet tili ta‘limida kuchli vosita bo‘lib xizmat qiladi, ular o‘qituvchilarga murakkab ma‘lumotni yetkazish, sinf mashg‘ulotlariga xilma-xillik kiritish va o‘quvchilarni yanada chuqurroq jalb qilishning samarali usulini taqdim etadi. Til o‘qitishda ko‘rgazmali vositalardan foydalanishning afzalliklari ko‘p bo‘lib, ularga diqqatni ushlab turish, motivatsiya va ma‘lumotni esda saqlashning yaxshilanishi kiradi. Ushbu maqolada ingliz tili darslarida ko‘rgazmali qo‘llanmalardan foydalanishning nazariy asoslari va amaliy qo‘llanilishi o‘rganilib, ularning o‘quv jarayoniga qo‘shayotgan salmoqli hissasi yoritib beriladi.
Qo‘chqarova Shakhzoda Jalolkhon qizi · Research Focus International Scientific Journal · 2024
Ushbu maqolada korpus, korpus linguistikasi, uning tuzilishi, korpus turlari, token, lemma va stem haqida so‘z boradi. Bugungi kunda korpusning nazariy va amaliy ahamiyati o‘zbek tilshunosligida tilning imkoniyatlarini kengroq o‘rganishda, tilshunoslikdagi muammoli tomonlarini aniqlashda, elektron lug‘atlar yaratishda, zamonaviy texnologiyalardan foydalanish imkoniyatini oshirishda ahamiyati katta hisoblanadi.
Qarshiboyeva Xurshida Shermat qizi · Research Focus International Scientific Journal · 2024
Ushbu maqolada ingliz va o‘zbek tillaridagi bolalar o‘yinlarining madaniy xususiyatlari haqidagi annotatsiya keltirilgan. Bolalar o‘yinlarining ijtimoiy, ta‘limiy va madaniy jihatlari o‘zbek hamda ingliz tillarida tahlil qilingan. Maqola davomida o‘yinlar, ularning o‘ziga xosligi, ikkala tildagi ifodaviy jihatlari, madaniy ahamiyati, shuningdek o‘yinlar orqali o‘qitish usullari va ularning o‘quv jarayoniga ta‘siri tahlil qilingan. Ushbu maqola o‘zbek va ingliz tillaridagi bolalar o‘yinlarining lingvistik hamda madaniy jihatlari haqida qimmatli tushuncha va ma‘lumotlar beradi.
Nurillayev Amirbek Ziyodullo o‘g‘li, Ahmedova Anorkhon Nasivali qizi · Research Focus International Scientific Journal · 2024
Ushbu maqola IELTS (Ingliz tili bo‘yicha xalqaro test tizimi) ni o‘rganishga va undan eng yuqori ballni qanday olish mumkinligiga bag‘ishlangan hamda uning nima uchun butun dunyo bo‘ylab global ekani to‘liq tahlil qilinadi. Bundan tashqari, unda O‘zbekistondagi to‘qqizchilar (umumiy hisobda 9 ball to‘plagan insonlar), ularning turmush tarzi va o‘qish haqidagi ayrim iqtiboslari to‘g‘risida ancha ko‘p ma‘lumot keltirilgan.