Asosiy mazmunga o‘tish
ReLibrary
UZ
Kirish
MaqolaOchiq kirish

O‘ZGARUVCHAN SHAMOL TEZLIGIDA FAZA ROTORLI ASINXRON GENERATORNING ISH REJIMLARINI MODELLASHTIRISH

Allabergen BEKISHEV, Najmiddin QURBONOV, O‘tkir XUDOYNAZAROV2025

Jurnal“O‘ZBEKGIDROENERGETIKA” ilmiy-texnik jurnalJild 7Son 1Sahifa 71–78

Annotatsiya

Ushbu maqolada faza rotorli asinxron mashinani generator rejimidaishlashi ko‘rib chiqildi. Bunda, ayniqsa, kam shamol tezligida rotor zanjirga qo‘shimchaqarshilik ulash orqali, kam shamol tezligida ham ma‘lum miqdorda elektr energiyasi olishimkoniyati ko‘rsatilgan. Tadqiqotda faza rotorli asinxron generatorning elektromagnitva elektromexanik o‘tkinchi jarayonlari nazariyasi, matematik aproksimatsiya,2-3 darajali differensial tenglamalarni yechishning Runge-Kutta usuli, faza rotorliasinxron generatorning ish rejimlarini MatLab Simulink dasturida modellashtirish ishlarikeng yoritilgan.

Boshqa tillarda

ruschaМОДЕЛИРОВАНИЕ РЕЖИМОВ РАБОТЫ АСИНХРОННОГО ГЕНЕРАТОРА С ФАЗОВЫМ РОТОРОМ ПРИ ПЕРЕМЕННОЙ СКОРОСТИ ВЕТРА

В статье рассмотрена работаасинхронной машины с фазным роторомв режиме генератора. Было показано, чтодаже при малых скоростях ветра можновырабатывать определенное количествоэлектроэнергии, подключая к цепиротора дополнительное сопротивление,особенно при малых скоростях ветра В ходе исследований изучалась теорияэлектромагнитных и электромеханическихпереходных процессов асинхронногогенератора с фазным ротором, математическаяаппроксимация, метод Рунге-Кутта решениядифференциальных уравнений 2-3 степени,моделирование режимов работы асинхронногогенератора с фазным ротором в программеMatLab Simulink

inglizchaMODELING THE OPERATING MODES OF AN ASYNCHRONOUS GENERATOR WITH A WOUND ROTOR UNDER VARIABLE WIND SPEED

The article examines the operationof an asynchronous machine with a woundrotor in generator mode. It was demonstratedthat even at low wind speeds, a certain amountof electrical energy can be generated byconnecting additional resistance to the rotorcircuit, particularly at low wind speeds. The studyinvestigated the theory of electromagnetic and electromechanical transient processes in anasynchronous generator with a wound rotor,mathematical approximation, the Runge-Kuttamethod for solving second- and third-orderdifferential equations, and modeling the operatingmodes of an asynchronous generator with awound rotor in the MatLab Simulink program

Kalit so‘zlar

  • faza rotorli asinxron generator
  • modellashtirish
  • shamol tezligi
  • generator rejimi
  • motor rejimi
  • elektromagnit moment

To‘liq matn

To‘liq matn Zenodo repozitoriysidagi ochiq nusxadan olingan: Zenodo nusxasi

Litsenziya: CC BY 4.0litsenziya matni

Matn PDF’dan ajratilgan va qayta formatlangan; asl nusxadan farq qilishi mumkin.

DOI: https://doi.org/10.5281/zenodo.15484111

O‘ZGARUVCHAN SHAMOL TEZLIGIDA FAZA ROTORLI ASINXRON GENERATORNING ISH REJIMLARINI MODELLASHTIRISH

Allabergen BEKISHEV Islom Karimov nomidagi Toshkent davlat texnika universiteti, PhD

Najmiddin QURBONOV Qarshi muhandislik-iqtisodiyot instituti dotsenti “TIQXMMI” MTU Qarshi irrigatsiya O‘tkir XUDOYNAZAROV va agrotexnologiyalar instituti, Texnologik jarayonlar boshqaruvi va avtomatizatsiyasi kafedrasi mudiri

Annotatsiya. Ushbu maqolada faza rotorli asinxron mashinani generator rejimida ishlashi ko‘rib chiqildi. Bunda, ayniqsa, kam shamol tezligida rotor zanjirga qo‘shimcha qarshilik ulash orqali, kam shamol tezligida ham ma’lum miqdorda elektr energiyasi olish imkoniyati ko‘rsatilgan. Tadqiqotda faza rotorli asinxron generatorning elektromagnit va elektromexanik o‘tkinchi jarayonlari nazariyasi, matematik aproksimatsiya, 2-3 darajali differensial tenglamalarni yechishning Runge-Kutta usuli, faza rotorli asinxron generatorning ish rejimlarini MatLab Simulink dasturida modellashtirish ishlari keng yoritilgan.

Kalit soʻzlar: faza rotorli asinxron generator, modellashtirish, shamol tezligi, generator rejimi, motor rejimi, elektromagnit moment.

МОДЕЛИРОВАНИЕ РЕЖИМОВ РАБОТЫ АСИНХРОННОГО ГЕНЕРАТОРА С ФАЗОВЫМ РОТОРОМ ПРИ ПЕРЕМЕННОЙ СКОРОСТИ ВЕТРА

Аллаберген БЕКИШЕВ, Ташкентский государственный технический университет, PhD Нажмиддин КУРБАНОВ, Доцент Каршинского инженерноэкономического института Уткир ХУДАЙНАЗАРОВ, Заведующий кафедры «Автоматизации и управления технологическими процессами» НИУ «ТИИИМСХ» Аннотация. В статье рассмотрена работа асинхронной машины с фазным ротором в режиме генератора. Было показано, что даже при малых скоростях ветра можно вырабатывать определенное количество электроэнергии, подключая к цепи ротора дополнительное сопротивление, особенно при малых скоростях ветра.

MODELING THE OPERATING MODES OF AN ASYNCHRONOUS GENERATOR WITH A WOUND ROTOR UNDER VARIABLE WIND SPEED

Allabergen BEKISHEV, PhD, Tashkent State Technical University Najmiddin KURBANOV, Associate professor, Karshi Institute of Engineering and Economics Utkir XUDOYNAZAROV, Head of the Department of Automation and Technological Process Control, Karshi Institute of Irrigation and Agrotechnology at the National Research University “TIIAME” Abstract. The article examines the operation of an asynchronous machine with a wound rotor in generator mode. It was demonstrated that even at low wind speeds, a certain amount of electrical energy can be generated by connecting additional resistance to the rotor circuit, particularly at low wind speeds. The study investigated the theory of electromagnetic and

PRINT ISSN 3060-4672 O‘ZBEKGIDROENERGETIKA

VOLUME 7 | ISSUE 1 | 2025 УЗБЕKГИДРОЭНЕРГЕТИКА UZBEKHYDROPOWER

В ходе исследований изучалась теория электромагнитных и электромеханических переходных процессов асинхронного генератора с фазным ротором, математическая аппроксимация, метод Рунге-Кутта решения дифференциальных уравнений 2-3 степени, моделирование режимов работы асинхронного генератора с фазным ротором в программе

Ключевые слова: асинхронный генератор с фазным ротором, моделирование, скорость ветра, режим генератора, режим двигателя, электромагнитный момент.

electromechanical transient processes in an asynchronous generator with a wound rotor, mathematical approximation, the Runge-Kutta method for solving second- and third-order differential equations, and modeling the operating modes of an asynchronous generator with a wound rotor in the MatLab Simulink program. Keywords: asynchronous generator with a wound rotor, modeling, wind speed, generator mode, engine mode, electromagnetic torque.

Dolzarbligi. Mazkur ishda o‘zgaruvchan shamol energiyasidan oqilona va samarali foydalanish maqsadida tezlik diapazoni keng miqyosda rostlanadigan faza rotorli asinxron generatorlarni qo‘llash masalalariga alohida ahamiyat berilmoqda. Hozirgi kunda rivojlangan davlatlarda faza rotorli asinxron generatorning rotor cho‘lg‘ami aktiv qarshiligini rostlash orqali keng diapazonli o‘zgaruvchan shamol tezligida elektr energiyasini olish jarayonlari to‘g‘risida keng ko‘lamli tadqiqotlar olib borilmoqda. Bu borada, jumladan faza rotorli asinxron generatorning rotor cho‘lg‘ami aktiv va reaktiv qarshiliklarini rostlash orqali keng diapazonli o‘zgaruvchan shamol tezligida elektr energiyasini olish samaradorligini oshirish masalalariga alohida e’tibor qaratilmoqda.

Maqsadi. Faza rotorli asinxron generatorning rotor zanjiri aktiv va reaktiv qarshiliklarini o‘zgartirish jarayonini modellashtirish orqali energiya samaradorligiga erishishdan iborat.

Usullar. Tadqiqot jarayonida faza rotorli asinxron generatorning elek­ tromagnit va elektromexanik o‘tkinchi jarayonlari nazariyasi, matematik aproksimatsiya, 2-3 darajali differensial tenglamalarni yechishning Runge-Kutta usuli, faza rotorli asinxron generatorning ish rejimlarini MatLab Simulink dasturida modellashtirish, olingan natijalarni taqqoslash va qayta ishlashda matematik statistika usullaridan foydalanilgan.

Natijalar. Shamol tezligi o‘zgarganda rotor zanjiriga qo‘shimcha qarshilik ulab, generatorning sirpanishini boshqarish orqali ishlab chiqarilayotgan aktiv elektr energiyasini rostlash usuli takomillashtirilgan. Qisqa tutashgan rotorli asinxron generatorlarda bu imkoniyat bo‘lmaganligi sababidan faza rotorli asinxron generatorlarni qo‘llash, o‘zgaruvchan shamol tezliklarida keng diapazonda elektr energiyasini olish imkoniyatini beradi.

Faza rotorli asinxron generatorli shamol turbinasi, shuningdek, 2-tur shamol turbinasi deb ham ataladi. Bu qisqa tutashgan rotorli asinxron mashinadan farq qiladi, chunki unda rotor cho‘lg‘ami qisqa tutashmagan va 1-rasmda ko‘rsatilganidek, kontakt halqalari va cho‘tkalar orqali tok berish mumkin bo‘lgan cho‘lg‘amlarga ega va rotor cho‘lg‘amlari tashqi uch fazali rezistorlar qutisiga

O‘ZBEKGIDROENERGETIKA PRINT ISSN 3060-4672 72 УЗБЕKГИДРОЭНЕРГЕТИКА UZBEKHYDROPOWER VOLUME 7 | ISSUE 1 | 2025

ulanadi. Rezistorlar qutisi o‘zgaruvchan rezistorlarni o‘z ichiga oladi, ularni har bir fazada noldan maksimal ekvivalent qarshilik RE gacha o‘zgartirish imkoniyati mavjud. Yuqori ishonchlilik uchun qarshiligi mexanik ravishda o‘zgaradigan rezistorlardan foydalanish maqsadga muvofiq emas. Buning o‘rniga, rotor cho‘lg‘amidagi tokni kuch elektron o‘zgartkichi yordamida rostlanadi. Haqiqiy qarshilik belgilangan qiymatga ega, ammo elektron o‘zgartiruvchi qurilma uni rotor tomondan o‘zgaruvchan ko‘rinishga aylantiradi.

Ushbu tipning bir turi tashqi rezistorlar va kuch elektronikasi mashinaning rotoriga o‘rnatiladi.

Bu muntazam xizmat ko‘rsatishni talab qiladigan kontakt halqalar va cho‘tkalardan foydalanmaslikka olib keladi, ammo endi tashqi qarshilikni boshqarish uchun boshqaruv signallari rotorga simsiz uzatilishi kerak va rotor ichida qo‘shimcha issiqlik tarqaladi (bu mashinani sovutishni qiyinlashtiradi).

1-rasm. Faza-rotorli asinxron shamol generatorining turi.

Quyidagi 2-rasmga ko‘ra ushbu turdagi generatorning ekvivalent sxemasi qisqa tutashgan rotorli asinxron mashinaning ekvivalent sxemasidan ikkita sezilarli farq mavjud:

Birinchi farq shundaki, rotor tomonida RÝ' / s o‘zgaruvchan tashqi qarshilik mavjud. Uning o‘zgaruvchanligi ikkita manbadan kelib chiqadi, ya’ni sirpanish va RE ning qiymatini nazorat qilish imkoniyatiga ega. Ikkinchi farq shundaki, rotor parametrlari endi stator cho‘lg‘ami parametrlariga keltirilgan, masalan, X 2' yoki I r' . Buning sababi shundaki, barcha rotor kattaliklari transformatorning ekvivalent sxemasidagi kabi stator cho‘lg‘amiga keltirilgan bo‘lishi kerak.

PRINT ISSN 3060-4672 O‘ZBEKGIDROENERGETIKA

VOLUME 7 | ISSUE 1 | 2025 УЗБЕKГИДРОЭНЕРГЕТИКА UZBEKHYDROPOWER

2-rasm. Faza rotorli asinxron mashinasining turg‘un holat uchun ekvivalent almashtirish sxemasi.

Keltirish koeffitsiyenti stator va rotor cho‘lg‘amlarining o‘ramlar soni nisbatiga bog‘liq. Xususan, agar tashqi qarshilik RÝ' haqiqiy qiymatga ega bo‘lsa, u holda ekvivalent zanjirda ishlatiladigan qiymat RÝ' = (w2 / w1 )2 ⋅ RÝ bo‘ladi. Xuddi shunday, aks ettirilgan rotor toki I 2' = (w2 / w1 ) ⋅ I 2 . Ushbu sxemani qisqa tutashgan rotorli asinxron mashinaga qo‘llaniladigan bir xil usullar yordamida hisoblash mumkin.

Tenglamalarda R2 ni R2' rot = R2' + RÝ' bilan almashtirishimiz kerak. Xususan, rotor cho‘lg‘amlari va tashqi qarshiliklarda 3I r'2 R2' rot teng quvvat issiqlikka aylanadi. Boshqa tashkil etuvchi 3I r'2 (1 − s) / s ⋅ R2' rot , elektromexanik energiya o‘zgartirish bilan bog‘liq. Faza rotorli asinxron generatorning asosiy xususiyati shundaki, uning mexanik tavsifi egri chizig‘i tashqi qarshilik qiymatini sozlash orqali o‘zgartirilishi mumkin. Quyida 3-rasmda Matlab Simulink dasturi yordamida olingan quvvati 2,2 kVt bo‘lgan faza rotorli asinxron mashinaning generator va motor rejimlaridagi mexanik xarakteristikalari keltirilgan.

Quyidagi 3-rasmga ko‘ra, rotor zanjiridagi qarshilikni o‘zgartirish bilan uning maksimal elektromagnit momenti motor rejimida ham va generator rejimda ham o‘zgarmasdan saqlanib qoladi. Ammo bu yerda tezlik o‘zgarganligi sababidan generatorning elektromexanik quvvati o‘zgaradi. Faza rotorli asinxron motorning ushbu xususiyatidan foydalanib, o‘zgaruvchan shamol energiyasidan maksimal ravishda elektr energiyasini olish imkoniyati paydo bo‘ladi. Faza rotorli shamol generatorini ishga tushirish va uning generator rejimiga o‘tish jarayoni modellashtirilgan 2-rasmda ko‘rsatilgan. Bundan tashqari, rasmda valning burchak tezligi va mashina elektromagnit momentining grafiklari ham keltirilgan.

O‘ZBEKGIDROENERGETIKA PRINT ISSN 3060-4672 74 УЗБЕKГИДРОЭНЕРГЕТИКА UZBEKHYDROPOWER VOLUME 7 | ISSUE 1 | 2025

3-rasm. Faza rotorli shamol generatorini ishga tushirish va uning generator rejimiga o‘tish jarayonini modeli.

Endi ushbu tadqiqot ishida turli shamol tezliklarida faza rotorli shamol generatorida bo‘ladigan elektomagnit va elektromexanik jarayonlar model­ lashtiriladi. Bundan tashqari, rotor zanjiriga sig‘im qarshilik ulash orqali faza rotorli asinxron generatorning tarmoqdan reaktiv energiya olishini rostlash imkoniyati ham ko‘rib chiqiladi.

4-rasmga ko‘ra, shuni xulosa qilish mumkinki, faza rotorli asinxron generatori shamol tezligi υ sh = 5,3 9 m / sek bo‘lganda tarmoqqa taxminan 2000 Vt aktiv elektr energiyasini uzatib generator rejimida ishlasa, shamol tezligi υ sh = 1,5 4 m / sek bo‘lganda esa taxminan 150 Vt elektr energiya olib motor rejimiga o‘tib ishlaydi.

4-rasm. Shamol tezligi 5,39 m/sek bo‘lgan holatdagi shamol generatorini shamol turbinasi bilan ishga tushirish va ishlash jarayonidagi aktiv va reaktiv quvvatlar o‘zgarishi.

PRINT ISSN 3060-4672 O‘ZBEKGIDROENERGETIKA

VOLUME 7 | ISSUE 1 | 2025 УЗБЕKГИДРОЭНЕРГЕТИКА UZBEKHYDROPOWER

5-rasmga ko‘ra, shuni xulosa qilish mumkinki, faza rotorli asinxron generatori shamol tezligi υ sh = 5,3 9 m / sek bo‘lganda, rotorning tezligi 1008,5 m/sekundga erishib, generator rejimida ishlasa, shamol tezligi υ sh = 1,5 4 m / sek bo‘lganda esa rotor tezligi 993,2 m/sekundga teng bo‘lib, motor rejimiga o‘tib ishlaydi.

5-rasm. Shamol tezligi 5,39 m/sek bo‘lgan holatdagi shamol generatorini shamol turbinasi bilan ishga tushirish va ishlash jarayonidagi tezlik va elektromagnit momentining o‘zgarishi.

6-rasmda faza rotorli asinxron generatori shamol tezligi υ sh = 5,3 9 m / sek bo‘lganda hamda shamol tezligi υ sh = 1,54 m / sek ga kamaygandagi stator va rotor toklarining ossillogrammalari keltirilgan.

6-rasm. Shamol tezligi 5,39 m/sek bo‘lgan holatdagi shamol generatorini shamol turbinasi bilan ishga tushirish va ishlash jarayonidagi stator va rotor toklari ossillogrammalari.

7-rasm. Shamol tezligi 5,39 m/sekdan 1.54 m/sekundga tushib ketgandagi generator ishlab chiqarayotgan aktiv va iste’mol qilayotgan reaktiv quvvatlar o‘zgarishi.

O‘ZBEKGIDROENERGETIKA PRINT ISSN 3060-4672 76 УЗБЕKГИДРОЭНЕРГЕТИКА UZBEKHYDROPOWER VOLUME 7 | ISSUE 1 | 2025

7-rasmga ko‘ra, agar shamol tezligi 5,39 m/sekunddan 1.54 m/sekundga tushib ketganida uning rotor zanjiriga 10 Om qo‘shimcha qarshilik ulansa, u motor rejimiga o‘tmasdan tarmoqqa 30 Vt aktiv elektr energiyasi uzatib, generator rejimini saqlab qoladi. Qisqa tutashgan rotorli asinxron generatorlarda bu imkoniyat bo‘lmaganligi sababidan faza rotorli asinxron generatorlarni qo‘llash o‘zgaruvchan shamol tezliklarida keng diapazonda elektr energiyasini olish imkoniyatini beradi.

8-rasm. Shamol tezligi 5,39 m/sekdan 1.54 m/sekundga tushib ketgandagi generatorning stator va rotor toklari ossillogrammalari.

8-rasmga ko‘ra, shamol tezligi 5,39 m/sek dan 1.54 m/sekundga tushib ketganidagi generatorning rotor zanjiriga qo‘shimcha qarshilik ulanganidan rotor tokining qiymati kamayib, chastotasi ortadi. Bu esa, rotor tezligining kamayishi bilan bog‘liq bo‘ladi.

9-rasm. Shamol tezligi 5,39 m/sekunddan 1.54 m/sekundga tushib ketgandagi generatorning rotor zanjiriga qo‘shimcha qarshilik ulanganidagi rotor tezligi va elektromagnit momenti.

Iqtiboslar dinamikasi

Bu ilmiy ishga ReLibrary’da chop etilgan ilmiy ishlarda hali iqtibos topilmadi.

ReLibraryTekshirilgan Metodologiya

Adabiyotlar16 ta adabiyot

  1. Никишин А.Ю., Казаков В.П. Современные ветроэнергетические установки на базе асинхронных машин // Современные проблемы науки и образования. – 2012. – № 6. URL:https://scienceducation.ru/ru/article/ view?id=7937. PRINT ISSN 3060-4672 O‘ZBEKGIDROENERGETIKA VOLUME 7 | ISSUE 1 | 2025 УЗБЕKГИДРОЭНЕРГЕТИКА UZBEKHYDROPOWER ТЕОРИЯ И ПРАКТИКА THEORY AND PRACTICE
  2. Выбор электрогенераторов для ветроэнергетических установок / Ералы Ертайулы Нурахмет, А.А. Гафаров, М.С. Бенке [и др.] // Молодой ученый. – 2016. – № 28.2 (132.2). – С. 68-79. – URL: https://moluch.ru/archive/132/36983/
  3. Toshpo‘latov N.T., Qodirov D.B. Qayta tiklanuvchi energiya manbalari. – Toshkent irrigatsiya va qishloq xo’jaligini mexanizatsiyalash muhandislari instituti, 2019. – 174 b.
  4. Pulatova D.M. Shamol energetikasi fani uchun darslik. – T.: TDTU, 2023. – 260 b.
  5. Zou Y., Elbuluk M., and Sozer Y. “Stability analysis of maximum power point tracking (MPPT) method in wind power systems,” IEEE Trans. Ind. Appl., Vol. 49, No. 3, pp. 1129-1136, May/Jun. 2013.
  6. Xu H., Zhang W., Chen J., Sun D., and He Y. “A high-voltage ride-through control strategy for DFIG based wind turbines considering dynamic reactive power support,” in Proc. the CSEE, Vol. 33, No. 36, pp. 112-119, 2013.
  7. Hossain M.J., Saha T.K., Mithulananthan N., and Pota H.R. “Control strategies for augmenting LVRT capability of DFIGs in interconnected power systems,” IEEE Trans. Ind. Electron., Vol. 60, No. 6, pp. 2510-2522, Feb. 2013.
  8. Wang L. and Truong D.-N. “Stability enhancement of DFIG-based offshore wind farm fed to a multi-machine system using a STATCOM,” IEEE Trans. Power Syst., Vol. 28, No. 3, pp. 2882-2889, Aug. 2013.
  9. Song D., Yang J., Cai Z., Dong M., Su M., Wang Y. Wind estimation with a non-standard extended Kalman filter and its application on maximum power extraction for variable speed wind turbines, Appl. Energy 190 (2017) 670-685. https://doi.org/10.1016/j.apenergy.2016.12.132.10.1016/j.apenergy.2016.12.132
  10. P. Buduma, N.K. Vulisi, G. Panda. Robust control and Kalman MPPT for grid-assimilated wind energy conversion system, IEEE Trans. Ind. Appl. 57 (2) (2021) 1274-1284, https://doi.org/10.1109/TIA.2020.3047585.10.1109/tia.2020.3047585
  11. Al-Ghossini H., Locment F., Sechilariu M., Gagneur L., Forgez C. Adaptive- tuning of extended Kalman filter used for small scale wind generator control, Renew. Energy 85 (2016) 1237-1245.
  12. Baran J., Jaderko A.. An MPPT control of a PMSG-based WECS with disturbance compensation and wind speed estimation, Energies 13 (23) (2020) 6344, https://doi.org/10.3390/en13236344.10.3390/en13236344
  13. Gaied H., Naoui M., Kraiem H., Goud B.S., Flah A., Alghaythi M.L., Kotb H., Ali S.G., Aboras K. Comparative analysis of MPPT techniques for enhancing a wind energy conversion system, Front. Energy Res. 10 (2022). https://doi.org/10.3389/ fenrg.2022.975134.
  14. Bekishev A.Y., Norboev A.E., Khudoynazarov U.A., Kurbanov N.A. and Yunusov O.A. Autonomous mode and parallel operation of an asynchronous generator with the electrical network. Volume 5, 2024, VII International Conference on Actual Problems of the Energy Complex and Environmental Protection (APEC-VII-2024). https://doi.org/10.1051/e3sconf/202452401009.10.1051/e3sconf/202452401009
  15. Mohamed S.A., Abd El Sattar M. A comparative study of P&O and INC maximum power point tracking techniques for grid-connected PV systems, SN Appl. Sci. 1 (2) (2019) 174.
  16. Zhang X., Jia J., Zheng L., Yi W., Zhang Z., Maximum power point tracking algorithms for wind power generation system: review, comparison and analysis, Energy Sci. Eng. 11 (1) (2023) 430-444. O‘ZBEKGIDROENERGETIKA PRINT ISSN 3060-4672 78 УЗБЕKГИДРОЭНЕРГЕТИКА UZBEKHYDROPOWER VOLUME 7 | ISSUE 1 | 2025

Metama’lumot

Identifikator
REL-A-014097
Nashr sanasi
2025-09-10
Til
o‘zbek
Jurnal
“O‘ZBEKGIDROENERGETIKA” ilmiy-texnik jurnal
Jild
7
Son
1
DOI
10.5281/zenodo.15484111
ISSN
3060-4672
Nashriyot
“O‘ZBEKGIDROENERGETIKA” ilmiy-texnik jurnal
Sahifa
71–78
Litsenziya
Ushbu ilmiy ish CC BY 4.0 litsenziyasi asosida ochiq.
Metadata manbasi
“O‘ZBEKGIDROENERGETIKA” ilmiy-texnik jurnal
Oxirgi yangilanish
2025-09-12